復活節期間去了澳門與一班舊同學聚會，有同學話我入錯行，唔應該做地產，尤其是買樓收租，因為在香港，地產屬於偏門，一句無良業主已經可以說明一切。既然都是偏門，我應該留在澳門做賭業，冇理由做得差過阿蘇。老同學太睇得起我，在澳門，冇邊位人兄管理賭場好得過阿蘇。至於阿蘇係邊個，正是先生不知何許人也，亦不詳其姓字，咀邊有鬍鬚，因以為號焉。
夏寶龍先生來港接見各界人士，雖然夏生話舞照跳，馬照跑，大家搵啲錢，但並沒有接見舞業大亨以及騎師、麻雀館老闆，因為那些都是屬於偏門生意，與此同時，亦無接見地產界人士，有老友話中央政府亦可能將地產行業歸納為偏門生意，否則，就唔會唔接見。
我覺得老友太偏激，如果內房好似香港地產商咁穩陣，國內就無後顧之憂，我認為夏先生唔接見主要是因為地產商只是會要求撤辣，仲話唔撤阻住地球轉。老實說，在第一季樓價已經升了7%，今年升15%已經冇走雞。如果撤辣，萬一好似新加坡一樣，樓價上升28%，夏先生就會受千夫所指，地產商當然開心。老實說，現在還不是撤辣好時機。
現在香港人只准買一個單位，想做無良業主都唔得，當全面復常之後，專才來港，樓宇租盤供應一定唔夠，租金必然急升，到時政府就會考慮讓香港人多買一個單位收租。與此同時，亦可能放寬專才買樓的退稅年限。撤辣是要按步就班，不能夠熱飯急食，同夏先生講撤辣，即是迫佢犯錯，唔接見是最好的解決方法。
夏寶龍先生來港接見各界人士，雖然夏生話舞照跳，馬照跑，大家搵啲錢，但並沒有接見舞業大亨以及騎師、麻雀館老闆，因為那些都是屬於偏門生意，與此同時，亦無接見地產界人士，有老友話中央政府亦可能將地產行業歸納為偏門生意，否則，就唔會唔接見。