地產博客
瀏覽人次:24769    回應:14
文亮語

下跌15%當交稅

 

湯文亮博士

紀惠集團行政總裁
2018年7月5日

  中午在食晏時見到一位物業代理,佢話有一個筍盤介紹,我話股市跌到失暈,冇心機買樓,如果現在買樓,不如買股票,就算下跌15%就當交印花稅,想唔到那位物業代理竟然話同意,不過在職責上他一定要將那個筍盤介紹給我,否則就唔夠老友,老實說,那個的確是一個筍盤,如果在年初時有類似的筍盤,我會賣走一些股票去買,現在如果要賣股票才能夠買樓,倘若股票回升,樓價下跌,就會遭遇到雙重損失,現在,最好就是一動不如一靜,有閒錢去買樓不如買股票,最低限度不用繳付15%印花稅。 

  老實說,政府好出招唔出招,待股市下跌了一截的時候才出招,投資股票的人可能有所損失,更加不會輕易賣掉股票而去買樓,如果在年初時就不同,投資者可以賣掉股票而去買樓,政府可能是無心,但地產商就多得政府唔少,隨著股市下跌,購買力亦減弱,地產商如果要避免繳付新樓空置稅,就必定要減價促銷,樓價有機會在短期內急跌,如果一定要投資,我認為買股好過買樓,就算一起下跌,買股票的人就當作交了印花稅,買樓的人就要硬食,聰明人是會選擇風險比較少,費用比較少升值潛力比較大的投資策略。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 自我陶醉 2018-07-05 14:51:08
博士所言甚是,買股手續費平,又隨時可以變現,最少唔洗擔心經濟逆轉時的資產流通風險。

買一些不太受貿易戰影響又跌過龍的股票作長線收息係唔錯選擇。
2. 向引刀‧土著‧自醉‧浪子‧阿井 說不 2018-07-05 14:54:47
買一些股票作長線收息無問題,最緊要記住準時交租就得啦,買也都好呀!哈哈哈



3. 巴 2018-07-05 15:22:23
股票有4厘
樓收租得2厘

証明樓市估值過高


4. 占士 2018-07-05 15:29:33
5. 自我陶醉 2018-07-05 15:37:26
回占士兄,

小弟最近也入了一隻識得郁的大藍籌,貿易戰都冇有怕,本來平時都睇唔上眼,現在卻覺得防守先係最好的進攻,勝在有息派兼手上大把cash, 學博士話斎現金為王嘛!
6. Victor. Lyon 2018-07-05 15:49:28
無錯。但物業投資仍是最好好之一。因為附加價值值极強。
7. 十一哥 2018-07-05 16:13:45
捉價位…幾時買…抵唔抵買、要講多少運氣、買貴咗都唔會~絕望斬頭~先最重要、揸住呢隻中指…就易揀好多啦!


8. 腥港人 2018-07-05 16:47:14
  1. 就係市跌先出招,發展商減少少就顯得林鄭好打得嘛
9. 濛濛紅鼠 2018-07-05 17:17:23
Admin兄:

第一句(更加不會輕易賣掉股票而去賣樓,)是買樓吧?
10. Admin 2018-07-05 17:33:51
謝謝9樓指正, 文章已修改。
11. 買股票 2018-07-05 19:00:00
輸死都似,分分鐘像大淡友沈大師講跌到你唔信,再跌到失魂。股票⋯
12. 真真薯片 2018-07-05 22:37:28
我都認為樓價跌唔跌都係睇股市匯市,林鄭新招係令地霸少左生意機會,但係供應量不變,至於空置稅,每個盤比成四年你賣,何來壓力?只係將地霸本來打算拖長十年黎賣,改成4年內賣晒佢而已

結果係中短線供應多返少少,撞正股匯急跌,正好比樓市放下氣,放完之後再升機會甚高

林斯似行緊689條路,一開波失控勁升,出重手辣招,個市回一回,然後又勁升,到任期最後一年頂唔住加辣,然後走人,林鄭重蹈覆切機會唔細
13. 同意12樓 2018-07-05 22:58:57
每次出招後都會有一些效果,最後又係回復正常上升軌道,只是時間問題,就是像升得耐便會有很多人出來說會下跌,實有機會估中,只是時間問題,一年、兩年⋯⋯十年,到估中時已經冇能力買了。
14. 同意12樓 2018-07-05 22:58:57
每次出招後都會有一些效果,最後又係回復正常上升軌道,只是時間問題,就是像升得耐便會有很多人出來說會下跌,實有機會估中,只是時間問題,一年、兩年⋯⋯十年,到估中時已經冇能力買了。