地產博客
瀏覽人次:18804    回應:7
文亮語
政府應該廢除所有辣招
 
湯文亮博士
紀惠集團行政總裁
2018年5月16日

  較早前有一位女士被人非禮,警方誤捉了一個同袍,並早已落案起訴,但始終是兄弟同心,警方最後發現非禮那位女士是另有其人,而且亦繩之於法,在警方捉到嫌疑犯之後,立刻將那位警員無罪釋放,據聞他已經復工,有老友話從這件事就可以看到香港法治精神,我覺得很奇怪,既然真相大白,讓那位警員立刻復工已經是最低要求,唔通要這位警員含寃受屈,根本與法治精神無關。

  在2009年,前任特首曾蔭權表示樓價不斷飆升,主要原因是有人炒樓所引致,於是毅然推出SSD,在沒有立法會議員提出任何質詢下全體一致極速通過,SSD的確是有多少效力,樓價當時下跌了10幾個%,但效力消失後樓價再次上升,不過,當時曾蔭權已經離任,繼任者CY秉承他的志願繼續推出BSD,DSD來壓抑樓價,但效果已經比SSD弱得多,CY當時已經意會到樓價上升可能是供應不足,但從未打算會撤走各項辣招,更加沒有向受壓者道歉,可能是CY不屑為之,但在中央眼中,他是有錯不改,如果由他連任特首,面對樓價繼續上升,除了出招之外還是出招。

  林鄭上任,供應不足令樓價繼續上升的情況相當明顯,但責任則是從政府轉移到地產商,林鄭雖然沒有再推新辣招,但亦沒有撤招打算,我認為此舉有違法治精神,既然已經知道樓價上升的責任不在物業投資者,照理應該廢除所有辣招,最低限度都要話俾市民知道在什麼時候或者在什麼情況下會廢除,由於政府沒有表示,至今仍然有不少人認為樓價連續上升是物業投資者炒樓所引致,令到物業投資者有含寃莫白的慘況。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 腥港人 2018-05-16 08:51:34
發財是硬道理,含寃受屈又點?
2. 十郎 2018-05-16 08:58:54


      撒都撒限奶令先喇 , 奶都要管。樓怎麼不管 ?


3. 十一哥 2018-05-16 09:32:58
無端端多咗舊天文QE錢、借去邊…買乜好呢 ? 唔係股就樓啦!擺去股就多咗IPO、咁利用IPO套咗水就又擺埋落去磚頭、IPO扯埋好多實錢出街、助長財資嘅規模、總之又番去雞先定旦先嘅paradox。

正苦班庸才衹係被動做1十1=2嘅小學鷄對應、陷於樓一定要買~地一定要賣~嘅迷思中、實質過程賣地~大錢袋起樓賣樓~老散接波~自住~投資出租、經咁多重抽水~最終都係~要住嘅受哂、點解正苦唔簡化中間抽水程序~起出租公屋一步做哂呢?唔使玩咁多辣定唔辣嘅19招數呢?咁就好難出產大錢袋、失去咗資本主義嘅核心價值、回歸原生態社會主義人民公社嘅精神生活。

唔好靠人~賴人、選擇人生自由要靠自己、否則衹會成為盒中蟋蟀~供他人耍弄玩樂。

4. 害人不浅 2018-05-16 11:37:51
最慘是那班深信樓價是被炒起的人,租住等跌等咗十幾年。
5. 上海將 2018-05-16 14:34:57
十年前返大陸长住,前年香港层楼升值五倍放出,宜家再等下跌機會再嚟过,現在很多我这样的香港人,乜SSD,BBD唔使交,抽完水就走.咁算唔算炒楼呢?
6. 史路比 2018-05-18 09:24:16
5樓 最壞的情況就是你跟你的子孫以後都需要大陸住,不能再住香港私樓了,當然還有機會申請住公屋
7. 引刀一快 2018-05-18 14:27:11
BSD一定唔可以撤,一撤香港就反轉。

講到投資者,香港咁嚴重嘅貧富不均,點可以唔管?大陸就話地大物博,無法躋身一線者,可以退而求其次,香港呢?香港貧果班,根本連大灣區都買唔起。