地產博客
瀏覽人次:29023    回應:23
文亮語

海航完美演譯什麼是大好友

 

湯文亮博士

紀惠集團行政總裁
2018年2月13日

  我剛寫完一篇文章話現在賣股票的才是大好友,買股票的是執雞友,不少人話我亂作,我當然是亂作,自古文人多大話,每一個寫文的人都是亂作,講得中就叫做作家,講唔中才是亂作,今次,正當我無從狡辯的時候,海航幫了我一個大忙,將啓德四幅地之其中兩幅售予恒基,在未計算使費仍有微利,老實說,即使不用使費,所得利潤都唔夠買驚風散,友人話我錯,四叔才是大好友,海航絕對不是,甚至大淡友,睇唔好前景,所以才將兩幅地賣給恒基。

  我沒有說海航現在是大好友,但在2016年11月,海航的確是大好友,否則就不會以當時其他地產商認為是超高的地價買入四幅啓德住宅地,但可惜守唔住,被迫出售其中兩幅,所以,我才說海航完美演譯什麼是大好友,以海航為例,如果大家現在見到一些業主低價出售他們的物業,千祈唔好話他們睇淡樓市,他們其實是大好友,可惜力有不逮,被迫出售他們的物業。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 引刀一快 2018-02-13 11:00:32
引刀都係大好友,可惜力有不逮,被逼去大灣區喇。
2. 自我陶醉 2018-02-13 11:34:32
一早話呢間垃圾公司遲早賴嘢啦! 其實到現在佢依然係大好友,只係一個冇自知之明嘅大好友,如果佢唔係大好友,以佢拮据嘅環境,一早就將四幅地賣哂喇! 仲點會博命發債?

四叔咁嘅出價,睇得出佢比較厚度,唔想承人之危,亦可能係怕佢會亂嚟累街坊。

3. 博士粉絲 2018-02-13 12:19:34
我原本以為海航只賣49%或51%股權,共同開發,起碼分番賣樓收益一半。點知原來兩塊地全部權益賣走,水緊得太誇張。

之前仲話提前還少少錢比銀行換取延期,話自己有足夠資金。。。信不信由你。

印象中鴨利洲好似都有塊曾經既地王係中資投得,睇下佢夠唔夠資金開發先?夠錢開發又夠唔夠錢做呼吸plan高按賣樓呢?

假設佢地有能力,提供呼吸plan收唔番現金點還銀行貸款?不斷延期當銀行傻既?呢個延期理由金管都唔批得

最後一個問題,假設佢無能力提供呼吸plan, 同二手樓業主地位差不多,咁憑咩賣咁貴?

如果賣唔到咁貴,蝕到入肉,不到學海航,早啲放手,平手離場,都算執到。
4. 真真薯片 2018-02-13 12:25:44
即係話啟德地果口價, 得到4叔確認, 附近萬5蚊呎既新樓, 將來冇得輸
5. 普通香港人 2018-02-13 12:27:29
四叔出價唔係厚道, 而係為咗自己. 如果任由海航割價求售, 地價必定大冧, 到時就會火燒連環船, 連自家的樓盤銷售都會有影響. 所以【枱面】購入價一定要比之前高, 才能頂住樓市.

6. 博士粉絲 2018-02-13 12:30:02
我覺得本地地霸,有資金慢慢賣,什至借埋資金黎賣。防守能力同先係地霸本錢。

內地地霸,無料扮四條,以為起樓易,賣樓易,暴利易。海航話比佢地知原來起樓都咁難,莫講話賣樓,睇怕更加難
7. 十一哥 2018-02-13 13:02:34
泗叔呢兩件係16年搶嘅、位置、大細、都正過另兩件、高多少當老表幫泗叔儲兩年貨咁解、食咗龍口位先、其他兩件要揾人哽、位置大細次一級、其他陀地未必肯食二圍、泗叔老謀深算…趁你水緊食咗上肉先…下欄再閹你、可能Hi多少比埋泗叔算啦!


8. 真真薯片 2018-02-13 13:15:26
大陸富豪既創富方程式係關係+借錢+大膽, 另一條路係白手套

香港富豪既方程式係先贏而後戰之, 係單deal完成之前已經佈好晒局傾好晒, 只做sure win既deal, 唔贏就no deal

大陸人多, 100萬人搏命, 1個中獎, 都有成百上千人中獎, 佢地果種心態係錢唔係問題, make左deal先, 錢之後自然會搞惦, 當然有時都會搞唔惦, 例如亞視就係咁, 而有一樣野要留意, 就係阿爺永遠唔洗出錢, 只係出面, 錢既問題下面班人自己搞
9. 十一哥 2018-02-13 14:23:05
大到不能倒…呢個傳統概念…害死好多老表、習大大離經叛道…牽一髮…正係要動你全身、朝中有人…冇人敢再為你辦事、萬字號老子招積…兒子臭寸…冇嘢多就係錢多、很大·擺明全托同大榴玩搓波、老習點解揀呢個時候迫賊交贓…玩咁大呢?而家市好…有價又賣得郁、就個個要交數、收番債仲要有肉、風暴咁先叫完美、縮骨識條鐵咩!


