地產博客
瀏覽人次:28287    回應:14
文亮語

當大家以為樓市只升不跌,就是升災

 

湯文亮博士

紀惠集團行政總裁
2018年3月13日

  有老友話經常聽到有專家講升災,究竟什麼是升災,而事實上樓市上升令到持有物業的人資產增加,在負債沒有增加情況下,即是業主身家多了,究竟有什麼災禍,是不是因為樓價上升,更加多人買不到樓宇,所以,家叫這是升災,老實說,我相信專家的意思正是這樣,但我有不同解讀,我認為樓市當大家以為樓市只升不跌,就是升災,因為樓市總有下跌的一日,樓市升得愈高,有部份業主的防守能力更脆弱,尤其是那些剛買樓的業主,當樓市下跌,就會引致一發不可收拾的災害,這才是升災,並不是樓市愈上升,更多人買不起樓叫升災,因為那些人知道無論採取任何辦法買樓,例如父幹,甚至財務公司借錢等,只要上了車,就會一帆風順,只要樓市只升不跌,就不會出現災禍,而事實上,樓市不會只升不跌。

  樓市上升,業主的資產負債比率就會下跌,表示他們有能力向銀行借更多貸款,但當樓市轉勢,他們未必可以清還貸款,將資產負債比率降至合法水平,甚至連供款也成問題,銀行在迫不得已情況下要沒收那些業主的物業,如果樓市沒有出現只升不跌假象,銀行就不用批出那些加按,就沒有必要沒收那些客戶的物業,我認為升災就是當大家以為樓市只升不跌,說什麼升市莫估頂的時候,就是升災。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 真真薯片 2018-03-13 09:31:25
地代作個升災出黎, 係要加重準買家既恐懼, 等準買家比多d錢佢洗, 咁就為之升災

不過一隻手掌拍唔響, 冇正苦配合計續10年超低居屋供應, 如果居屋易抽, 又何來升災?

話說房協資助房已經賣緊樓, 之前有網路話數量充足, 唔知依家賣成點?
2. 腥港人 2018-03-13 09:38:01
房協極速比人清左倉啦,不過又咁講,正苦都係惜售,啟德同長沙灣都平頂,但今期先賣,揀得嚟已經係現樓,何文田同荃灣德士古道直情未有意思賣,睇嚟將來政府主力賣近樓花甚至現樓
4. 自我陶醉 2018-03-13 10:29:54
夏至一陰生,冬至一陽生,物極必反係大自然不變定律,當全世界都認為永世低息,個個都係專家,人人口中都念念有詞“New Normal, New Normal”,美國佬就加息俾你睇。升災即係跌災,跌災即係升災,呢個世界只有循環係永恆不變。

5. 孟波 2018-03-13 10:55:15
升災跌災都係普通人無法控制甚至預料,反而在升和跌的過程裡面,自己落了什麼决定而影響日後的生活才是重要,有人在幾次升跌上買了幾層樓,亦有人除欠下一身債一無所有。
6. 十一哥 2018-03-13 11:28:01
升為禍所伏…跌為福所倚…世道起伏循環…普通常識嚟、衹識吟吟噚噚…冇行動…等於癈話、勝負在拿捏時機嘅智商同能力、企喺海邊嗌有水鬼…千祈唔好落水…原來根本唔識游水、點領略沖浪激情。


7. 升灾? 2018-03-13 11:46:22

2015年,中原指數就146點,至今2018年都也才171點,即是近3年時間,樓市也才升17%,有必要唱到升灾嗎?

1997年,中原指數100來講,至今21年時間,升71%,好多嗎?不去看看貨幣增發了幾多,扁值了幾多?

  

10. 自我陶醉 2018-03-13 12:28:30
突然諗起呢句:“醉翁之意不在酒,在乎山水之間也。”

飲酒四圍都有得飲,最緊要有錢買。 賺錢處處都可以賺,最緊要有眼光。 睇人衝浪就唔係成日有,又要有巨浪,又要有唔識死嘅人,缺一不可。有時靜心睇下巨浪中嘅人生百態,比賺錢更有意思,有人覺得衝浪好,有人認為觀浪正,鹹魚白菜各有所愛啫,最緊要係自己享受,就算唔識游水都一樣可以咁開心。哈哈哈!

12. 怒婦炒魚枊 2018-03-13 14:53:03
版主狂刪版,瀏覽量一直插水又係另致死原因

努力啲刪吧,哈哈哈
13. CD ROM 2018-03-13 17:07:10
"樓市上升,業主的資產負債比率就會下跌,表示他們有能力向銀行借更多貸款"

對於普通市民, 小投資者來說, 這並不是實況... 物業負債比率只是第一重關卡, 更大既難題往往是在壓力測試.

這也是其中一個一手大賣既原因.
14. 1967年開始的升災 2018-03-13 19:49:40
升災從1967年開始,當年港島大單位幾萬位買到,升到現在幾千萬一間。升幅接近千倍。不是升災是甚麼?街鋪升得更加誇張。
15. 淡友的升災 2018-03-13 20:06:18
其實正確解讀是過去十幾年每年都不少淡友沽自住樓等跌然後打算低價補番個倉賺差價。

點知香港樓價十幾年來越升越有,淡友慘被夾淡倉夾成災,輸租金,輸低息期不供樓及青壯年時不供樓的機會成本,當然也輸了財富增值的機會。

淡友的確是升災的災民,所以怨聲四
起。
16. 引刀一快 2018-03-13 20:51:42
社會上嘅錢,去嗮地產商同銀行果度,實體經濟唔好,工資又唔加,呢D都係升災災情。
17. 引刀一快 2018-03-13 21:06:06
依家真正嘅升災,在大灣區,由我開始講香港同珠三角融合開始,到依家廣州部分地區,樓價升1.5倍,即係原來嘅250%,爆起上嚟,唔知點算。
18. 好友淡友 2018-03-13 22:22:49
「升災」下有資產者咯咯笑,得閒仲會落井下石;無產者只好望梅輕嘆,追悔當日無買的決定,日日望樓價跌三成。

政府應該處理好置業階梯,辛苦搵番來的土地應該建多d居屋。俾安居樂業希望給年輕人。讓大學生唔駛未畢業就去排定公屋。 

搵地小組用十幾廿個月,搵幾塊地出來,最後唔駛問阿貴又落在發展商手上,又賣到貴一貴咁,真係本末倒置。