地產博客
瀏覽人次:17616    回應:22
文亮言
中美在貿易戰手握相同籌碼
 
湯文亮博士
紀惠集團行政總裁
2019年5月15日

  特朗普將2,000億中國進口貨物關稅由10%上調至25%,中國亦作出反擊,將600億貨物關稅上調,有不少香港人站在美國的一方,因為特朗普話中美貿協議已經談得95%以上,但中國出爾反爾,所以他們同意特朗普提高關稅。

  如果未試過與美國人做生意,真的會相信特朗普的說話,我試舉一例,有一個美國商人叫香港廠家為一件貨物打價,總銷售量是100萬件,雙方最後同意每件10元,但到落單的時候,美國商人不但只落5萬件,而且要求單價降至8元,並且話這是試單價,好似那些健身中心,試做價一定會比正價平,廠家亦明白,於是開始生產。

  幾個月之後,該產品的銷售量非常成功,美國商人加單同時要求減價,理由是既然廠商可以接受5萬件每件8元的單價,100萬件當然是要減價,廠家不接受,因為那是試單價,如果銷量不好,美國商人與廠家都會有損失,但如果銷售成績理想,單價應回復正常,最後雙方談不攏,美國商人對外公佈廠家出爾反爾。

  中美雙方一個重要分歧,就是美國要求已徵收的關稅稅率繼續執行,中方則認為既然雙方達成協議,亦應該取消向對方徵收的關稅,美方不同意,於是談判破裂,美方對外宣佈中方出爾反爾,難得又有很多人相信中國出爾反爾。

  今次中美貿易戰,我話雙方手握相同籌碼,有很多人不明白,其實籌碼是一個「量」字,美國有龐大購買力,而中國有強大生產能力,基本上是天作之合,如果中國不替美國生產,其他國家的生產力很難滿足到美國要求,就算做到,成本也會很高,而中國沒有像美國這樣的龐大購買力,生產能力幾高都沒有有用,中美貿易談不攏,受害的是兩國人民,人民生活質素亦會下降,中美雙方其實是應該相濡以沫,而非雙方交惡,特朗普今次挑起貿易戰,其實是為自己爭取多一些政治本錢,但是他應該考慮到如果處理不善,中美貿易戰反而會是他的政治包袱,而事實上,就算沒有中美戰略戰,特朗普差不多可以篤定連任,如果現在發起貿易戰,又不能妥善處理,連任就會出現變數,特朗普是精明生意人,知道中美戰略戰是否應該繼續打下去。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 引刀一快 2019-05-15 09:32:50
打唔打落去,睇普京鼻息。
2. 十一哥 2019-05-15 10:06:38
刀刀   挺你、杭住兩把刀、一路向北…見毛就剃…清理毛子 !
3. 向引刀‧土著‧自醉‧浪子說不 2019-05-15 10:12:07

打唔打落去,人民幣都得貶值,之前聽信引刀大陸燦傻嗨回大灣區買樓的,盡管收樓時無變成爛尾樓,但蝕匯水已經唔見一大節啦!

4. 真真薯片 2019-05-15 10:20:10
中國做大量生產的確係有優勢,其他國家望塵莫及

百萬低價勞工,無限核電力,環境任污染,世界上有邊個國家做到?生產線搬去其他國家,想請幾十萬個工人日做12個鐘已經接近冇可能,美國一直受惠中國超廉價勞動力賺左20年大錢,不過d錢係晒瑞士咁解者

除非傾得惦北韓,如果北韓做世界工廠,就真係大件事
5. 十郎 2019-05-15 10:27:18


      唔好忘記中國改革開放 , 有香港 backup ,成功關鍵來架。蘇聯係一齊攪改革開放架, 佢失敗了 , 因為沒有一個香港般有錢有定單的地方。

6. 十郎 2019-05-15 10:29:59


      北韓有冇一個香港 backup  呀? 佢未起飛腳就比亞爺餓9死。

7. 引刀一快 2019-05-15 10:36:05
真真薯片兄

依家大陸,尤其廣東,揸環保捉得好緊,好多廠就係環保原因執嘅,而事實係有效果,原來嘅臭水河,依家依然唔乾淨,但係魚量大增,品種亦相應增加,農藥亦嚴管,基本上劇毒農藥完全禁止,呢方面我非常支持,終於識得補鑊嘞。
8. 真真薯片 2019-05-15 10:43:47
刀兄,d污染搬左入內陸者

