茶餐廳亂話（351）東道主

　　今日去到茶餐廳，有熟客話肥仔已經去了新加坡，準備明日與侵侵會談昨晚應該入住了酒店，相信酒店費用亦會很貴。美國佬當然沒有問題，肥仔張單邊個埋，會不會習Sir借完飛機又要同肥仔埋單？說話帶有輕挑。其實，我不明白香港傳媒點解咁執著每一次肥仔出訪，究竟有沒有埋單？或者，他們只是翻譯CNN、BBC的問題，誰人埋單是真的那麼重要？他們想取笑肥仔，而事實上他們正在取笑做東道主的新加坡。如果講埋單，不如唔好作為今次會面地方，就算經營酒店的管理公司不識大體，新加坡政府亦應該表示會埋單。否則，就會俾人話連做東道主都唔識。

　　就算今次會談沒有結果，肥仔話要埋單，新加坡政府都唔敢收。既然知道結果，點解新加坡政府不主動話今次美朝會談的費用由她一力承擔？這樣做，傳媒就不會在肥仔會不會埋單的事大做文章。