地產博客
瀏覽人次:21773    回應:9
文亮語

股樓夜話(29)不得不贊成逃犯移交條例

 

湯文亮博士

紀惠集團行政總裁
2019年4月14日

  今日天陰陰,在下午茶的時候見到一位朋友,他請我寫幾篇文章反對逃犯引渡條例,仲話政府官員會睇我的文章。我覺得很奇怪,在台灣發生港男殺港女之後,我寫過兩篇文章叫政府千祈唔好推出逃犯引渡條例,否則,香港政府就會變成國內省市的執法機關。文章出街之後一般人都不同意我的睇法,我記得當時有一個聚會,那位今日叫我撰文反對的人亦在其中,他笑我身有屎,否則就唔應該反對。我當時很奇怪,那位朋友有二奶在國內,生意又與國內機關糾纏不清,理論上他應該反對,如果連他都不反對,即是大部分人都贊成逃犯引渡條例。所以,我開始轉軚,認為政府若果唔推出逃犯引渡條例,香港就會變成黑金中心,很快就會被新加坡取代香港的位置。

  除了我那位朋友之外,當時泛民亦沒有反對逃犯引渡條例,點解現在他們又反對。其實,他們包括我的朋友在內,全部都站在道德高地,以為政府一定不會推出逃犯引渡條例,所以他們當時沒有反對,甚至贊成一次性的引渡。我這個撰文反對的人反而被人話身有屎。老實說,如果現在我不贊成,即是承認是身有屎。所以,那位朋友叫我撰文反對,我亦無能為力。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 引刀一快 2019-04-14 18:48:06
無論是否身有屎,宿便睇唔見,都係屎。
其實呢個條例最大殺傷力唔係拉人,係所有人都籠罩喺一個擔憂之中,尤其經常來往中港嘅人,不利大灣區發展。
以後,好友淡友都唔著數,最得勢就係向飯,向飯爺,多多關照呀,哈哈哈
2. 回引刀 2019-04-14 20:36:05
也難怪你日夜咒罵香港樓市,好明顯你想回流香港,但又買唔番你當年沽出的港樓。陰公豬。

香港可以考慮飛地去大灣區安治你這種港人,我指的是墓地。

林鄭可以同廣東探討一下大灣飛墓計劃,安置大灣低端港人。

香港墓地太值錢,讓低端港𤌴永遠留在大灣吧,千祈不要回來。
3. 引刀一快 2019-04-14 22:41:22
都唔知邊個喺度咒罵人,我原本兩間大陸樓可以換一間港樓,依家就差不多可以一換一,不過我唔會換,唔好意思,冇生意你做。
btw,你話我咒罵,揾D link出嚟睇下,唔該。
4. 自我陶醉 2019-04-15 07:44:06
引刀兄

其實做人都唔洗太堅持嘅,說到底,投資都係睇相對值,按常理,升得少自然跌得慢,都未嘗唔係好處,我覺得到你啲大陸樓升到一換二時,你不妨都考慮下換番一間。 人哋地代哥sell咗你咁多年,咪俾1%佢洗下囉,娛樂費都要喇!

實不相瞞,我早排都將對沖樓價嘅一半地產股換咗一間,就係貪啲樓升得少,橫掂都係賺番嚟,話知佢跌到零喇,反正你有人頭, 政府又年年自動免你差餉,對業主可謂無微不至,派錢扶貧都冇咁積極,呢啲咁嘅政府去邊度搵? 你嫌收租煩又可以掉空佢,絕對唔會收你空置稅,香港政府對你咁好都唔領情咩? 你話係咪?

不過換一間好喇,否則要俾辣稅,未賭先輸,就笨實了。

5. 回引刀 2019-04-15 08:03:56
自醉講得好,投資的確講相對價值。價必須反映其值。

大灣人均壽命短香港十年,你何必同自己過不去,非要長期去吃咁多地溝油吸毒空氣減壽?

甚麼是值?健康,治安,可以極速上FB, BB可以吃安全奶粉,長大不須跨境去另一邊讀書,女人有安心疫苗保住個子宮,本䕶照可以全球免簽170個國家,隨時可以出行,買物業不須擔心發展商走佬。以上這些就是值。

講價而不講值,有何意義?
6. 真真薯片 2019-04-15 09:59:28
香港同新加坡都係黑金中心,新加坡做東南亞生意,香港做大陸生意

逃犯條例通過,唔多唔少實有d大陸黑金由香港轉去新加坡,不利香港資產市場,對新加坡就大大利好

如果我係阿爺,我唔會咁高調搞引導條例,因為擺明會趕走晒d逃犯去外國,仲難拉,冇引導,d逃犯以為香港好安全,可以方便監視,竊聽,攞情報,真係要拉大不了出洗頭艇,既然可以係四季酒店拉肖建華,咁搞引導黎做乜?搞引導條例打草驚蛇,趕走晒d逃犯,on9到爆
7. 引刀一快 2019-04-16 02:01:07
自我陶醉兄

一換二真係唔出奇,大陸屋大過港樓好多,一間等如幾間咁大,只要單價拉近,就有機會一換二,我講嘅係fullpay。
8. 引刀一快 2019-04-16 07:36:35
真真薯片兄

阿爺唔係要捉犯,捉犯駛乜立例,主要目的係要人收口。以後跟向飯揾食,包冇死。
9. 引刀一快 2019-04-16 07:50:45
To 5樓 

依家坐高鐵去廣州同去上水係一個時間咋,香港人可以兩邊走㗎,你日日打子宮頸癌疫苗呀?返過大陸會冇咗香港護照?變成大陸護照?你想人家都唔俾你入籍呀,傻仔。
地溝油你早就食唔少喇,香港根本冇檢測地溝油嘅技術,係得你唔知咋,講空氣,咁就睇地區啫。
唔敢講法制政治呢?兩地水平遲早接軌,呢個就係值,就係你死穴。