侵侵想重構世界供應鏈,問題係百萬勞動力,無限電力同無限污染有如鴉片,美國買家已經習慣左唔洗比呢個成本去賺埋呢舊錢,要搬廠去其他國家先發現呢幾樣野唔係必然,成本要嘔返出黎,唔係咁易,呢樣係中國世界工廠既最大籌碼
9. 十一哥 2019-05-15 10:44:01
刀刀  今次就真真…在地體驗嘞、真真就嗱住舊屎嚟唱。

10. 十一哥 2019-05-15 13:31:10
唔關傻侵連任事、美帝係焗打~冇得放手一定要壓住落去、壓制阿爺係美帝全國共識、壓得一時得一時、拖下拉下…起碼令阿爺…後顧之憂…冇跑得咁輕鬆、况且一向惡哂…又欠勻全世界…一保唔住大很哂、話唔哂事~後果就好閉翳。
11. 鳥5 2019-05-15 14:31:05
今次貿易戰 最大嘅潛在 香港風險  1.大陸嘅軟著陸, 整合債務 2 .就係琴日博士所講 ,導致美國本土 (超級通貨膨脹 )已聯儲局 貨幣政策 (美國本土價格穩定,就業最大化 )可能就會出現加息 甚至乎失控... 而在下覺得, 香港最大風險 ,貿易為次。 樓市價格跌穿40 為主 ,流動性系統風險 失控。。。 香港唔少中小企 老闆加按自己層樓去做生意 ,100萬2千蚊息, 邊個會唔做呀? 呢十幾年。 對嗎?
12. 鳥5 2019-05-15 14:36:24
不過貿易戰 而家講緊十個percent關稅 人仔就跌咗七%, 餘下由國內企業之父 事故美國本土 並未發生通脹 彈25 present 就肯定冇得搞 最少有十個percent 由消費者 畀, 撇除 其他國家 短期生產線, 再加倉存 應響 半年後 美國消費者價格上升臨界點
13. 鳥5 2019-05-15 14:47:02
本人 得罪人  都要咁講  ,如果呢十幾年未上車 ,D一兩年, 真係唔好上車  . 人家贏錢 有人家嘅故事 。。。中美兩國債務爆棚 ,隨時呢一兩年搵人埋單.. 唔等都等咗十幾年 , 難得首次 確認發展商第一次扮貴,真劈價出貨。。 又點會一間屋得一隻曱甴呀?
14. 鳥5 2019-05-15 14:54:03
贏開相繼續贏, 在下覺得合理
有贏有輸 ,在下都覺得合理 
不嬲冇玩開書舖最大鑊 (送尾寶)..
在下覺得非常非常唔合理, 好冇陰公 ..
其他人我不管 ,也管不到..
15. 十郎 2019-05-15 16:31:04


      老5 , 我都跟左你 , 得罪人呀。你的警告發得太遲 , 準備執野啦。

     (收檔呀)。

16. 十郎 2019-05-15 17:45:33


      收左檔又要準備執野。

17. 引刀一快 2019-05-15 18:22:20
執嘢?唔明。
18. 十郎 2019-05-15 19:33:14


      收買佬磨拳擦緊掌啦。

19. 鳥5 2019-05-15 20:37:25
十個 我啲熊證 早咗做 呢個朗走甩咗呀。。。唉! 反應太快原來未必會贏
20. 鳥5 2019-05-15 21:24:25
十歌 如果執平嘢 為我睇 22500 先好執喎暫時玩下滑浪板先 穩陣。。。 港股熊三底 曾氏通道 最盡 4月30號計 20900 每個月九十點向上移。 一到 可以出戰艦all in...
21. 鳥5 2019-05-15 21:31:53
咁講會唔會 預事得太早, 離咗地畀人鬧?
22. 鳥6 2019-05-15 23:15:09
鳥5,我終於明白,點解,你冇錢,買樓。

多年來,扮股神,輸期指。

最怕,你唔叻。天收,叻仔你。