地產博客
瀏覽人次:25100    回應:20
文亮語

高薪並不一定可以養廉

 

湯文亮博士

紀惠集團行政總裁
2018年8月11日

  有老友退了休幾年,最近重出江湖,非常感慨話高薪並不一定可以養廉,在老友退休時,將公司營運責任交給一個得力助手,不但將他的薪金大幅提高,而且還有花紅等,總計年薪超過千萬,得力助手是會向他回報公司營運情況,一向以來,他收到的都是正面訊息,雖然有小報告話他的公司出現問題,不但交貨不準時,質量又不及過往,公司雖然轉盈為虧但仍然給他的得力助手解釋過去,導致來說是非者便是是非人,直到銀行向他提出警告,他才發覺事件嚴重性,雖然立刻將得力助手解僱,自己要重出江湖,但是否能夠將公司回復正常,真的是未知之數。

  港鐵做假事件,大家才發覺港鐵CEO的薪金是1,500萬元,比金管局總裁還要高,而傳媒成日鬧金管局總裁的薪金太高,港鐵除了CEO之外,工程總監的人工亦有800萬元,以他們的高薪,點解可以出現做假事件,由此可見,高薪並不可以養廉,而事實上薪水太高,他們發覺問題也不敢出聲,恐怕在追究責任之下,他們會丟了份工,情願將事情掩蓋,得一日過一日,他們可以收取高薪一日,今次港鐵事件,政府應該檢討外判薪酬制度。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 十一哥 2018-08-11 11:38:10
成單嘢爆鑊係成班友之中有隻黑羊、以為發現咗D嘢…就天真向上通水、根本係唔熟性…唔知碇、直情係篤成個團伙…班友一向玩哂…逆我者亡…慣咗隻手遮天…咁就忘記避忌、玩人邊洗擇日…黑羊即時動輒得咎、數亦拖住唔找、攪到休克、本來曾經知碇妥協收埋口、但叛逆已成烙印…數亦唔見找、橫掂再冇運行、必死者天下冇敵、爆響口…以今日政客/媒體求料若渴、咁大單料唔深挖搶位就蝕章、天皇老子…最高招就係主動搶做殺手、擔綱做番主角…立威又免得濺到屎水。

標書特登寫到要鑲24K金~(螺絲頭接駁、有D位根本冇需要亦做唔到)~、~圍外~要因住金價成本嚟報標…、~圍內~有內應…用22K嘅金價報標啅硬、  交貨時有內應~精工換金撈~咗石屎天知道  (呢種係最高層次嘅圍標秘笈、橫手阻人入標係好低層次) 。

而家爆咗鑊仲有專業人仕夠膽說項…講事實精工係硬過金勞嘅…錯在冇入則啫 ?   個團伙老大仲死鷄撑…唔想爆開睇清楚、呢個亦係專業技巧~除埋底褲就真係神仙都難救…刑事檢控就冇得甩。

2. 十一哥 2018-08-11 12:26:02
以上…就係香港公務工程天價嘅原由。

個別盲毛搶到標就冇幸福、收貨就係團伙嘅必殺技、過程中任何調整彈性執生~決定就嘆慢板、就算天價都要蝕到走佬。

3. 真真薯片 2018-08-11 12:28:54
早排仲有藍絲係報紙講,港鐵工程問題係香港工程界既常規,上少兩成螺絲係業界正常做法,人人都係咁做,只係有心人針對高鐵爆料,依家果d藍絲做咩唔出聲?

錢就收足,交貨就偷工減料,咁慳左既錢去左邊個個袋?計我話炒人同垃圾會調查都冇用,一定係要報icac, 將一干人等及其家人所有銀行戶口十年紀錄全部詳細驗一次,肯定有發現
4. 顏色筆 2018-08-11 16:31:47
3樓說得好。
5. 腥港人 2018-08-11 19:00:54
事件遠因係黑羊埋唔到堆定班友圍威喂?
6. 雙重才是標準 2018-08-12 02:05:30
常規唔代表正確,現實話俾我哋聽,常規有唔少陋習。隨著時代轉變,一代新人換舊人,淘汰掉在位癌細胞,才能夠將上手積落嘅問題清理掉。
7. 向泛民说不 2018-08-12 13:00:25
真真,又要用道德標準審判。好在今次發生在沙中線,和鬼佬公司。唔系黃狗又瘋狂的抹黑。不過毒果仍然要話是用了大陸工具導致沉降,而竟然有廢材相信。

常規當然不一定正確,但是這些都是工程界數+年的習慣。同特區政府無關。以前港英時期,沉降的更加嚴重啦。只是這幾年的安全意識不斷提高。

不過點都好啦,以後香港的工程成本肯定都是大白象。要建新鐵路將難上加難。仲有舊樓重建一樣有沉降,以後市區點重建?成本又要加1,2成。

看來買房子真系無得輸。
8. 樓市中哥 2018-08-12 22:33:51
大白象係基本,唔係點cap 水

就算無沉降,都要八萬元一個單車位
"2480萬起泊單車場 8萬蚊一個位 南丫人批設計差"

