地產博客
瀏覽人次:42914    回應:22
文亮語

假期Q&A

 

湯文亮博士

紀惠集團行政總裁
2015年7月1日

  今日假期,瞓多陣,做吓懶人,只答懶人一條問題,不過我又會問一條問題。

7.      懶人用成交量與成交價來推算樓價升跌?

  我認為以現時來睇,細價樓雖然不斷創新高,但成交量萎縮,即是業主要價愈來愈高,有心買樓的人認為。 樓價太貴,最後,業主願意減價,成交量才會回升,這雖然是一個初步推算,但非常適合現在樓市情況。

      在2003年,樓價不斷向下尋底,成交量亦非常少,當時,有不少人認為,成交量少是買樓的人信心依然不大,所以,樓價仍然會下跌,但我認為,樓價實在太低,不少業主已經是負資者,就算賣了樓仍然欠一身債,倒不如咬緊牙關捱落去,希望樓價可以止跌回升,賣樓的人減少,樓價在沙士終極一跌後回升。

今日我用非常簡單理論探討這個問題,而我將會在下一本書「角動量守衡」再詳細探討。

8.      珍惜香港兄寫了一篇「序」,究竟目的是什麼?  

  我讀王勃「滕王閣序」,許慎「說文解字序」,知道之後有很多篇文章,珍惜香港兄的序已經出了幾個星期,我還未見到有一篇新文章,大家仍然關注文章是否可以修改,我真的不明白,亦期待第一篇文章,更希望好文章陸續出現。

9.      我的文章「三厘半的威風」抽了王弼小小水  

  其實,唔係老友都唔敢抽,弼哥明白,有人在第二個網站話我對於居屋慘淡銷情是坐井觀天,我連回應都費事,如果我真的不了解居屋,最多是可以用在天觀井來形容。弼哥應該知道,寫文章唔難,搵題目難,鬼叫弼哥係我老友,抽吓水都要。回歸節日快樂

待續...

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 自我陶醉 2015-07-01 14:00:24
出版了就是出版了, 出版前的嚴謹校對, 是作者對讀者們該負的責任, 如果博士發覺自己的書用字或邏輯出了問題, 會把書回收修改嗎?  別人看了已修改的文章, 再看對文章修改前的回應, 豈不是被弄得糊裏糊塗。
2. 蜕变中嘅懒人 2015-07-01 18:07:01
非常多謝博士在回歸日選答懒人驗證中的問题,感覺開心之餘亦覺得份外有意義,也許博士認為懒人的推想初步合理,又是另一份開心,多謝博士回答。

懒人會繼續每日等待博士出文章。
3. 珍惜香港 2015-07-01 20:25:42
珍惜香港

博士以專欄文章嘅形式,回覆網友,的確喺明智。歸納回應箱嘅討論,再以一篇文章回應,就避免咗直接响回應箱度對答造成嘅混亂,令原文嘅主旨得以保持,唔會被分散或曲解。

可能,作為「」嘅作者,我真喺唔應該响自己個回應箱度參與討論。關於文章可否修改,其實只喺一件小事,我都同博士一樣,好唔明白。就見今日博士呢篇假期 Q&A,出文之後亦有修改過啦。

坦白講,我的確有啲失望,」嘅目的,本來喺鼓勵資深會員出文,讓大家公開回應,加強網站討論氣氛之餘,更可以為各位專欄作者,互相供應題材,或隔空切磋,令網站百花齊放。可惜,第一篇文章都未見出現,就已經惹嚟諸多疑慮,話作者可能會點點,應該要點點,網站要點樣設限。唉!點解唔可以讓文章先出?

有云,你敬我一尺,我敬你一丈。最大嘅誠意,就喺先敬一丈,給予最大嘅彈性同尊重,就好似網主對博士咁。他日若有問題,咪再調節囉!

近呢半年,地產博客風風雨雨,亦成為我寫「」嘅原因之一。有好多响回應箱度,肯出長嘢分享嘅朋友,已不復見。正如我响總結度話,若人心不變,是非,喺永遠得唔到解決,疑慮,亦永遠得唔到滿足。唯一嘅方法,就喺大家將焦點,集中番响個議題度,唔好再執著是非,唔好再執著你我

博士期待第一篇文章,更希望好文章陸續出現,呢個亦喺我嘅期待。或者會有人問,點解我自己唔出文?原因好簡單,我唔想資深會員專欄,變成珍惜香港嘅專欄,咁我會覺得好孤單,倒不如好似依家咁,响各回應箱度寫下長嘢仲好。呢個就喺,我「」裡面,重提 PP 專欄第一篇作品,背後嘅意思。

序嘅定義嚟講,今日,「」,喺「他序」。但當資深會員專欄裡面,出現第一篇文章之後,「」,就會同時成為「自序」,而我亦會開始出文。
4. 引刀一快 2015-07-01 22:17:03
1樓 自我陶醉兄

如果文章可以肆意修改,特別是針對回覆者言論嘅更改,可以令後來閱讀者,以為回覆者答非所問。
呢種特權係出於畏懼,好明顯,有呢種要求嘅人,表面好珍惜自己嘅文章,實質根本就未懂得尊重文章。
5. 引刀一快 2015-07-01 22:26:02
換一句話,就即係玩包剪揼要求可以用永遠無限彈弓手,咁驚人評佢D出文嘅話,不如連回覆都俾你改埋咪仲好。