10. Koichi Fuyumi 2018-02-13 15:46:01
To 6/F

海航事件係政治原因居多,唔好因為一次性事性睇低中國發展商實力,好多公司商業模式已領先香港發展商好多。香港發展商除咗新地同恒隆做得好少少(但規模好細),其他係國內發展都一般

好多人以為內地有關係大晒,如果禁簡單,恒大/碧桂園/融創呢的民企點可以切低華潤/保利/招商/越秀一大班國企央企先?就算淨係計央企國企,華潤,保利,招商個個都係大佬,市中心好地比邊個好?內地政府自已都有KPI,好大壓力,交唔到稅,拉動唔到GDP,導入唔到人口,關係幾好都係假,好現實的
11. 拭目以待 2018-02-13 17:34:28
四叔不是執雞友,實際可能是放數加參股,大家拭目以待
12. 真真薯片 2018-02-13 18:13:48
FM兄,

在下唔係話有關係內地大晒, 係內地關係可以話係necessary factor, 不過唔係sufficient factor

而內地做大生意一般玩開高貢杆, 因為d人普遍有guts, 人人都借大黎玩, 你唔借就輸了, 所以高貢杆係大陸巨企係常態, 海航既玩法以大陸黎講其實係正常, 恆大萬科萬達都係咁, 係香港人睇唔慣先笑人就爆就爆, 可能十隻有一兩隻真係會爆, 但係唔爆既上左岸既咪威囉
13. 大家不要太担心,最多升15% 2018-02-13 23:59:19
新一輪「白居二」計劃將於3月底連同新一期居屋逾4,400個單位一同推出。美聯物業首席分析師劉嘉輝表示,除居屋外,今年尚有「白居二」等供應,市場上小型物業供應上升;但由於需求仍然強勁,相信供不應求局面仍然存在,維持今年整體樓價升10%的看法,細單位與居屋料升10%至15%。香港文匯報訊

居屋今年最多升15%,應該唔使2萬一尺。引刀同班淡友仍然可以上返車,不要太灰心。


14. 自我陶醉 2018-02-14 08:53:23
高槓桿低槓桿做生意並唔係成敗重點,略懂投資嘅人,都知道點樣分咩係good loan, 咩係bad loan,只要有眼光,用高息高槓投資暴利項唔會係問題,但用高息高價投地,換取低回報項目嘅發展權,已經說明呢間嘢好大喜功,叻極有限。  識唔識分good loan, bad loan 先係成敗關鍵。

就好似賭仔博命借錢去賭一樣,未去賭都知佢要去跳樓喇! 哈哈哈!

15. 回14樓 2018-02-14 09:29:22
哈哈哈哈😄,你不用擔心四叔啦!本地地霸大把現金。自己連樓都冇層,居然敢教人理財。窮淡有時真是窮到儍咗。
16. 真真薯片 2018-02-14 09:30:01
自醉兄,

先唔理海航高唔高貢杆, 依家果兩塊地比4叔以稍高價錢承接, 代表當日海航投地果口價, 最後賣樓絕對有利可圖, 4叔計數, 唔會死錯人
17. 十一哥 2018-02-14 09:32:45
痕窿陳6個月前至感覺到,原來最勁是我,条白頭片中標果曰…就肯定筹旗實衰硬!泗叔肯定同佢拆咗好耐,拆到白頭片冇弯轉跪低,以近期地价計真係冇得輸,賬面和和果果,睇番佢比嘅息口…輸小當贏啦!

18. 自我陶醉 2018-02-14 09:54:49
薯片兄,

其實我想法同11樓差不多,枱面一條數,枱底可能二分息三分息貸款,用另外兩塊地抵押。Who knows?  大家生意人,點會咁益佢!
19. 十一哥 2018-02-14 10:10:22
兩三分息犯法㗎 ! 枱底咁玩…比人一閹住…成世深圳、諗多咗嘞、泗叔上門親家…操正就得…冼倍你咁癲  ? 




20. 自我陶醉 2018-02-14 10:11:53
回15樓

乜你覺得我在擔心四叔咩? 

其實我擔心你多啲㗎,理解能力咁低,點開單呀大佬! 哈哈哈!

21. 自我陶醉 2018-02-14 10:18:54
十一哥,

你記錯喇!  香港放債人條例第24條規定,任何人以超過年息60%的實際貸款利率貸款先至犯法,兩、三分息借俾呢啲賭鬼,絕對合理。

22. 十一哥 2018-02-14 10:24:57
成單嘢說明、篤手指…篤到金都週身屎、買賣平貴自己心水、計住荷包得嘞。


23. 十一哥 2018-02-14 10:38:16
醉哥…謝過 !