有老友話中原指數連跌8個星期，比高峰時下跌了8％，令到大部份業主都非常擔心，相信有不少業主後悔沒有在樓價高位時賣樓，現在真的是後悔莫及。
我叫老友搵一個賣了樓，一個沒有賣樓的業主傾吓，睇吓邊個擔心，未賣樓的業主會覺得一切如常，樓市一定有升有跌，唔通升幾個％賣樓，跌幾個％就後悔，如果不是打算賣樓的業主，莫講話跌幾個％，就算跌20個％都唔會後悔。
賣了樓的業主就唔同，他們見樓價指數跌得咁慢，而且只是跌了8％，他們擔心政府突然放寬抗疫措施，包括解封通關，或者撤銷國內人士買樓的印花稅，樓價就會調頭回升，那些賣了樓的業主就損失慘重，所以，現在只是賣了樓的業主擔心，還未輪到未賣樓的業主擔心。
