地產博客
瀏覽人次:16007    回應:11
敢說亮話
茶餐廳亂話(549)星架坡人的特性
 
湯文亮博士
紀惠集團行政總裁
2019年7月21日

  今早去到茶餐廳,見到一個星架坡客人在高談闊論,佢話星架坡一位前外交官撰文話香港並不是沒有民主,而是不懂得管治,老闆聽到火滾同佢拗,我同老闆講,無謂同星架坡人拗,他們很叻指責東南亞其他國家的人,尤其是香港,一定話香港人住得細,但是他們有一個特點,當大家講星架坡政府時,他們是不會答咀,甚至借故離開,如果老闆唔信,立刻問星架坡經濟數據,香港連續幾個月下跌,但仍然是正數,星架坡早已是負數,但點解無星架坡人會提及,老闆於是問一問,那位星架坡客人話這是國家機密,他不便評論,立刻埋單走人。

  我唔明白那位星架坡前外交官點解要撰文批評香港,難道他不知道香港的內憂外患的原因,連防暴警察用催淚氣體以及胡椒水都被歐洲議會批評,仲話唔賣那些裝備俾香港,英國外相仲話要制裁,美國更加不用說,以林鄭一個女人仔,可以捱到今時今日已經好叻,現在整件事有曙光,那個星架坡前外交官根本無資格撰文話香港,幾時見有香港人話星架坡政府,不過,這是星架坡人的特性,他們夠膽話人,唔夠膽話自己政府。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 平民 2019-07-21 09:32:30
衣,食,住,行,民生之本。搞得好,其他都唔重要。正如鄧小平同志所講:「無論黑貓,白貓,捉到老鼠就係好貓。」新加坡即使冇乜言論自由,但人地政府至少解決到居住問題,咁香港政府呢?搞左十幾年得個吉。
2. transbest 2019-07-21 11:19:24
如果讓你成爲一隻被人拿鏈綁住的貓,你仲會緊講嗎?
3. 十郎 2019-07-21 11:48:07


      有所為有所不為 , 做漢奸可以家肥屋潤 , 做柴狗不愁衣食。

4. Stephen Wong 2019-07-21 12:13:10
生活係多采多姿,追求組屋,唔係我呢個香港人嘅人生唯一目標.
5. 真真薯片 2019-07-21 13:12:18
新加坡唔同你講自己正苦唔好,係因為你同佢唔夠熟,我識既新加坡朋友日日send msg比我鬧新加坡正苦係吸血鬼,退休金比淡馬錫攞d錢去投資蝕大本

其實每個地方都總有人不滿正苦,問題係有幾多人不滿,正苦又比唔比佢地講,新加坡正苦用組屋政策大幅減少不滿既本地人,又唔比人講正苦唔好,所以表面上天下太平,香港正苦一邊施展權力的傲慢,另一邊又有言論自由,結果反對聲音就特別大
6. To 真真 2019-07-21 13:41:33
這大概算是物以類聚吧!
7. 平民二 2019-07-21 13:46:23
從來中央政府都無用鏈綁住的香港政府施政, 只因為香港既老鼠都已經養成地產大老虎, 無論黑貓白貓, 試圖觸碰利益集團既蛋糕, 都可能會變成死貓一隻. 從來做改革者都要有做先驅既準備. [我持橫刀向天笑, 去留肝膽兩崑崙, 自反而縮,雖千萬人吾往矣!]
8. 巴 2019-07-21 14:09:08
1樓所言甚是,香港政府只著數搞show俾中央睇,民生民意,可以安排創造另一個故事。

不過樓價收入比呃不唔人,偏偏喜歡掩耳盜鈴。
9. 夏小姐 2019-07-21 16:54:04
太對有同感。支持
12. 黑衣人目的 2019-07-21 23:41:15
博士 聽講,黑衣人玩的是虛無主義者,認為商界,政府,生意人是兩制下的最大既得利益者,但又沉默不表態,不回應其訴求,所以他們想到寧為玉碎的辦法,對外要求美國取消香港關係法,對內就想引軍隊維穩盡快實施一國一制,不為瓦全。
14. 寄生蟲阿笨 2019-07-22 17:31:26
星加坡最正系祖屋到期歸零,交返俾政府,連渣都冇得剩