地產博客
瀏覽人次:21537    回應:18
文亮言

匯豐正在進行「逢三退一」

 

湯文亮博士

紀惠集團行政總裁
2020年2月20日

  最近我替國內傳媒做了一個特輯,是講關於如何在香港買樓投資。特輯分很多集,最近一集是講「逢三退一」,當時匯豐還沒有公佈業績,亦未宣布全球裁員3.5萬人,否則我會以匯豐做例子。

  香港經過8個多月社運,以及受到新冠肺炎病毒蹂躪。最近大家不時聽到獨立商戶結業,這是市場正常的逢三退一,將一些生存條件不足的商戶淘汰。嚴格來說,應該叫「汰弱留強」,我們又睇到不少連鎖店關掉一些分店,以及裁減一些員工,有人擔心那些連鎖店是否能夠繼續經營下去。我話少擔心,如果不結束一些分店,以及裁減一些員工,那些連鎖店反而沒有能力繼續經營。那些公司只不過進行「逢三退一」計劃,將蝕本甚至賺錢比較少的分店結業。由於分店數目減少,員工的數目亦可以相對地減少,裁員潮會接踵而來,這是一個自然現象。不過,大家又不用太擔心,捱過這段低潮之後,公司盈利增長,連鎖店就會增設分店,多聘員工,但首先大家要捱過寒冬。

  匯豐一向被人叫大白象,歐智華搞了多年,范寧接手後都搞唔掂,最終都要劈炮。主要是因為未能解決冗員太多老問題,今次趁香港市況不佳進行逢三退一,將不合格、太高薪的員工裁掉,將沒有盈利貢獻的部門削減,全球員工由23.5萬減至20萬,減幅大約15%。有評論員話太多,將會影響到匯豐日常營運,是否太多就見仁見智。

      我在國內特輯中提及,每隔一段時間我會仔細檢查公司所有物業,將不合適的、空置的、租金貢獻不足的物業賣走,所得到資金留待日後市況轉壞時可以買到更優質物業。如此反覆進行,公司才能夠壯大,就算是私人投資者亦可以用這個方法。

  匯豐在報告中亦提及,在裁員期間,公司亦會同時招騁人手,發展有盈利項目。就算新聘人手做同樣工作,薪金開支亦會慳很多。我估計新聘的CEO要隨著這個方向前進,困難度亦相當高,所以匯豐遲遲未能聘請新CEO。我估計,新CEO上任當日,匯豐股價會顯著回升。(利益申報,我有匯豐)。

  最後大家要留意一點,點解國內傳媒要搵我做香港樓市特輯,是不是將會有大量國內人準備在香港買樓,大家可以思考一下。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 元朗真香港人 2020-02-20 10:08:58
大家睇下十年月線圖…垂老將死。

行業問題。
2. 十一哥 2020-02-20 10:27:00
借疫切肥、切削狠D都冇人敢組織罷工、人多衹會…做咗、唔會…做好 !  科技…人用小一半…效率更會加倍、 一來一回…幾何級數、呃飯食仲敢玩嘢…冇行嘞。

3. 十一哥 2020-02-20 10:31:42
呃飯食嘅…就最鈡意玩嘢、好易認。
4. 學到嘢 2020-02-20 10:39:22
多謝湯博士嘅文章,明白了,今日又學到嘢,多謝!
5. 冗員 2020-02-20 10:59:39
歲霧局櫃枱所謂公墓員惡過隻鬼,嗰種説話態度簡直就係挑釁對方,不知所為扮晒嘢。如果份工做得咁唔L高興,可以返屋企瞓覺,唔好喺度搵納稅人出氣,簡直就係垃圾。
6. Philip wong 2020-02-20 11:24:40
經濟好時,有啲同事年年加10%都嫌少,跳槽當升職經常有之。老板受唔倒天天請人之苦,當然是加人工不計成本。當這個城市被攬炒之后,那些業績平平但人工又高的,當然和學是學非的工潮達人一樣,第一批被炒。好同事,能為公司創造業績的,應該還是有得撈的。呢幾年,工會勢力澎湃,三句唔埋就工業行動,傳統產業好易俾佢玩射。經濟開始轉勢,打工的已經開始為飯碗擔憂,也許可以讓年青的一代,早早認識,工作、職位不是必然有的,攬炒之下,必無完卵,要好好珍惜香港。
7. 十郎 2020-02-20 11:48:36


      我直覺上 , 覺得政府部門多左好多冗員 , 何以見得 ? 我後生時候去辦証件 , 例如車牌 (美梨道排到出門口), 詢問稅務問題 , 回港証 , 護照等等 , 起碼排隊排半日 , 現在工作人員等緊你。醫院同診所 , 除左急症室都係一樣 , 有好多野唔係護士做 , 由外判工人做 , 唔信就深入調查下。都唔明罷乜野工 。



8. 冗員 2020-02-20 14:02:34
政府冗員有咩特徵?
9. 歲霧局櫃枱 2020-02-20 14:04:26
禾只係唔明典解歲谷連電話詢問中心都關埋。
10. 冗員 2020-02-20 14:04:37
To 7 樓 十朗:冗員事小,最Chok住條氣就係好聲好氣問佢哋,好似市民欠咗佢哋啲乜嘢。既然佢哋份工係要面對市民、面對納稅人,好心改善一下態度,鬼唔L知工作辛苦咩。我都經常同人講,如果唔鍾意份工,可以返屋企瞓覺。
11. To 冗員 2020-02-20 14:15:30
你可直接小佢,唔使客氣,我都試過,轉頭打電話問或到另一窗口。
12. 十郎 2020-02-20 14:57:38


      佢地係官來㗎。

      起碼佢地以為係。哈哈哈哈哈哈。

13. 元朗真香港人 2020-02-20 15:57:17
香港太多高薪寄生蟲。

法律界,醫療,公墓員…
離開香港,甚麽都不是!
14. 寄生蟲 2020-02-20 18:12:37
元真人,寄生蟲都要有竅門同特長先可以生存㗎
精仔香講人,呃咗落船之後話去東京玩幾日,其實第二日經機場返嚟,咪唔使去火炭隔離十四日囉。講苦大費周章,班粉皮就係咁應對,入境處長應該即場將名單入電腦,從船上返嚟嘅一個二個一過關都要隔番夠期,唔係又俾人屈機當冇到。
15. To 9樓 歲霧局櫃枱 2020-02-20 19:25:07
你問點解連電話中心都關埋,因為佢哋身驕肉貴。
16. 電話中心都關埋 2020-02-20 21:40:30
咁係想市民上嚟搵櫃檯定係唔想市民上嚟揾櫃枱?
17. 十一哥 2020-02-21 00:10:07
古仔一己之力都搜購到150萬個口、咪掌咗班9官咀囉 !

9官宜家整個自造口罩鼓勵計劃、照使費每個罩成本為到20皮、仲未計班~恭暮完~行正成本、同班搏大毛呃嘅。

挑…試下丟15億出嚟全球招標、每個5蚊…包供應商排隊交貨、公家3億個跟尾…冇得炒供應即刻過剩。


18. 引刀一快 2020-02-21 02:08:54
依家上面又開恆部機印銀紙,就係我一路講緊咁,開通道俾人托錢落嚟買樓,托住香港樓市,保住大陸樓市咪爆。