地產博客
瀏覽人次:21570    回應:12
敢說亮話

茶餐廳日誌(334)如何處理合作夥伴現金不足問題

 

湯文亮博士

紀惠集團行政總裁
2018年5月4日

  今早去到茶餐廳,有熟客突然搵我幫忙。第一句就話並不是問我借錢,而是他借錢俾我,再轉借給他的合作夥伴。原來較早前他與朋友買了一個舖位,在落了大訂之後,他的朋友話冇錢成交,希望他可以借錢給他成交。他的朋友是願意付與銀行差不多利息,他當然不願意,因為這樣做即是搵自己老襯,讓他的朋友借艇割禾。最後,他們同意不問銀行借錢,而轉去問財務公司借,但年利率高達10%。那位熟客當然不願意,更何況他又有錢,點解要俾高息?所以他搵我,希望將成交用的款項借給我,年利率是8%。我再轉借給他們成交,而我可以在無風無險下賺取2%,世界上真的是有咁大隻蛤乸隨街跳?但我仍然婉拒了他,不過,我對他說,有一個人非常勝任,就是茶餐廳老闆。那位熟客話一言驚醒夢中人。

  從這件事來看,有一些人買樓真的是不計回報,市場上是有不少人願意付年利率10%來買樓。他們美其名是睇樓價上升,其實是賭博,唔通樓市已經變成一個賭場。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 十一哥 2018-05-04 11:27:43
借比人賭….不如自己賭,橫掂輸就有借冇還,贏就自己袋哂、諗 ? 埋佢果份啦!

2. 安全駕驶 2018-05-04 11:30:20
起初心雄,現在退出會連累其他船上的人。勢成騎虎,高息都要侷借。
3. MT 2018-05-04 11:34:44
唔明。點解呢位熟客唔自己借俾個朋友而要借俾博士再借俾個朋友?
4. 十一哥 2018-05-04 12:13:11
借比老湯穩陣過買5號,仲白白地話筍D收8厘,老湯厚道又念在條友儍嘅....冇tell佢啫。


5. 真真薯片 2018-05-04 12:55:46
其實財仔借錢比老表買樓真係高風險行為,類似叠碼仔借錢比土豪賭錢,佢唔還錢,你點樣返大陸追數?
6. 史路比 2018-05-04 16:56:01
講真呢2厘我都唔敢賺,估計茶餐廳老闆亦唔敢賺。
7. 引刀一快 2018-05-04 17:38:15
呢個“熟客”,係想借湯先生橋,去賺埋佢老友果筆啫。
8. 十郎 2018-05-04 18:09:18


      刀刀---------其實呢個情況 , 在商界朋友間非常普遍 , 就算唔收利息都會
委托另一朋友出張支票借比佢。點解 ? 一字咁淺 ,  " 講錢失感情 " 。將來追債 , 可以話替朋友追 , 如果有利息收 , 可以話朋友收既 , 咁樣走橫門就唔駛影響朋輩間感情。有一個協議就係中間果位朋友冇責任上身既。



9. 博士粉絲 2018-05-04 19:37:24
將成交用的款項借給我,年利率是8%

假設大訂15%,雙方各自比42.5%,你老友自己夠錢比,方便計算,假設佢經你借40%比合作夥伴。

如果個舖位押比你又唔怕,條件係每三個月估價一次,估價跌30%有權即刻賣出,唔係就要兩個人一齊枱現金入黎保持估價+現金不少於70%,咁相對借款金額40%,仲有30% buffer,應該都夠安全。

佢兩個咁都制的話,唔怕借,確保斬倉後,你肯定夠錢還40%比你老友。
10. 博士粉絲 2018-05-04 19:41:41
朱太單大刁,睇報紙寫借60%,9 - 15%利率,投行幫手去私行度搵人買債券,都係押office落去,道理一樣

佢啲條件可能複雜啲,因為佢要拆售,應該出售前要申請債權人同意,同埋樓款所得要全數還債
11. 引刀一快 2018-05-04 23:32:09
郎郎

呢D嘢點會未見過,收幾多息係關鍵。再者,還俾人地就有錢還,還俾你就冇錢還,人情留住又如何?
12. 寄生蟲阿笨 2018-05-11 11:48:05
一開二二開四。一早變成博彩場啦