過期與過造是有分別

湯文亮博士

紀惠集團行政總裁

2022年7月29日

　　今日同有錢佬食飯，經理介紹禾蟲，仲話唔食就會過期，有錢佬同我都不明白，過期？有錢佬問，是否禾蟲做緊特價，否則點解會過期，經理話，有食家在報紙講，夫死夫還在，禾蟲過期恨唔返，有錢佬話，食家搞錯，應該是禾蟲過造恨唔返。

　　有錢佬話，過期是時間，過造是質量，仲話我寫文章叫人大造的時候才買樓，經理話多謝指導，仲送了兩份做法唔同的禾蟲給我們，一是用砵仔做的焗禾蟲，大家都成日食，其實禾蟲的份量很少，另一份是椒鹽禾蟲，禾蟲分量很多，五顏六色，大家未必夠膽食，有錢佬問我夠唔夠膽食，我話膽生毛，點解唔敢食。

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱

密碼

1. 引刀一快 2022-07-29 20:30:12

外面賣缽仔焗果啲，好多都係落咗蛋，厄瓜多爾咁呃，自己整果啲，洗乾淨就餵佢飲油，然後落鹽爆漿，落料一齊蒸，熟咗再烘香佢。

依家禾蟲造期冇以前咁清晰，因為有人工養殖，天然里水禾蟲幾乎400蚊斤，養殖貨就60~70蚊，蟲身冇咁飽滿肥美，帶潺。

如果講膽，近年有人食禾蟲生，呢樣嘢我廿幾年前就貪得意試過，好奇怪，生食冇乜味道，淡淡地，仲係連配料一齊蒸好食。