6. 自我陶醉 2015-07-01 23:48:14
珍港兄, 引刀兄

小弟認為對文章的錯別字作修改是無可厚非的, 但若是連論點和邏輯也修改, 就值得商榷了。 

所刊出的文章既然作為了大家討論的基礎, 如果討論後還作出大幅修改, 之前的討論便變得失去意義了, 這也會令之後看的讀者難以理解和無法加入討論, 實在不太恰當。  既然大家只是為興趣, 又沒交稿時限, 何不考慮先寫好文章, 再多給自己一點時間思量才把文章刊出?
7. 珍惜香港 2015-07-02 02:25:44
珍惜香港TO:6/F 自我陶醉

所謂,本來無一物,何處惹塵埃?自醉兄,關於修改問題,真喺唔想再討論啦。

博士問,我寫「」,究竟目的喺乜?我已經明白博士嘅意思。

還是期待第一篇文章,同好嘅文章陸續出現吧!
8. 引刀一快 2015-07-02 02:57:56
To 6樓 自我陶醉兄

佢要求嘅係無限期隨時改隨時刪,完全脫離勘誤範疇,做好準備,不久將來,如果自醉兄繼續在此回應,EQ就會超越大幅引刀。
你睇睇D無釐頭講佛偈就應該知道,咩叫捩橫折曲,你叫佢仔細審稿,佢只係諗住搵你幫佢審稿,你有疑問駁得應,佢就改文。
以後集中回應亮劍嘅文章囉,其他嘅,由得佢地改到够喇。
自尊嘅來源,真係人人唔通架。
9. 珍惜香港 2015-07-02 03:25:19
珍惜香港TO:8/F 引刀一快

真喺佛都有火!

使乜睇不久將來?年幾前,雙軌制實施第一日起,我已經喺中級會員,可以無限期隨時改隨時刪啦!

年幾以嚟,我有冇彈弓手?其他人,有冇彈弓手?

引刀兄果然喺妖化不同意見者嘅高手,杯弓蛇影一絕,難怪有心討論嘅網友,陸續離去。

同你討論,真喺幾高 EQ 都死!
10. 引刀一快 2015-07-02 03:56:27
咁點解你要強調你應該有權彈弓手?
11. 引刀一快 2015-07-02 04:04:50
人地就駟馬難追,你就覆水能收,呢個係意義上嘅問題,我冇妖化任何人,每句說話都有根有據。
12. 自我陶醉 2015-07-02 05:21:22
To 7/F 珍港兄

明白你的意思, 作為讀者, 我也非常期待有更多精彩文章。 共等之!

To 10/F 引刀兄

我相信珍兄也不會隨意刪改文章, 他可能只是為各資深會員謀取更大的自由度而已, 若真的有這樣的事發生, 大家再拿出來討論便是。


13. 元朗人 2015-07-02 06:57:40
站在讀者幸福立場,真的期待珍惜香港,法子,PP和亮劍出文。規則的東西我相信大部分擁躉没有興趣討論,互相尊重和信任才是討論事情的基石。欄主Ronald便是把關的人,真金白銀投资,亦有名譽商譽在裡面,我們更應尊重欄主決定,我們還抝未出現的情况,實在無謂。
14. 安全駕驶 2015-07-02 08:24:37
真不明白,為何為了沒有發生過的事情担懮及作出規管。
網站只是-個平台給出文者及網友討論。
如出文者有彈弓手,網友自會作出判斷及回應。
如之前也有網友把已删除的文章重post. 
15. 小小業主 2015-07-02 08:48:01
各位師兄,不若'摸着石頭過河'再優化,如何?
期待眾師兄精彩文章。
16. 引刀一快 2015-07-02 09:27:30
極為簡單嘅邏輯問題,14樓兄台係咪認為未撞車之前唔駛扣安全帶?

我都懶得討論,有時覺得打咁多字都幾費時,以後精簡D。
17. 業主 2015-07-02 09:33:11
刀,

你咁叻就自己開個網自己話事, 唔好係到指指點點, 呢到係網主話事, 網友只係想係到睇文交流, 就算係改文都唔到你話事啦! 唔 LIKE 咪唔睇LOR....何況文都未出.....
18. 引刀一快 2015-07-02 10:10:36
我係駁人啫,我幾時有指指點點,你唔中意見到我寫嘢你都可以唔睇咯。
19. Admin 2015-07-02 11:08:13

澄清

湯博士過往在Yahoo!及我們管理的多個網站的文章,上載後沒有修改過 ,除一些我們校對走漏的錯別字,這編「假期Q&A」 也沒有修改過,只是中午網主見我們尚未上截,他自已用手機上截,但不能像Desktop PC那樣做出預定格式,下午我回到寫字樓後,修改為現在格式。

20. 灰夾克 2015-07-02 17:42:11
簡單問題複雜化,喺氣車發明時並無安裝上安全帶及安全氣袋,經歷過交通事故後,一步步改良優化。
舉一反三,文章未出就又喱又路,出咗文後網友有新意見,咪討論下唔啱嘅又可改良下,有問題咩?為咗個人原則似乎想棒殺萌芽中嘅新專欄,成日認為有人會出彈弓手,唔啱睇咪杯葛佢囉,人同此心佢邊有市場呀!個個都等緊啲好嘢,留條路畀啲空間,大家有得行下。
21. 安全駕驶 2015-07-02 21:46:49
To16/F
此網站等同道路,讓車輛和其他道路使用者使用。
駕使者(出文者)是否扣上安全帶使由他決定。如果只恐怕將來有可能發生意外,現在便加設施限速和作出規限,那麽很多駕駛者會選用其他道路/平台,非本網站之福。
22. 引刀一快 2015-07-03 07:13:24
兄台,閣下理論合邏輯嗎?兄台開車可以隨心情决定扣唔扣安全帶?看來在下有眼不識泰山,今日在論壇遇上懂中文的普京了,失覺失覺。