太多人叫減辣，反而唔會減辣

　　昨日被老友埋怨，佢問點解我在特首公報施政報告前，唔好似其他人大力要求政府減辣，甚至全面撤銷辣招，我話自己人微言輕，而且，太多人講減辣，有迫宮味道，可能適得其反，政府就算打算減都唔會減，老友唔同意，佢認為人多迫政府，政府就會做，這點我又唔意，其實，我有點不明白，老友有公職，又有勳章，點解佢唔向政府直接提出，而叫一個平民百姓去反政府，即是我做衰人，他做好人。

　　其實，政府已經開始減辣，容許合資格的非港人，在未成為永久居民之前買樓，在取得永久居民身分證之後，可以取回印花稅，已經是一大步，所釋放的購買力非同小可，雖然有不少人希望政府全面撤辣，令香港人買第二個單位不用交辣招稅，這點我真的不同意，這樣會剝削其他香港人的上車機會，而事實上政府已經做唔錯，仲鬧什麼，老友話唔拗，無謂傷感情。