茶餐廳手記（#235）搞活經濟，減價最實際

　　今早去到茶餐廳，有客人問老闆，如果茶餐廳生意唔好，有甚麼辦法將生意額提高，是否應該學政府叫商場延長營業時間，茶餐廳亦要𨒂長營業時間至半夜。

　　老闆話，公務員使公家錢，邊度識做生意，茶餐廳現在連晚市都唔開，莫講話延長營業時間至半夜，而事實上要做多啲生意，減價是不二法門，如果茶餐廳重開夜市，最初一兩個月一定會七、八折減價，吸引多些熟客，然後慢慢才回復正常，如果唔減價就貿貿然重開晚市，冇人幫趁重衰多兩錢重。

　　至於點樣才可以減價，就是在沒有增加成本之下增加營養額，例如一些餐廳，在十一點之後，唔阻礙行人情況下，可以放兩、三張枱在街上營業，不過，在香港這是天方夜譚，就算政府容許，一定會有很多投訴，官員可能唔知道，延長商場的營業時間是很龐大，開門營業的餐廳未必願意負擔。