陪女友去九江會琴友，佢又要喺南昌停留幾日同當地閨蜜相聚食飯，一個星期來都冇睇新聞。反正唔習慣上百度搜索，覺得好浪費時間，就用微信向香港朋友問下近況。原來上星期一恒指跌穿咗一萬五，睇來朋友聽咗邊個大淡友網紅，話恒指今年表現咁淒慘，萬七點都係底啦，諗佢一定入咗啲貨，依家幾日唔見咗百分之十幾，唔媽媽聲至出奇。
其實股市越跌得急，博佢強力反彈嘅成功概率就越高，不過我覺得儘量避免以為自己藝高人膽大，自己做大閘
蟹。果然個朋友星期二一早同我講咗聲音仲未消失，恒指真係反彈，一連三日到星期五至回返。當然，世界上冇人有睇準最低位又能果斷入貨，又短炒到最高點出貨，但係恒指萬五點，確係兵家必爭之地。呢度嘅兵家，當然係指大盤同金管局啦。因為最近有唔少傳聞，話有大地產公司俾銀行 call loan。呢陣樓又賣得唔好，股市又咁殘你叫班友去邊度搵值得抵押嘅資產俾銀行？我又睇清下恒指星期二到星期四呢三日嘅詳細走勢圖，俾人一種有人托市嘅感覺，所以三四日從最低到最高點升咗成千五點，似乎今次反彈已經告一段落，除非依然仲有喺山頭匿埋嘅羊咩自己出來供獻。
依我估計，港股要觸底重啟升勢，依家依然係一廂情願。依家點金融大鱷喺日經道指甚至印度股市啱啱至玩到興高采烈，如果來香港見到恒指一池死水，點會有好心情呢？今次香港地產股市雙跌，對整個香港人嘅財富嘅衝擊可能遠遠超過好多人嘅想像。喺大學上堂學咗少少經濟知識，如果加上少少實戰經驗，頭腦唔發熱嘅話，對於香港整個經濟嘅氣氛，會有一定嘅感受嘅。依然嘅股市氛圍，唔係用 PE 可以解釋得清楚嘅，睇來係大市對香港整體經濟前景，發生咗巨大而深遠的改變。
蟹。果然個朋友星期二一早同我講咗聲音仲未消失，恒指真係反彈，一連三日到星期五至回返。當然，世界上冇人有睇準最低位又能果斷入貨，又短炒到最高點出貨，但係恒指萬五點，確係兵家必爭之地。呢度嘅兵家，當然係指大盤同金管局啦。因為最近有唔少傳聞，話有大地產公司俾銀行 call loan。呢陣樓又賣得唔好，股市又咁殘你叫班友去邊度搵值得抵押嘅資產俾銀行？我又睇清下恒指星期二到星期四呢三日嘅詳細走勢圖，俾人一種有人托市嘅感覺，所以三四日從最低到最高點升咗成千五點，似乎今次反彈已經告一段落，除非依然仲有喺山頭匿埋嘅羊咩自己出來供獻。