有老友見我在一片唱淡樓市聲中，仍然氣定神閒，於是話根據他投資物業未逢敗績的經驗，什麼移民，加息，解封無期等理由，根本唔需要，樓市一定會大冧，他早已將手上的物業賣走，亦賺了不少錢，我今日唔賣樓，以後就會後悔莫及，老友仲話，如果有門路，他的經驗可以入到哈佛 case study 。
我覺得老友所講的哈佛是哈爾濱佛教大學，不過我當然沒有說出來，我同老友講，我在外國讀大學時，有一位在哈佛任教的著名學者推薦我睇哈佛case study ，當然要自己畀錢買，我覺得好貴，唔想買，於是話哈佛case study 所講的不是經驗，而是自信，所有case study 所講的全部都是成功例子，即使有失敗都只是曾經失敗，最後都成功，睇得多認為世界上沒有失敗這回事，其實是相反，失敗例子多過成功不知幾多倍，否則哈佛就不會將成功例子做case study ，結果我當然冇買。
其實，我講的理由不是重點，而是我最憎睇書。十年後，我收到一套由教授送給我的哈佛case study ，便條只有一句話，就是你說得對。
