星期六早上，有老友到公司吹水，佢話疫情似乎很快就會過去，一切將會回復正常，我有冇加伙記人工，我話冇，佢話我是無良CEO，佢加了4%，這才是真老闆。
到我問佢有冇炒人，佢話大約炒10%人手，全部都是那些WFH的同事，在疫情後仍然留戀WFH，不時仲單單打打話WFH點好點好，老友炒人是有一個原則，就是WFH的同事，最遲回復正常工作時間的就會被炒，老友強調，如果唔炒，對唔住返足工的同事。
老友果然是精明老闆，利用WFH淘汰一些冗員，在職的又可以加薪5%，不但拉高士氣，而且仲贏得掌聲。我唔知道自己有冇做錯，我唔准WFH，結果我沒有炒人，但亦沒有加人工，好彩同事們都明白事理，沒有要求我加人工。我的意念是大家有飯食，唔好幾個冇得食，其他就加餸。但我始終認為老友的方法好過我，不過我做唔出。
