如何面對售後租回的業主

　　有老友買入一個住宅單位，賣家售後租回，本來是各取所需，老友亦很滿意，但舊業主話，根據各大分析員評估，香港樓市在未來幾年都冇運行，跌少過三成已經算是執到，希望老友到時可以用市價賣回給他，老友頂住條氣，問我如何回應。

　　老友太好人，買了樓他就是莊家，舊業主變成租客之後就是閒家，莊家點可以俾閒家大到，我叫老友唔好勞氣，同舊業主講，租約到期的時候，如果樓價上升，他是非常樂意繼續租給舊業主，但如果樓價下跌，他不但不會租給舊業主，更加唔會蝕本賣，而舊業主一定要搬走，所以，如果舊業主希望繼續租到他以前擁有的單位，必須希望樓市上升，最低限度都唔好下跌，老友話高招，但會唔會太過陰毒，我都唔知，不過，只是俾舊業主有心理準備，唔應該用陰毒求形容。