地產博客
瀏覽人次:9717    回應:7
文亮言

小心賣咗買唔返

 

湯文亮博士

紀惠集團行政總裁
2022年8月4日

  較早前有年輕朋友話睇唔好樓市前景,打算賣了自住單位,買債券收息,用作交租,好過欠下一大筆樓宇按揭。當時年輕朋友亦問過我的意見,我只是話小心賣咗買唔返,如果知道很容易買回差不多或者更佳單位,的確唔怕賣。年輕朋友話物業代理叫他不用擔心,賣走之後可以隨時買回,就算要交稅都仍然賺一大筆。哈哈,乜乜靠得住,豬乸會上樹。

  年輕朋友很順利賣了樓,價錢亦唔錯,不過,他反而非常擔心,因為太多人睇樓,他已經臨時加價,仍然很容易賣走,既然很容易賣樓,樓市又點會大跌。年輕朋友是聰明人,當然了解到每一件事都有互補性,當賣樓的時候很容易,買樓就會很困難,他擔心日後很難買到合適單位,除非樓市大冧,不過,樓市大冧他又不會買樓,所以,他現在非常矛盾,亦非常後悔,在沒有必要的情況下將自住單位賣走。

  我相信年輕朋友不用太久就會領略到我話「小心賣咗買唔返」的意思。現在市場上鋪天蓋地話樓市下跌,但實際情況是市場缺出售樓盤,成交量偏低並不是沒有人買樓,而是沒有人賣樓。如果不是有咁多評論員話樓市下跌,估計更加少人出售他們的單位,但問題是倘若那些人不是打算移民,他們賣樓之後反而會了解樓市真實情況,最終又會變回一個打算買樓的人。不過,忠言逆耳,很多人都唔鍾意聽實際情況,好似我話「小心賣咗買唔返」,年輕朋友唔鍾意,當時我亦怪自己多口,講什麼小心賣咗買唔返,講恭喜就可以。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 引刀一快 2022-08-04 20:36:54
唔使怕,大灣區大把貨,平嘢好多。
2. 一元 2022-08-05 09:56:49
在交通改善下,可以住的地區會變大。 

加上北部都會區,是將來發展重心。

由此向東,西,北一百公里,都可居住。向南就太貴。
3. 冷眼旁觀 2022-08-05 10:25:00
吾緊要啦,D錢你赚哂佢啦
4. 識唔識架? 2022-08-05 23:08:29
呢個世界,只要有錢,有乜野係買唔返?除非你冇本事。
6. x 2022-08-11 20:34:46
起碼跌3成起跳
7. Sugimoto 2022-08-12 03:48:50
講得好忠肯、最終個句~衣、食、住、行就是必須的~現今也是張來也是ㄧ樣!
8. 劍聖 2022-08-12 17:31:49
你有沒有看見地產佬話樓價會下跌,九七二千年和2008跌時說你返正要住,跌咗沒'問题,地產佬信得過,為何人家要現在賣出?九七人家高位賣了然後移民,不要面對負資產,今天話樓價二十五年高過九七話人家後悔,說到全世界只有香港樓升了