我較早前去了一間名店食飯，原因是知道那位主管另謀高就，順便攞他的新卡片，誰不知那位主管話十劃都未有一撇，仲希望我要繼續幫襯那一間名店。老實說，我幫襯只是因為那位主管，因為每次食飯他都跟得很足，試過幾次主管不在，食物與服務水準差了很多。既然唔想講新店的名字，我亦無謂強人所難。
幾個月之後，那位主管打電話給我話已經去了新店工作了一段時間，我以為一定是上晒軌道才叫我去幫襯，原來我搞錯，主管話知道佢離開之後，舊店的生意一定會差很遠，如果俾舊老闆知道在離開之前猛派卡片俾熟客，雖然在法律上沒有責任，但在行頭的聲譽始終唔係幾好，幾個月之後就唔同，舊店亦搵到好手打理，生意亦可以保持，所以他才夠膽叫熟客幫襯新店。有一些人情世故的事，老一輩的人才懂得處理。
有時候就算當事人識做，亦會被人誤會，
周大福老臣子離職，本來是日出日落，閒過立秋的事，但不幸周大福股價大跌。其實，除TVB之外，很多股票都大跌，但報章話老臣子一離開，周大福市值蒸發了100億元，傳媒的意思是確認老臣子非常值錢，但傳媒其實是幫倒忙，老闆睇到一定唔會開心。老實說，做得這一個位子，一定面面俱圓，唔會講舊公司閒話以及撬走其他工作人員以及客戶，因為行頭很細，無謂搞到舊老闆唔開心，正是今日留一線，他日好相見。
周大福老臣子離職，本來是日出日落，閒過立秋的事，但不幸周大福股價大跌。其實，除TVB之外，很多股票都大跌，但報章話老臣子一離開，周大福市值蒸發了100億元，傳媒的意思是確認老臣子非常值錢，但傳媒其實是幫倒忙，老闆睇到一定唔會開心。老實說，做得這一個位子，一定面面俱圓，唔會講舊公司閒話以及撬走其他工作人員以及客戶，因為行頭很細，無謂搞到舊老闆唔開心，正是今日留一線，他日好相見。