唱得太淡，擔心銀行向依期供款者追數

　　有年輕朋友話近日有不少低價成交，令到他的自住單位樓價低於市價。換句話說，他已經是一名負資產者，他有一份收入不錯的工作，供款冇問題，而事實上他從來沒有拖欠供款，但他擔心銀行會追收差額，原因是他的自住單位資不抵債，現在每日都是活在誠惶誠恐之中。

　　年輕朋友問我是否試過被銀行追數，他估計我一定未試過，所以，唔知道擔心被銀行追數的苦惱。年輕朋友估錯了，我試過被銀行追數，在2008年，我有一個價值3億元物業按在銀行，只是借了1.5億，銀行話測量師將我的物業估值大幅調低至1.5億，我最少要補7500萬差額，好彩當時有錢，便將1.5億還給銀行，及後我問銀行點解要向我追差額，自問我從未脫過一期供款，而當時供款脫期的人非常之多，銀行應該向他們追數，銀行話他們都唔想，不過測量師大幅將我的物業調低一半，如果唔向我追數，萬一日後我脫期供款，而又資不抵債，他們就烏紗不保，我話明白。

　　近日唱淡樓市的評論鋪天蓋地，有老友問我點解要唱反調，我話有兩個理由，第一，香港的業主防守力相當之強，唔會咁輕易要賣樓，而且，絕大多數業主都會依期供款，因為業主知道，如果拖欠供款被銀行追數，甚至收樓就無話可說。

　　第二個理由比較客觀性，如果任由分析員唱淡，試問怎會有銀行家明知樓價會下跌五成而唔向客戶追數，如果太多這類個案，樓價想唔跌都唔得。所以，我是迫不得已要唱反調，希望評論員手下留情，否則的話，會令銀行向依期供款者追數。