地產博客
瀏覽人次:10156    回應:36
敢說亮話
茶餐廳亂話(214)中山大學,廣州兩日遊
 
湯文亮博士
紀惠集團行政總裁
2017年11月13日

  今日去到茶餐廳,老闆話唔見左我幾日,問我去了哪裡,因為這兩日有不少人找我,目的只有一個,就是質疑我對樓市預測錯誤,問我是否避而不見他們,老闆代答話沒有這回事,只是有要事出門,其實,並不是什麼要事,只不過趁中山大學校慶,一班朋友趁機會上廣州玩兩日,飲飲食食,唔好掛住什麼中原指數,都唔知幾開心,老闆問中山大學幾時校慶,老實說我亦不知道,我估計是11月12日,孫中山先生生忌,不過,現代人就只記得11月11日光棍節,知道馬雲的人多過孫中山。

  當日我們幾批人從不同地方到中山大學集合,大學已經替我們訂了校內酒店中山學人館,晚飯在學人館中餐廳,早到的人就可以漫步珠江河邊,或者參觀中山大學,晚飯之後,打了一陣乒乓球,叫做做了運動,又可以食大閘蟹。

  第二日早上,大學安排參觀陳家書院(祠堂),最新廣州塔,然後午餐,全羊宴,這是我食過最好的羊宴,值得推薦給大家,席間,前浸大陳校長表示,在未來二十年要好好享受中國飲食文化,要去到各地不同餐廳,校長一呼百應,已訂下次約會時間,校長要求我寫食經,老實說,雖然我由細食好嘢食到大,但絕對不是一個識食之人,或者,要求不高,寫食經反而可以符合大眾口味,不過,現在已經周身唔得閒,推了很多個專欄,寫食經的事只好隨緣,回程時在火車站見到網友「無奈」,一切盡在不言中,借用狄更斯名句,這是見面的時候,亦是離開的時候。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 打工仔 Andy 2017-11-13 08:30:31
中山美食多 ! 
2. 博士 2017-11-13 10:25:25
我在回程時見到網友無奈,不是感到無奈,請更正。
3. 博士 2017-11-13 10:39:39
文章是說
我在回程的時候見到網友「無奈」,並不是我感到無奈,請更正。
4. Admin 2017-11-13 10:54:56
對不起, 湯博士, 文章已修正。
5. 十一哥 2017-11-13 11:17:26
身為順德姑爺、食…都係鍾意中山多D。


6. 阿發 2017-11-13 11:20:27
飲食文化當然在香港,詳程當然請教唯靈、韋基舜。大陸失傳左。
7. CD ROM 2017-11-13 12:24:22
我也不太懂食, 但在大陸遊走的日子多, 就越來越不想在香港吃中菜......  像樣的實在好貴, 中下價的又真的不像樣..........

所以在香港出街食飯都係以非中菜為主.

btw中山大學應該都係熱門大學for香港學生北上讀書isn't it?
8. 引刀一快 2017-11-13 12:35:45
打工仔兄

中大唔係喺中山,係廣州海珠區新港西路,分南校區北校區,珠海校區、大學城、遲D深圳有分校,你深圳地主可以去睇下。
9. 引刀一快 2017-11-13 12:44:13
如果我可以喺中大同湯先生合照就好喇,我以前做過文虎堂總舵主架。

今年新校長搞咗好多嘢,裡面紫荊園、康樂園、聚園全部關嗮,舊嘅就得番一間蒲園,接待湯先生就唔夠規格喇,所以多數都係去學人館。

睇見湯先生去遊中大,我有點興奮。
10. 引刀一快 2017-11-13 12:53:27
CD-ROM兄

近年越來越多香港人入中大喇,95年曾經以全班形式,喺澳門招咗兩班,一班係政治,一班係法律,估計呢兩班畢業返澳門之後,應該做得唔錯。

依家中大都係免試招港澳生,幾好架,下次有時間去廣州的話,我帶你玩下,招呼湯先生我就唔夠資格,帶你玩下,去睇下D博物館秘藏室,我都可以嘅。
11. 引刀一快 2017-11-13 13:02:45
To 6樓 阿發

