昨日在食完中午飯之後行過生果檔，見到啲橙幾靚，檔主不在，於是叫睇檔的人揀幾個，回到公司之後發覺有兩個爛橙，其他兩個
冇事，沒有將事情放在心上，繼續工作。
放工時又經過生果檔，檔主見到我立刻話唔好意思，剛才睇檔的人誤將一些次貨賣給我，檔主再給我幾個，我話好嘅已經食咗，爛嘅已經掉咗，冇得換，檔主話換唔換唔緊要，最緊要我肯收這幾個橙，因為一向以來，他的生果檔都是標榜貨真價實，冇理由為了幾個橙毀了聲名，咁樣就恭敬不如從命。
近日報章有不少買藥材海味不足秤的報道，那些海味店還未向客人解釋清楚，就已經將藥材切片，遊客唔滿意，就隨時會驚動警察，而且被YouTuber拍片放上網，變相蠶食香港是購物天堂這個金漆招牌，所以，千祈唔好因小失大，不但害了自己，仲害埋其他香港人。
政府亦有責任保護香港是購物天堂這個金漆招牌，對於那些欺騙遊客的商舖絕對不能手軟，在以往，對於那些欺騙遊客的商店，執法機構大多數是警告了事，間接助長了那些不法行為，政府應該知道，貨真價實是香港一條要死守底線，如果守唔住，不但沒有購買天堂這個金漆招牌，甚至連金融中心也不保，到那時候，做甚麼也沒有用，遊客以及投資者已經對香港失去信心，所以，對於破壞貨真價實的人，一定不能手軟。
冇事，沒有將事情放在心上，繼續工作。