不少人認為人民幣國際化是天荒地老的事，孫仔嗰代都未必可以見到，原因是人民幣現在只佔貨幣交易量3%，美元歐元加埋有90%，用蚍蜉撼樹來形容
人民幣國際化都可能是高估，中國政府不如叠埋心水用美元，乖乖地聽美國的說話，唔好被美國踢出SWIFT已經是贏家。
當大家的注意力集中在人民幣國際化的時候，白宮發言人黑妹提醒各國唔好去美元化，因為會傷害美國利益，將會受到制裁。其實，美國要制裁就隨時可以制裁，根本不用提出警告，否則在俄烏衝突之前，如果美國預先提出警告，場仗可能打唔成，或者美國有心唔講，有殺雞儆猴作用。
美國如果能夠打低俄羅斯就無話可說，但俄羅斯始終有打不死精神，但俄羅斯唔死，美國就頭痕，因為其他國家見狀就有所警惕。如果有朝一夕唔啱美國心意，一聲制裁，整個國家便停頓，正是契弟走得摩，於是各組聯盟，提倡本幣交易，就算被美國制裁都有生存機會，所以黑妹話唔用美元會被制裁是講唔通，而事實所有國家擔心無端端被美國制裁才唔用美元，如果美國擔保不會制裁任何國家用美元，甚至准許俄羅斯重新加入SWIFT，就唔會出現本幣交易。
人民幣國際化只是名稱太響亮，說穿了就不用大驚小怪，其實是本幣交易一種，不過，有一個副作用就是有利統一台灣。去年台灣對中國貿易順差高達1500億美元，如果中國用人民幣付款，台灣要唔要，如果要，這是接受統一前奏曲，如果唔要，1500億美元就付諸流水，有口痕友話，統一台灣唔使打仗，武統不如幣統。
人民幣國際化都可能是高估，中國政府不如叠埋心水用美元，乖乖地聽美國的說話，唔好被美國踢出SWIFT已經是贏家。