朋友係做生意嘅老板，近年來生意每況愈下，冇曬心機。不過呢二十幾年來順景順水，加上又做埋業餘炒家，魚翅撈飯食。今日唔開心，對佢來講都係暫時嘅，不過生意唔好有點持久曠日，尤其係地產嘅價格跌破咗十年前嘅價位，銀行竟然向佢 Call Loan，搞到佢冇曬面。我真懷疑佢手頭現金都幾緊，不過千祈唔好以小人之心度君子之腹，做生意邊個唔會用槓桿放大賺錢嘅倍數？不過碰到當今香港地產價格平均跌幅30巴仙，咁就可能連本金都冇曬，轉眼間見財化水，又唔怪得銀行打電話來叫佢加碼。
今日佢用 WhatsApp 發來個視頻，話立法會議員田北辰指出香港零售業進入咗冰河時期，香港嘅《三高》人工
高、租金高同埋物價高好難頂。田二少嘅家族生意有時尚服裝連鎖店 G2000，佢對於香港呢刻嘅經營困境有切身之痛。其實香港嘅三高都唔係今日嘅事，十幾年來一直都係，香港人冇留意啫。因為香港經濟到疫情三年前夕，一直都受益於大陸經濟嘅起飛，同埋歐美資金源源不絕嘅流入，地產同埋股市沒有最高只有更高。但全球第一嘅地產價格早已經超越香港本地市民嘅負擔，湧入香港嘅資金總泊喺地產同埋股市度。中美關係嘅惡化至係問題嘅主因，都唔係美聯儲加息。
大陸經濟增長開始放緩，歐美資金開始撤離，香港股市卻在歐美股市繼續攀升勢頭中暴跌，地產亦都係寫字樓空置率上升中開始下滑。香港作為亞洲金融中心嘅地位開始受到衝擊，轉口貿易的集裝箱碼頭活動日益蕭條，香港嘅支柱產業仲剩番幾多？恐怕田二少所詬病的人工高可能很快就係明日黃花，而周街嘅吉鋪同埋來緊嘅失業，高昂嘅租金都會超快讓步。冇經濟基本面嘅支撐，何來三高？
高、租金高同埋物價高好難頂。田二少嘅家族生意有時尚服裝連鎖店 G2000，佢對於香港呢刻嘅經營困境有切身之痛。其實香港嘅三高都唔係今日嘅事，十幾年來一直都係，香港人冇留意啫。因為香港經濟到疫情三年前夕，一直都受益於大陸經濟嘅起飛，同埋歐美資金源源不絕嘅流入，地產同埋股市沒有最高只有更高。但全球第一嘅地產價格早已經超越香港本地市民嘅負擔，湧入香港嘅資金總泊喺地產同埋股市度。中美關係嘅惡化至係問題嘅主因，都唔係美聯儲加息。