各地有各地特色,香港嘢當然好食,廣州亦好多好嘢,淨係講食雞就唔係香港可以取代喇。周邊嘅南番順同東莞,都有好多嘢香港食唔到嘅。
12. 引刀一快 2017-11-13 13:05:09
學人館以前係一片污水沼澤,旁邊嘅北門係一個小碼頭,依家變咗豪宅區喇。
13. Jo 2017-11-13 13:18:11
"回程時在火車站見到網友無奈",不是"回程時在火車站見到無奈"
14. 打工仔 Andy 2017-11-13 13:36:38
刀兄

我見到中山呢兩個字已經流晒口水, 哈哈哈! 
15. 引刀一快 2017-11-13 13:38:44
湯先生,可否開名介紹全羊宴飯店,讓一眾饕餮一飽口福?
16. 引刀一快 2017-11-13 13:42:43
Andy兄

咪話我又hardsell大灣區,成個大灣區都有好嘢食,去到廣州南站,個半小時以內車程,好地方食一年都食唔嗮。
17. 打工仔 Andy 2017-11-13 13:47:20
刀兄

我下次上來揾你, 你要帶我去食美食呀 !
18. 引刀一快 2017-11-13 14:00:10
Andy兄

乜都唔使帶,淨係帶個肚得嘞!
19. Admin 2017-11-13 14:18:53
回13樓Jo, 文章已修正, 謝謝!
20. 打工仔 Andy 2017-11-13 14:22:05
刀兄

收到, 謝謝先 !
21. 無奈 2017-11-13 17:12:30
見到博士真係好高興,只係因博士同行者甚多,均社會名流,所以不敢太打擾了。
這是見面的時候,亦是離開的時候。」很有創意,說再見可不是出於無奈,不是再有飯局嗎,見面的時候多着哩。

22. 無奈 2017-11-13 17:17:11
CD 兄:
我也不太懂食, 但在大陸遊走的日子多, 就越來越不想在香港吃中菜......  像樣的實在好貴, 中下價的又真的不像樣..........
同感

23. 打工仔 Andy 2017-11-13 18:53:24
無奈兄

好嘅中菜厨唔知去左邊, 可能去左做茶記! 
24. 汤生面书有 2017-11-13 19:17:20

这就是生活在香港和大湾的区别


25. 無奈 2017-11-13 19:23:09
打工兄,有比較才知高低。香港菜有冇退步不是根本原因,大陸生活水平大幅提升才是重點,廣州幾乎有齊世上最多菜色,僅八大名菜酒樓就週街都係。
26. 引刀一快 2017-11-14 10:12:30
無奈兄

好多外省菜,喺大陸食同香港食真係唔同風味,兩邊走最爽。
27. 引刀一快 2017-11-14 10:15:05
24樓

咁我返香港先慢慢睇,呢排block得緊要D,平時我都懶得用VPN。
28. CD ROM 2017-11-14 17:21:36
刀兄, 搵日我約埋Andy上來, 廣州南站我去好多次了, 你係先好講!!!

無奈兄, 廣東外省菜都係好麻麻ar.....剛剛吃左個賣$15細細個既餡餅, 簡直離譜的差...... 我也好無奈.........

工兄, 我飲茅台, 你想飲乜, 叫刀兄預備一下好了


29. 打工仔 Andy 2017-11-14 17:40:05
CD 兄

一言為定, 你飲乜我飲乜, 呵呵 !
30. 無奈 2017-11-16 14:58:29
一言為定,哈哈
31. 引刀一快 2017-11-16 18:50:41
CD ROM兄

你食果個係餡餅,定係夾饃?

廣州嘅外省菜過得去嘅,因為過去三十年好多外省人進入並以廣州為家,亦好多外省新娘嫁入嚟,所以外菜融入度好高。
32. 引刀一快 2017-11-16 18:55:39
茅台?加西鳳?OK?
33. 打工仔 Andy 2017-11-16 23:12:10
歡迎無奈兄Join 埋我地,
刀兄埋單 ok ? 
34. 無奈 2017-11-17 00:54:59
係就快啲啦
35. 引刀一快 2017-11-17 08:52:37
Andy兄

咩意思?咁問法好似擔心我一餐飯都請唔起咁。

係就過嚟喇。
36. yyfan 2017-11-17 11:34:56
工兄,如果成行记得通知声