我曾經問在天文台做事朋友，點解我睇天氣預測，很多時天文台都會話在四、五日之後有40%落雨，而且是連續幾日的預測都是一樣，但結果是四五日之後，連續多日，不但沒有落雨，而且是烈日當空，究竟天文台有冇認真做預測。
天文台朋友話，天氣預測與樓市預測都是一樣，天文台話在四、五天之後有30、40%機會落雨，與樓市專家話加息
令樓價下跌都是一樣，只不過叫大家有所準備，就算冇落雨，沒有加息，亦唔會有人話天文台與樓市專家預測不準確，但如果在沒有預測落雨的情況下狂風暴雨，天文台一定會俾人鬧到失暈，所以，在天文台做的專家有理冇理都會話未來幾日有30-40％機會落雨，唔落雨冇人會理，天文台科學主任又講得啱，我真係未聽過有人投訴天文台預測落雨而結果沒有落雨。
近日有很多專家預測樓市下跌，心態與天文台主任一樣，除了叫大家有所準備之外，倘若樓市不跌，不會有人怪責他們，但如果樓市真的下跌，專家們就會大大聲講，已經警告了大家樓市會下跌，正是不聽專家言，吃虧在眼前，但樓市專家可能不明白，有一些人是會信到十足十，不但唔敢買樓，就算買了都會撻訂，亦有少部分人嚇到賣樓，不過，即使如此，都唔會有人質疑那些睇淡樓市專家，反之一些人認為樓市可以保持平穩，但如果樓市下跌，就會被人鬧到反肚，既然大家都鍾意聽樓市下跌，專家們亦會順從民意，大家聽到的都會是樓市下跌的聲音，就算樓市上升，亦不會有人怪責那些預測樓市下跌的人，他們都是一片好心，叫大家有所準備而已。
令樓價下跌都是一