茶餐廳手記（#469）言論自由，可以將政府鬧到狗血淋頭

　　今早去到茶餐廳，有新加坡客人陰陰咀笑住講，今次香港人真係攞嚟賤，無端端搞什麼環保，現在俾新加坡傳媒唱趕客之都之後，又嚟一場環保風暴。

　　老闆話，新加坡人就是如此的，嘲笑其他政府，尤其是馬來西亞同香港就可以，一定唔敢講自己政府，有時候在Facebook 回應講多兩句，例如有內地客話新加坡食物唔好食，就立刻有回應話唔好食可以唔食，甚至可以唔嚟新加坡。不在其位 不謀其政，今次新加坡傳媒講香港環保風暴真係失哂風度，況且搞環保香港又唔係行最前進，國內紙餐具用咗起碼20年，估計兩三年新加坡亦會推行。

　　老闆又唔使咁㷫，新加坡傳媒話香港人因政府要求環保而猛鬧政府，而出現一個環保風暴，代表香港人有言論自由，試吓響新加坡推出環保餐具，新加坡市民一定會對政府歌功頌德，唔敢鬧政府，但今日就夠膽鬧香港政府。