地產博客
瀏覽人次:15922    回應:7
敢說亮話
茶餐廳之世界杯亂話(24)應該趕插水球員出場
 
湯文亮博士
紀惠集團行政總裁
2018年7月7日

  今屆世界杯引入了VAR系統,表面上是尋求更公正判決,而事實上是不利防守的球員,當進攻的一方在對方禁區內跌低,球證很多時在壓力之下求助VAR,倘若發現是受防守的一方球員踢跌,唔需要多講,球證會立刻判十二碼,但如果發現是合法衝撞,雙方都沒有球員受罰,但倘若發現是進攻球員插水,極其量都是判罰黃牌,值博率是相當高,所以,今屆世界杯有很多球員都在演戲,好似尼馬咁滾到飛起,無他,博到就博,博唔到又沒有損失,所以,VAR其實是對防守的一方不公道,除非發覺是進攻球員插水,球證有權趕那位球員出場,否則的話,插水球員則會愈來愈多,甚至在訓練時,插水亦是其中一個訓練課程,國際足協在引入VAR時,必須考慮對進攻與防守雙方的公平性。

  今晚兩場比賽,我相信克羅地亞可以淘汰俄羅斯,主要是俄羅斯已經超額完成,心態是放鬆了,不過,克羅地亞亦不會以大比數擊敗俄羅斯,戰果將會是1:0,至於英格蘭對瑞典,真的是一場五五波,雙方極有可能是0:0完場,或者任何一隊以1:0擊敗對方,有時都要講運,如果法國,巴西,比利時在今晚打,就會有九成機會入決賽。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 自我陶醉 2018-07-07 15:13:33
英國曾經也有這樣的民意調查,發現球迷普片認為插水是不君子行為,但當自己捧場的球隊插水時,他們對插水行為的接受能力又變得十分之高,甚至認為插水與其他犯規行為都是球賽的一部分。 

2. 引刀一快 2018-07-08 02:05:21
俄羅斯呢個野獸民族,冇心足嘅,分分鐘奪冠都夠膽死。
3. 引刀一快 2018-07-08 05:44:33
謝天謝地,大吉大利,俄羅斯夠鐘收皮。

謝天謝地謝天謝地
4. 引刀一快 2018-07-08 05:55:42
尼馬插水,可能係出於自我保護,上屆世界杯,尼馬差D俾人廢武功,用膝頭頂裂咗佢脊椎,冇得出場不特止,嚴重D分分鐘下半生大小便失禁,所以依家佢俾人一掂就碌地沙,有可能係出於自我保護,未必係人品問題,睇相頭,尼馬係正氣相。
5. 自我陶醉 2018-07-08 15:05:21
引刀兄,

俄羅斯對克羅地亞雙方都打得非常聰明,大家1:1,避免互相廝殺大比數交易,否則出到線都無力對付以逸待勞的英格蘭。 

講技術,四強都幾接近,但講到運,比利時贏晒,對日本那場在未段仍然落後兩球,眼見出線無望之際,靠一個負碌頭槌打番起成隊波士氣,最後一刻更反勝對手,對巴西一役又逢巴西送大禮,先讓一球,最後被巴西狂攻下,仍能幸保不失,證明除了運氣外,此隊的防守力亦極強,莫非今屆天命所歸,要比利時捧盃? 法國雖然攻擊力強,而防守力與比利時相約,不過唔知最後鬥唔鬥得過個天呢?
6. 引刀一快 2018-07-09 02:59:27
自我陶醉兄

如果講天,咁我就買英格蘭,因為我晚晚臨瞓,腦海都會響起天佑我皇。

克羅地亞唔止聰明,心理質素亦極佳,有一段時間,一到腳就俾俄鬼噓爆,佢地依然不慌不亂,後段危機四伏,仲可以頂到最後冇洩氣,如果天道酬勤,咁就應該係佢。

比利時,我覺得佢地傳球能力好強,比得上西班牙,不過唔似烏拉圭咁有咁突出嘅射手。
7. 自我陶醉 2018-07-09 08:17:29
引刀兄,

其實我最睇好法國㗎,淨係驚佢贏唔到個天咋!