地產博客
瀏覽人次:21985    回應:10
敢說亮話

茶餐廳亂話(452)傷心總是難免的

 

湯文亮博士

紀惠集團行政總裁
2019年1月9日

  今日去到茶餐廳,有年輕熟客顯得非常傷心。我記得他大約半年前買了屯門新樓盤,佢仲話預測最準評論員表示樓市仍然會繼續上升,就算跌都是假跌。雖然中原指數在去年仍然有5.6%升幅,但現在同區有另外一個新樓盤發售,不但位置更佳,而且樓價更平。他覺得買貴了,所以顯得悶悶不樂。老闆安慰他說,樓是用來住,不是用來炒,樓價慢慢就會升番,現在跌都是假跌,不用太傷心。

  老闆問點解地產商會減價。很簡單,現在地產商的夢醒時分,在前無去路,購買力不足,以高價買新樓的人不多,後有追兵,在政府的新樓空置稅的情況下,減價不失為一個辦法。不過,傷心總是難免的,不單上地產商傷心,那些在一兩年內買了新樓的人也傷心。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 睇清楚 2019-01-09 11:47:56
屯門新盤原來定價是最平的,用其他方式付款全部是加收百分比的。

2. 傷心總是難免的 2019-01-09 11:51:31
從不 喜歡孤單一個
可惜 偏偏孤獨一個
3. 早買唔好受 2019-01-09 12:01:06
一句講晒,早買唔好受!
4. 那些在一兩年內買了新樓的人也傷心 2019-01-09 12:01:22
(發) 多想講你知 根本對你我最在乎
願說對不起 只可惜你已不顧
(客) 現在夜夜唯後悔 但是現在像遲了一輩
我一句再會 竟會有無窮痛苦
5. 早買唔好受 2019-01-09 12:01:33
一句講晒,早買唔好受!
6. 引刀一快 2019-01-09 12:27:43
風頭火勢,呢種時期都出手嘅老百姓,一係就係唔怕假跌嘅真剛需,一係就充滿憧憬繼續升,正係賺錢比剛需更剛需。
前者有樓有高潮,抵償不少。值得傷心主要都係後者。

7. 湯瑪斯 2019-01-09 17:11:40

最準評論員話「買樓有風險,唔買樓都有風險」,其實買樓的風險通常都大過唔買樓既風險。你買樓既本金如果善用,其利息回報可以抵得到大部份的租金。如果慳家住細啲住遠啲甚至住丁屋,再加上投資有道,應該有一定身家。住差啲,可以食好啲,著好啲。投資買自住樓,樓價點升都只是紙上富貴。

8. HKY 2019-01-09 19:26:14
所以衷心感謝湯博士的提醒.

簡直是指路明燈!
9. sekd 2019-01-10 05:18:21
爆煲時分

你說你買了不該買的樓 你的心中滿是傷痕
你說你犯了不該犯的錯 心中滿是悔恨
你說你嚐盡了樓奴的苦 找不到可以相信的人
你說你感到萬分沮喪 甚至開始懷疑專家

早知道狗噏總是難免的 你又何苦一往情深
因為樓市總是充滿水分 何必在意那一點點優惠
要知道賴嘢總是難免的 在每一個爆煲時分
有些專家你現在不必問 有些價你永遠不必等
10. 湯瑪斯 2019-01-10 10:20:54

我睇左博士既文章大約兩年。一直支持博士睇淡。原因好簡單,香港樓價係癲價。以高按揭入市者,隨時有機會變負資產。到時如果有人燒炭自殺,就慘絕人環。博士事業成功兼有影響力。他極力提醒市民。其實係救得一個得一個。博士慈悲為懷,唔知係唔係信佛!

利申:本人有一層2009年入伙既自住樓,重有兩個於二十幾年前買入既車位!我係淡友但已有物業。