為了班伙記才唔執笠

　　今早開例會，有同事剛剛與租客傾完續約，我以為唔掂，誰不知同事話幸不辱命，租客原來打算執笠，而且同伙記講妥遣散等費用，點知伙記希望繼續做，大家落力一些，結果又做得唔錯，不但唔使蝕，而且仲有微利，希望我們可以繼續租俾佢。

　　金翅大鑊鳥，我已經有租客準備租那個舖位，不過無論如何，都以現有租客為首選，至於那位租客，我想辦法搵另一個舖位俾佢。

　　香港現在真係好麻煩，關鍵是有一班在香港賺錢，又唔响香港消費的人，佢哋唔知道，唔响香港消費，始終會出現連鎖反應，最終自受害者就是那些人，不過，香港是一個自由社會，冇可能強迫香港人在港消費，其實，做人要有骨氣一些，如果唔响香港消費，就唔好在香港搵錢，好似移英港人，點樣唱衰香港都可以．但仍然在香港生活的人就唔係幾好。