地產博客
瀏覽人次:17353    回應:6
文亮語
剖析施政報告房屋政策(1)冇料到
 
湯文亮博士
紀惠集團行政總裁
2017年10月12日

  在香港,批評政府,批評特首是分析員的慣性工作,過去在任何一位特首發表施政報告之後,一定劣評如潮,林太今次亦不例外,而各式各樣劣評之中,以「冇料到」最令發表者傷心,其實,講冇料到的評論員根本不用分析就可以寫評語,天下間最容易做的事莫過於此。

  有朋友叫我形容林太今次的施政報告,我話整份施政報告就不敢批評,單講房屋政策還可以,我給予這部份的評語是「冇料到」,我朋友聽完之後立刻話我有冇搞錯,剛剛批評講冇料到的評論員是冇料到而我又講冇料到,我對朋友說他誤會了,我說的冇料到的是沒有料到的意思,即是估唔到,朋友明白,他說我沒有講錯,在林太未發表施政報告之前,有誰料到雷聲大的首置上車盤方案竟然雨點少,雖然沒有取消,但要到明年中才會公布詳細情況,而且只得一千個單位,唔鹹唔淡,都唔知道有什麼作用,除此之外,更有誰料到在施政報告前並没有提及的綠置居以及白居二會是今次的主角,報告並且會以恒常化來表示這是一個長期政策,這個政策將會擾亂整個細價樓巿場,我話細價樓今次大鑊啦其實是有理據,這份施政報告暗藏玄機及商機,而我將會盡我所能在這兩天剖析這份冇料到的施政報告。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. MT 2017-10-12 09:05:56
等緊睇博士的分析. (註: 老C如往常一樣無論發生咩事都話會令樓價上升)
2. 十一哥 2017-10-12 10:12:59
農地…係大孖沙原料倉、濕濕下咁出先值錢、如果着墨補地價…供應量必源源不絕…遲補實執輸、對樓價係致命打擊、其他甚麼白居易…6置居…整張菜單豐富D…其實材料都係果幾種、恒常化…即係水喉裝梗…火猛就大放…冇火就可收細、為政之道如跑長途馬、要留放有度、革命通常做成災難  !


3. Bos Fan 2017-10-12 13:27:05
政苦現在把市場分開segment, 睇下邊大火d就救邊到,但係水桶都係果個。
4. 公屋當炒 2017-10-12 18:35:01
受施政報告建議「白居二」計劃恒常化刺激,公居屋勢被搶爆。祥益胡志偉表示,屯門公屋良景邨良偉樓中層16室一房單位,實用面積264方呎,施政報告後以115萬元第二市場價售出,為該類單位首次突破百萬元價位。

良景邨第二市場一房買賣向來稀疏,據房委會資料,對上一宗追溯至去年3月,當時一個高層同面積單位,以66萬元成交。以此比較,剛錄得的新成交一房,較當時高出約74.2%。


今次主要目的是要炒起公屋市场,拉近公屋同私樓樓價的距离。
5. 细價樓長缐利好 2017-10-12 19:04:47
每年釋放出市場的居屋公屋有限,造成搶樓現象。不出數年,公屋居屋樓價必被炒上天。水漲而船高,私樓不用悲觀。
6. 真真薯片 2017-10-12 23:26:00
白居2同綠置居既主要任務係吸納富戶政策逼出黎既人, 果批人數以萬計, 依家實行富戶政策真係靠害

施政報告最大既冇料到, 應該係可見既一年之內, 政府冇措施壓樓價, 真係乜措施都冇