地產博客
瀏覽人次:21199    回應:17
文亮言

放寬逆週期措施,急也急不來

 

湯文亮博士

紀惠集團行政總裁
2018年11月7日

  老C轉軚,估計樓市在未來兩年半內下跌30%,但好似收不到預期震盪,大家都是以平常心面對,因為大家早已知道樓市下跌,老C只不過反過來加入他們的行列,不過,有老C確認,有人立刻向金管局反映,要求放寬逆週期措施,總裁陳德霖話未來Yes現在No,即是在未來確認樓市下跌時就可以放寬逆週期措施,不過現在還未可以確認,所以,暫時不能夠放寬,這個答案可能令到一些人不滿意,但的確是事實,就算現在可以確認樓市已經下跌,但有兩個不利樓市的基本因素仍未出現,當出現的時候,會令到下跌中的樓市更加急速下跌,倘若有人因為放寬逆週期措施而買了樓,他們就會是受害者,所以,現在放寛逆週期措施並不是明智做法。

  究竟幾時可以放寬逆週期措施,就是市民適合買樓的時候,老實說,現在絕對不適合市民買樓,雖然樓價向下調整,但利息仍未上升,供應仍未大幅增加,如果現在買樓,當上述兩個不利樓市因素出現,樓價必定會大跌,所以,打算買樓的市民一定要等到那兩種不利樓市出現了一段時間之後才可以買樓,如果金管局在那時候放寬逆週期措施,就會是急人之所需,樓價下跌的風險不是沒有,而是會低很多,就算下跌,幅度亦不會太大,放寬逆週期措施的事,要急也急不來,而且是被動,如果政府不在增加供應下功夫以及利息正常化,就永遠不要放寬逆週期措施。

  雖然老C預測樓市會下跌30%,但我認為如果銀行唔加息,或者加息幅度不高於1%,就算政府提供足夠供應量,樓價就不會下跌超過20%,放寬逆週期有機會令到樓價掉頭回升,令到打算買樓的人更難買樓,所以,放寬逆週期措施的事,必須要有準備,但不能操之過急。要急也急不來。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 真真薯片 2018-11-07 09:38:20
我認為利息加到超過1%,機會率仲高過供應大幅增加

未來4,5年供應就係4,5年前賣既地,正苦樓更加有晒數字,供應何來大幅增加?空置稅已經被破,仲要拖延實施,仲可以辯論修改,影響不大
2. 13 2018-11-07 10:08:26

供應大幅增加 都可以係有大量銀主盤放出
或者大量收租盤想賺左個資產增幅而放盤

始終家陣D 樓係俾大部份有錢人拎係手..

3. HKY 2018-11-07 10:09:23
本人愚見 今次聯邦儲備局 加息的程度 ,務必要 嚴陣以待!
( 雖然未來持現金有不俗的利息 但我對現今這個"貨幣 ",非常 憂慮!
抱歉這個觀點或許笨得很!)
4. 機會率仲高過供應大幅增加 2018-11-07 10:11:41
供應的多與少視乎價位, 百零間已經要改招標了, 如果一年有二萬間, 啫係每個星期要出到 400 間, 減半個市都食唔起。
5. HKY 2018-11-07 10:13:04
本人愚見 今次聯邦儲備局 加息的程度 ,務必要 嚴陣以待!
( 雖然未來持現金有不俗的利息 但我對現今這個"貨幣 ",非常 憂慮!
抱歉這個觀點或許笨得很!)
6. 香港土著 2018-11-07 10:13:23
香港私樓供求係兩個variables,兩者恆常互動。當下坡走勢成為多數人共識時,羊群自然受驚四散。未必需要供應大增,供求都會平衡。美國收水,新興市場先乾,美國快速放水,香港氾濫,美國慢速收水,香港風乾。
7. 真真薯片 2018-11-07 11:25:38
銀主盤的確可以成為額外供應量,問題係銀主盤既供應有幾多同是否持久,SSD亦鎖住大量高按盤,所以正苦如果想增加供應,應該將SSD三年改兩年,有好多頂唔住既人會即刻劈價放盤
8. 應該將SSD三年改兩年 2018-11-07 11:59:39
博士咪話而家減爛啫係推個市落火坑 !
9. 何來供應 2018-11-07 12:26:50
地又唔投,樓又停賣
10. 真真薯片 2018-11-07 12:41:57
減辣有幾種,博士講緊減按揭成數,我講減SSD年期,唔好混為一談
11. To 10 2018-11-07 12:59:36
http://www.property.hk/forum_content.php?id=61388
12. 十一哥 2018-11-07 15:39:29
你小+…2019年會好墟冚、斷估有2百幾單IPO…日日都有單開 !  真嘅…就發囉、1~買定生發發、2~揸實豪宅一定冇死、上到市~五金爛銅~變現金、幾大都整間豪宅嚟威威。

13. 真真薯片 2018-11-07 15:42:33
係我記錯左博士舊pose, 不過呢方面我同博士持唔同意見,我認為依家,尤其是高按到期潮前,縮短SSD有助增加放盤量,促進樓市下調,反而維持SSD三年,逼人死守,可能守守下比d業主,尤其是上年買果批,守過左明年,個市又冇事,咁就錯失一個加大樓價回調既機會
14. To 13 2018-11-07 15:57:15
而家減辣, 唔駛 97-99 兩年, 18-19 一年就可以跌一半啦
15. 十郎 2018-11-07 16:39:33


      E家撤SSD , 即係開閘比人家止蝕。如果幾年後 , 個市冇事 , 咁就係好心做壞事。政府係5希望各位出事架。

      廣東花未發 , 湖廣柳先開。收買佬 , 又到你出埸。



16. 真真薯片 2018-11-07 17:33:32
實事求事咁講,林鄭一定唔會撤辣或減辣,唔做唔做,多手做野,做得好冇人讚,一出事全世界賴晒你,香港人出名姓賴,林鄭又點會撤辣呢
17. 十一哥 2018-11-08 00:17:04
基本民生樓都仲企喺萬6蚊呎上下、已經研究切呢樣切果樣、未殺到嚟就一早打哂子彈…真係殺到嚟就冇招可用 !

都係果句…冇洗震鷄、萬1-2蚊呎左右係平衡點、過程唔會97咁刺激。