算啦,政府機本利用樓市來收重税,然後無所不用其極科水。
9. 引刀一快 2018-08-13 03:21:29
大陸風氣,唔係話香港冇衰嘢,而係以前冇依家咁明目張膽,仲出一批媒體護航。
向飯,係時候出嚟喇你。
10. 真真薯片 2018-08-13 08:41:44
如果常規係上八成螺絲,咁落標時就應該講明只上八成螺絲,收八成螺絲既錢然後上足八成,依家係收十成錢,交八成貨,擺到明偷工減料,即係貪污,咁都仲想兜,我冇野講,快d出黎搶返最後一句啦
11. 向泛民说不 2018-08-13 09:57:55
引刀,唔L好乜都大陆风气。今次发生的是鬼佬公司。on dog仔。wr

旧区重建都会沉降啦,点解以前唔报,记得97年之前报纸报道沉降到见到裂痕。

隔壁大厦安全不安全就看他们的地基打得好唔好?地基是97年前打的, 记住啦,傻仔。
12. to 10/F 2018-08-13 13:09:58
你搞錯了,不是收10成錢做8成的事,工程界收錢是看全圖的,從來不是一項一項計算的,那是紙上談兵。 就好似你問賣靚水果的果欄,人家損耗你是會嚇傻的。

如果當年沒有人眼紅地鐵上蓋物業利潤豐厚,就不會有沙中綫今天的難攤子。你管他上蓋賺多少,有安全又方便(最好又平)的地鐵坐才是最合一般市民利益。但當有人提出官商勾結,說要取回發展權,但懂得起地鐵還不是港鐵嗎?當貪心什麽都想要,搞到什麽都沒有的時候,能怪誰呢?

人家港鐵工程部的人是做實事,解決問題的人,不跟政府官員,爲求自保。而解決問題的時候,肯定需要下決定,我個人認爲如果黃先生當天認真處理中科的訴求,今天大家就不會知道這些事。我深信其他工程都有同樣問題出現,衹看管理層的智慧而已。 

13. 十一哥 2018-08-13 13:14:45
刀刀   呢單嘢關阿爺老表叉事咩!唔好賣海鮮做契弟啦!英國佬係打橫食硬、冇得問責…邊洗解釋、巴士一定要用英國貨、豐重建總行衹能用英國料…計過claim你唔盡…就鋼材改厚100%…工程數就順加double、星光行比你起…不過慢慢等電話啦 ! 天下烏丫一樣黑、溝咗黑~仲點分藍定黃 !

14. 向泛民说不 2018-08-13 14:34:37
12楼,今次问题根本反映的是香港的执生文化。中科根本就是泄密。这种事情在97年之前不可能发生的,因为当时港英政治部点会比人搞搞震。


15. 真真薯片 2018-08-13 16:08:08
簡單講,香港工程界有存在制度化既貪腐,好似韓國女星要同老闆上床一樣,制度化左,人人都係咁,行內人習以為肖,但係暴露係行外,就不能接受

講到尾佢收正苦錢時係收十成螺絲,交貨時的確係唔足料,錢肯定袋左,由於貪腐已經系統化,制度化,賺多左既錢會好有系統咁分返比各參與者,港鐵管理層既問題其實係拆數出問題,搞到中科爆大鑊,如果係大陸,就會好似依家大陸娛樂圈陰陽合同報稅咁,全行大整頓,香港就做唔到啦
16. to 15/F 2018-08-13 17:23:26
香港當然做不到,香港相信專業嘛,你看香港法官是至高無上,父母都希望仔女做專業人士就知道。

大陸打陰陽合同是對的,但就有共產黨安排什麽時候打,打誰?

我對大陸改觀就是因爲看見過去30年中國一直慢慢進步,大陸人民大部分都活得一天比一天好,但就是沒有西方式民主。有時做大事,就需要有個強人站出來説了算。但香港人個個都是強人,能聽命于其他人嗎?整頓不了,我覺得我自己都有可能有份做成的。 
17. 向泛民说不 2018-08-13 18:10:24
楼上,条泛民打手当自己是法官,未申先判。
根本香港的工程文化就执生,这就是传说中的食脑。当然不规范,但是有效率。
18. 香港土著 2018-08-13 18:42:12
竟然仲有白痴話奶鈍係鬼佬公司。
19. to 16/F 2018-08-13 20:19:43
公民黨教路:有得揀,先至亥老闆。個個是老闆,唔通個個都有能力做老闆嗎?

教D細路反家長,效果一樣。
20. 路人某 2018-08-15 11:18:19

14/F 向泛民说不:

你真的歪理连篇. 明明贪污腐败做假都可以说成对的, 正常的.   居然觉得不断超支收天价但给豆腐渣的质素是没问题?  如果倒塌死人也是没问题?  报料者是泄露机密?  执生文化不是这样曲解的. 你的道德观很有问题啊.