茶餐廳手記（#291）好彩有高息定存

　　今早去到茶餐廳，見到各位客人都好精神，有客人話去了一個短程旅行，亦有客人話在家休息幾日，與家人食飯，充了幾日電，個人都特別精神。

　　老闆話，雖然報紙與及不少視頻講到香港幾咁唔好，又話民不聊生，早走早着，而事實上大部人香港人都過得唔錯，尤其是上了年紀的香港人，就算住公屋都可以過得很好，而香港傳媒特點就是好事不出門，醜事傳千里，大家都見怪不怪。

　　有客人不明白，樓價跌、股票跌、金融產品跌，香港人一定有損失，點解仲可以咁開心，老闆話，所有投資產品都有一個共同敵人，就是利息，利息高，投資產品就會下跌，因為人們會減少買投資產品，而將資金清還債務，或者做高息定存，老實說，現在定存利率5%比比皆是，而香港有1000萬現金做定存的人多到不得了，每年收50萬元利息，每個月收4萬，又唔使畀稅，點解唔可以手爽啲，使吓錢，如果利率只得0.5%，為了保值，不得不考慮投資產品，咁就有可能有所損失，高息定存萬歲。