地產博客
瀏覽人次:22103    回應:19
文亮言

有價有量自然有供應

 

湯文亮博士

紀惠集團行政總裁
2020年2月21日

  在清朝時,同仁堂老闆被譽為「大清藥王」,有人不明白點解是藥王,而不是名醫。其實,同仁堂內有不少醫生懸壺濟世,很多時都要贈醫施藥。同仁堂主持人並不需要是名醫,但要識得做生意,賺到錢才可以贈醫施藥,所以被冠以藥王稱號。

  話說大清藥王少年時在舖頭學做生意,藥堂儲了大批北芪防黨。當時感冒初起,同仁堂唔夠錢買大量感冒藥,但北芪防黨又冇人買,少年藥王唔知點算,他的師傅話唔使驚,派生面人在京城向其他藥房採購北芪防黨,有幾多買幾多,又不論價錢,其他藥堂不但唔賣,還派人去同仁堂掃貨。隔了不久,同仁堂的北芪防黨的存貨一掃而空。少年藥王有錢買感冒藥,於是問師傅點解咁奇怪,早兩日無人對北芪防黨有興趣,但幾日後就一掃而空,師傅話有價有量自然有需求。不過,這只是半個答案。

  近日香港因新冠肺炎病毒肆虐,口罩在短餖一個月被炒高七八倍。有老友叫我撰文話口罩將會在一個月內供應正常,因為不少廠商將包裝用的機器改為口罩生產機。我話千祈唔好,如果大家理解到實情,就唔會四出搶購,口罩的價格就不會上升,廠商亦不會生產口罩,價格只是拾級以上,不會回落。現在吸引到大量廠商生產口罩,不久之後,口罩就會過剩,供應太多,市民就可以低價買到口罩。我如果撰文叫大家唔好搶口罩,反而替口罩抬價。

  北京的北芪防黨供貨短缺,而且需求大增售價上揚,正是有價有量。外省的供應廠商收到消息,不但大力增加生產,而且將存貨運到北京。由於供應太多,價格拾級而下,少年藥王手持現金,慢慢補回賣走的存貨,而且質素比以往更佳,之後還有剩錢,師傅問點解,少年藥王話有價有量自然有供應。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 十郎 2020-02-21 10:27:33


      E家大把口罩派呀 , 米呀、厠紙、 酒精、 洗手液等等 , 買到你手軟。

2. O 2020-02-21 10:38:14
前任特首講左了:香港市場好奇怪, 樓價跌時冇人想買買樓,樓價升時個個都搶住要。

一千幾百萬既樓都咁樣了, 何況幾百蚊既口罩?
3. 元朗真香港人 2020-02-21 10:51:23
香港其實都出咗

!!!口罩王。

屯貨,戲子引起恐慌,價昇十倍,散貨。

發國難財,舊時要砍頭的。


4. 酒精、 洗手液 2020-02-21 11:02:58
酒精洗手液平時 $15/2支, 而家係 $120/3支, 藥房以為有一單成交就係市價, 來貨平可以坐落去擠牙膏咁賣, 不過不是招標擠牙膏, 而是被動擠牙膏, 因為根本就冇人咁買。
5. 根本就冇人咁買 2020-02-21 11:20:00
冇酒精搓手液買可以買二碢頭燒酒,62度,夠哂消毒。
6. 燒酒 2020-02-21 11:42:03
酒有糖份, 洗完手黐 luplup, 用來消毒係睇得太多占士邦。
7. 死蠢 2020-02-21 13:25:37
沙士爆,正是全力執平貨搶平物業的好時候,才在搶厠纸。香港蠢人多,所以窮人也多。無計。
8. 十一哥 2020-02-21 16:37:00
高沽低揸…人人識講、有冇人真係捉得準呢? 肯定冇 ! ! !  贏家主要平時最多食5分飽、小托水龍唔洗下下瞓身、錢袋長期子彈充足、狙擊手咁沉氣靜鷄鷄..彈彈有肉、揼揼下個個家肥屋潤、搏命果班…托子彈番嚟亂掃、放煙花果下好精彩…但好小享永年。

9. 執筍 2020-02-21 17:14:20
過去17年好多港人日日夜夜盼望沙士重臨,話下次沙士時一定上車。

終於等到喇,又有幾多個敢帶住口罩,及带埋支票薄去鋤價? 前日去奧運睇樓,代理舖頭靜過鬼。
10. 香港人 2020-02-21 17:29:34
地產黨的手法如出一轍
不過不值得誇耀,有損福報
11. 慘 2020-02-21 17:40:18
反映本港二手樓價走勢的中原城市領先指數(CCL)報178.8,按星期跌0.03%,結束之前連續4周升勢.

苦等咗17年,终于等來勁跌。
12. 蘇生 2020-02-21 18:10:02
你叫人買摟,2003沙士淘大花園一個單位,60萬,有份普通工作,供2個單位都得啦!現在一個單位要600萬,試問同樣有份普通工作,怎樣供得起呢?已經升🔟倍了?請問教授如何說法呢?03年沙士中原指數32點,現在179點,一個低位,一個高位,又怎叫人買樣?
13. 醒一醒呀 2020-02-21 18:19:17
你們不要聽D所謂專家講,不怕死,夠膽就買吧!怕你後悔一世呀
14. 怎樣供得起呢? 2020-02-22 01:09:54
所以入大學就開始排公屋囉,果時大畢有萬鬆啲,而家都係萬四五,啫係仲有 wait 勤時嘅話,因為出面都好 wait 勤吓,讀完書仲有要繼續讀書進修考牌雞精班呢,都未搞掂又夠年紀生仔嘞,個債項大十幾倍呀,禾不嬲都同啲下屬講社會真係欠咗佢哋。
15. 禍根 2020-02-22 13:30:45
好多50歲60歲的窮中產,錯過2003及2008執平貨的黃金機會,又或者更慘的就是在此期間沽出自住物業等跌,種下禍根,跌咗落社會的下層,XUD可以怪責邊個呢。
16. 引刀一快 2020-02-22 20:46:04
手痕要買樓,不如去睇睇大灣區,如果今次疫情廣東控制得好,會有好多人流入大灣區。
17. 十一哥 2020-02-22 22:20:16
刀刀  大灣有冇咁多打更威勤時呀?

18. 十郎 2020-02-22 23:11:01


      我睇過果d線裝小說、唔知點解 , 打更一定叫阿六。打更6、 高腳7、大口9、大喊10、大隻廣、 孱仔強、蛇仔榮。

19. 珠海跑贏 2020-02-23 22:23:32
升幅計未來幾年珠海會跑嬴。