昨日有老友到公司吹水，並且送了幾本書給我，我話點解咁破費，老友話10元兩本，點會破費，至於點解咁平，我相信大家都知道，就是書展結束當日，出版商唔想將展銷用的書藉運回貨倉，於是以
10元兩本出售，其實，出版商可能唔察覺，他們咁樣做是侮辱了讀書人，如果唔想運返貨倉，不如任人攞，一毫子都唔收，作為家反而唔會有怨言，10元兩本實在太過份。
出版商以為好醒目，其實蠢過隻豬，試問10元可以買兩本，又點會以百幾蚊買一本書，就好似報紙一樣，傍晚會有人回收當日賣唔晒的報紙，唔會以一蚊一份清貨，因為報社知道，如果傍晚以一蚊一份清貨，早上就唔會有太多人以正價買報紙，清貨反而會影響報紙的銷量，最後受到損失的反而是報社。
每年在書展前，有不少作家趕住出新書，以為書展是個好檔期，會做出一個好成績，其實，如果不是娛樂界人士，就千祈唔好在書展出書，因為書展這個檔期是為娛樂界人士而設，不少新晉，或者半紅不黑的娛樂界人士，都會趁書展出書，作用是提高自己知名度，資深作家在書展出書，簡直是自取其辱，眼見那些娛樂界新晉作家，不時接受訪問，而且那些作家新書亦賣得唔錯，而自己的新書根本無人問津，一個書展下來，可能只賣得十本八本，最後有機會淪落到10元兩本，大家可以想想那些作家心情，出版社幫幫忙，唔好侮辱他們。
很多人以讀一個學位，談一場戀愛，出一本書為人生的目標，三個目標以出一本書最容易，只要肯畀錢就會有人替你寫，在書展之前，出版商就會向那些有意做作家的人游說，而事實上那些書大多數銷量都不會很好，但出版商是不會有損失，但如果因為銷售不佳，唔想將貨尾運去推填區，而降價10元兩本出售，這樣會嚇窒一些打算出書的作家，最後就少了人出書，損失的反而是出版商，為了10元兩本失了市場，真係唔值得。
10元兩本出售，其實，出版商可能唔察覺，他們咁樣做是侮辱了讀書人，如果唔想運返貨倉，不如任人攞，一毫子都唔收，作為家反而唔會有怨言，10元兩本實在太過份。