夜半無人絲語時

　　在英國一間餅乾廠，一班移英港人開夜班，有人自得其樂話，當日唐玄宗李隆基在長生殿與楊貴妃，夜半無人私語時是幾咁浪漫，不過，今日都唔差，一班志同道合的移英港人，一齊做夜班工作，可以傾吓閒計，正是夜半無人絲語時。

　　有人話，現在香港樓價大跌，不少收緊租的業主都劈價賣樓，前景認真唔樂觀，今次真係走得摩，冇鼻哥。有一位新到埗的移英港人立刻話，千祈唔好笑那些業主，他們雖然劈價，仍然賺到笑，如果以BNO身份入境之前沒有將物業賣走，立刻會變成一個賦稅居民。當物業賣出時，要俾40%賺價的稅給英國政府，不過，劈價賣樓代表那些業主是身在曹營心在漢，始終掛住香港人，不是全心全意的同路人。

　　有人話，剛用了一小時最低工資買了一公斤牛油，如果在香港，要用三小時最低工資才可以買到半公斤。另一位不同意，佢話條數唔係咁計，早兩日，佢走去食一碟牛腩麵加一碗淨雲吞，用了400港元，在香港，大約是100元，有地緣政治影響，不能作出比較。不過，最低工資在英國是90港元，比起香港的37.5港元高很多，又有人唔同意，佢話有一個在香港開兩餸飯店的朋友話，要用850元請人做10小時，做唔夠照付850元，做多咗要補水，最低工資可能有誤會。

　　領班入嚟對所有人講，由今個星期開始，一個星期返四日，下一個星期返五日。有人立刻問，工資是否一樣，領班話當然唔係，呢度係英國，唔係香港建造業議會，生意唔夠才出此下策，返四日收四日工資，有人立刻話，不如開始返五日，下一個星期才返四日，萬一工廠執笠，都做多一日，領班話冇問題。

　　領班入房對主管講，班香港人痴線，一日半日都咁計較，英國政府的BNO 5+1又接受，唔怕5年之後話不及格，送他們返香港。如果要爭取，4日5日冇乜意思，倒不如爭取1+5，住滿一年可以申請移民，五年後可以入籍，就算不合格一年之後就知道。