地產博客
瀏覽人次:25328    回應:17
敢說亮話

茶餐廳亂話(505)水陸草木之花

 

湯文亮博士

紀惠集團行政總裁
2019年4月22日

  今早在茶餐廳飲咖啡,竟然淡而無味。隔了不久,老闆送另一杯咖啡給我,佢話水吧安哥今早撞邪,連續冲幾杯咖啡都沒有換咖啡粉,有客人投訴他才知道,仲問我點解唔投訴。其實我亦知道什麼事,安哥最近識了一個女朋友,復活節假期前仲講到眉飛色舞。本來講定在復活節攞兩三日去旅行,但他的女朋友突然間話同其他人去旅行,同邊個又唔講,幾多人去又唔講。安哥知道之後已落晒形,就算冲錯咖啡我都唔敢講。

  我咖啡還未飲完,安哥女朋友揸住扎花嚟搵佢,仲話同佢今晚食飯。安哥當然唔同晒,自動冲多一杯咖啡俾我,一個早上要我飲三杯咖啡。女人真麻煩,其實,周敦頣早已話女人好似水陸草木之花,可愛者甚煩,講得真對。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 向引刀‧土著‧自醉‧浪子說不 2019-04-22 10:50:12
2. 向引刀‧土著‧自醉‧浪子說不 2019-04-22 11:27:51

水陸草木之花心穎BB:

馬明點算!?黃心穎 相集

唷。。。。。。。。。。。。
4. 真真薯片 2019-04-22 15:46:51
多數情況下,女人越靚越係發姣,男人對靚女最好都係敬而遠之
5. 引刀一快 2019-04-22 18:51:44
真真薯片兄

女人靚唔靚同性格冇直接關係,我呢廿幾年喺大陸,長時間匿喺農務系,靚女不知見幾多,有一個粗淺嘅結論,如果靚女有一D同靚相關嘅特性或表現,一係呢個女仔好有機心,好識利用人,一係就命帶桃花俾好多人調教過,其實好多靚女心地性格都好好,千祁唔好相信好睇唔好食,好食唔好睇,呢個害死人嘅假定律,只要你夠膽追,分分鐘好睇又好食,一心諗住保險降低標準,隨時品貌雙欠,到時就知咩叫“醜惡”。
6. 十一哥 2019-04-22 19:22:17
  • 靚女一定姣…見靚女要敬而遠之、男人咁講係唔想人爭食、女人咁講就係老姑婆冇着落…想麻甩佬探下佢內在美、完全扮嘢反人性、不論男女有正常社交能力…就靚醜對住鍾意嘅都會姣、有得揀…就男女都想食靚嘢。

7. 十一哥 2019-04-22 19:32:15
刀刀 肯定係過來人、隻乸品貌雙欠…知咩叫“醜惡、靚女見得着…騙不着、切咗都甩唔到身…悲苦到想縮番去農務系…重新做人、怪不得成日咁早都未瞓啦!
8. 十一哥 2019-04-22 22:26:42
刀刀  名中有刀…殺人唔使刀、用笑都濁L瓜人。

9. 十一哥 2019-04-22 22:29:54
長時間匿喺農務系,靚女不知見幾多、精彩精彩…前冇古人…後冇來者…

10. 真真薯片 2019-04-23 11:30:38
刀兄,以在下所見所聞,溝靚女奶野既機會係比較高,不過靚唔靚都有幾種,或者應該係越花時間打扮又群埋d懶有錢既人堆,成日自拍晒命既女人,99%都奶野,反而工廠區有d天生麗質但係唔打扮,又年過30,果d就可能係筍盤,點解要年過30?20出頭既女好多腦筍未生埋,好似純過蒸餾水,但係原來只係未覺醒,一到時機覺醒可以成個人變晒,由圖書館館理員變扯煙浦精,呢重情況見得太多,所以太後生靚女一樣唔惦
11. 引刀一快 2019-04-23 19:01:45
真真薯片兄

你講呢種又靚又花時間打扮又群埋D懶有錢嘅人堆又成日自拍嘅人,我微信裡面有好多呢D人,有好多係兼做微商揾真銀,亦有好多係做傳銷嘅,美人、美食、美酒、旅遊美景、熱舞、高級消費場所、溫馨陪爹媽、社會服務令、潛水健身、閱讀、書法,高大上加白富美都唔止。就算你兩年冇同佢傾偈,佢都唔會刪走你,而且都係呢D陣式,對男女都有用,男嘅起心女嘅羨慕,跟著下一幕可能就係社會嘅險惡😂。

真真兄,閣下“覺醒”一詞真係用得絕,往往係調教結果,大陸有句話,不遇上幾個人渣,怎麼能當人家的媽?單純唔應該係揾老婆嘅標準,單純不代表人品,反而會掩埋咗人品難以觀察,真真兄要30過外天生麗質又唔打扮又未婚,今日社會可遇不可求,一係就係家中經濟支柱 ,全家籴米都靠佢,好生性。一係就你覺得靚,其實佢全村都咁靚。

12. 引刀一快 2019-04-23 19:04:07
琳琳,冇嘢寫要辱罵人地家人?
13. 十一哥 2019-04-24 09:48:55
刀刀  唔好唧人…又唔準人笑…好冇陰公㗎!


14. 引刀一快 2019-04-24 13:24:15
陰公豬陰公豬,呵返呵返,睇你俾人扣住回鄉證,就知邊個笑邊個喇,我做人比較厚道,忍住。
15. 十一哥 2019-04-24 23:20:52
牛林唔小嘢㗎…刀刀真係唔好心急、要慢慢豬小心呵、窒息就小咗好多笑料。


16. 引刀一快 2019-04-24 23:31:33
琳琳,你如果笑得出,就唔使寫咁多喇。揸定脷底丸喺手,防中風呀。
17. 十一哥 2019-04-25 09:26:44
咁就唔好豬得咁大力…呵得咁肉緊喇。
18. 引刀一快 2019-04-25 15:35:14
做舞台劇導演咩你。安排演技?傻。