地產博客
瀏覽人次:26305    回應:12
文亮語

現在應該轉按

 

湯文亮博士

紀惠集團行政總裁
2018年11月9日

  特朗普最後都輸掉美國中期選舉,將眾議院控制權交回給民主黨。雖然從新加坡傳來分析,民主黨控制眾議院,對華政策將會比特朗普更激烈。我並不相信那些分析,民主黨難道不知道,他們能夠奪回眾議院控制權,並不是選民投票給他們,而是投票反對特朗普。如果他們與特朗普合作,即是放棄兩年之後美國總統選舉,我同意即使由民主黨控制眾議院,對華政策亦不會太樂觀,但怎樣也比特朗普控制兩院為佳。老實說,新任眾議院議長佩洛西亦非善男信女。當日保爾森單膝跪,她仍然不批准保爾森要求的7,000億美元救市方案,最後令到雷曼倒閉,環球金融海嘯,最後要QE,要用唔知幾多個7,000億美元方案救市。由此可見,佩洛西並不是一個容易相處的人,特朗普有對手了。

  在世界潮流興「轉」,美國選民轉投,令特朗普不能控制兩院。老C轉軚,令一向唱好樓市的人方寸大亂,有年輕朋友問現在個人理財應採取何種態度?我了解到那位朋友在大約兩年前利用地產商的高成數按揭上車,有三年低息期。而在這兩年期間,他又儲到一筆錢,而且又升職加薪,所以我提議現在應該轉按,將按在地產商的新樓轉按到銀行。如果成功,日後無論樓價升跌,他可以說是贏家。年輕朋友擔心很難轉按,我估計他買的新樓有兩成升幅,應該趁樓價還未回落轉按。假設可以借到六成,即是他買入價的72%。如果他擔心搵唔到銀行,可以找一些中介公司幫手。我反而有好介紹,如果中介肯做,成功的機會就很高,又不用付介紹費。如果現在錯失機會,一年後銀行估價回落,要轉按就會困難得多。所以,我認為這是轉按的最佳時機,地產商亦應該配合。若果有客戶轉按成功,應該回贈一些費用給那些客戶,幫補他們的律師費。不過,現在近年尾,銀行未必有興趣做那些轉按生意。但到了明年初,形勢又完全不同,銀行職員有按揭貸款配額,到那時候應該把握機會轉按。我講完之後,轉個頭就唔見了那位年輕朋友。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 過路人 2018-11-09 11:12:33
博士澤深仁厚好建議
2. 過路人 2018-11-09 11:12:33
博士澤深仁厚好建議
3. Ronald 2018-11-09 11:40:01
「我講完之後,轉個頭就唔見了那位年輕朋友。」

博士:
伙記匯報,佢走咗後立即WhatsApp我伙記Gary
4. 真真薯片 2018-11-09 12:03:30
侵侵輸了,即係中國又贏了,為左緊跟中央路線,當然要立即上人民日報官方網頁睇下阿爺點講,問題係,睇晒成個首頁,竟然搵唔到一篇報導講美國選舉,我對阿爺今次既信息解讀係:收聲,所以我唔會評論美國選舉
5. 自我陶醉 2018-11-09 12:05:01
襯早攞番主動權的確係上策。可負擔的話,在財仔上會的,也應轉回銀行,因他們的資產質素和客戶還款能力比銀行的要差,如果大市回頭,他們的客戶必會是第一批遭殃。
6. 十一哥 2018-11-09 13:43:04
唔好比分析誤導咗、佢地衹不過係班讀書多嘅人工智能、美帝家事紛爭衹係爭座館…從來唔影響佢地做地球陀地嘅大原則、邊個打骰都係以美帝最大利益為依歸。

示弱求和衹會被KO、敢嚟門口玩漂移…就一嘢車埋去、陀地扎馬試水嚇咗一驚…先會請你埋枱傾、唔想打交…還須自己手瓜硬、阿爺一早睇通…

7. 應該趁樓價還未回落轉按 2018-11-09 14:57:03
錢莊估價已經拾級而下, 可能冇左 10%, 係要轉真係要快; 其實都估到今個禮拜 滄浪的海散貨指數 表現, 下星期又會下降估價架啦.
8. 引刀一快 2018-11-09 15:09:14
琳琳

去啦,你去打美國喇,唔好匿喺英國佬褲浪底叫口號,淨係做遠距離革命家,落街打賊D鬼佬鬼婆,快D去。

得把牙,冇論據冇基礎。
9. 十一哥 2018-11-09 15:40:54
刀刀  嚇親你契哥哩!呢條契弟真係好盡忠 !

10. 引刀一快 2018-11-10 06:04:27
琳琳,乜你認咗好多鬼佬做契伯父咩?你口味都好獨特。
11. 引刀一快 2018-11-10 06:15:37
琳琳,出動喇,去打賊D鬼佬喇,咪次次見親鬼佬就哈腰鞠躬,背後就匿喺鍵盤後面化名嚟鬧人。
汪精衛都捨身做刺客吖,你呢,一味湊鬼。
12. 十一哥 2018-11-10 18:14:19
刀刀    汪精衛佢有㗎仔照保、清佬點敢劏佢、梗係座花廳都會唱歌啦!唔好比老泛抬舉咗…真係以為自己係美帝嘅乜7…19縱隊、007上咗身呀!你真正身份衹係契弟一名…冇人保你㗎  !  睇嚟都係唔好再刺激你、有乜事少咗個開心果就真冇癮。

配服美帝~持狗~力、尊重你對美帝盡忠、唔計較冇糧出…唔介意冇6張咭、值得比欽敬你。