地產博客
瀏覽人次:30149    回應:28
文亮言

林鄭發火了,大家應該知驚

 

湯文亮博士

紀惠集團行政總裁
2018年7月14日

  昨日林鄭在立法會答問大會首次提及限購令,暗示在立法會復會或者會有進一步行動,今次沒有地產商,分析師甚至物業代理話此舉無效,樓價會繼續上升,老實說,如果出限購令,可以講是置香港地產業於死地,地產商唔敢講,我敢講,林鄭千祈唔好出限購令,否則,香港位置就會由星架坡取代,除非紐約,倫敦也推出限購令。

  我唔明白地產商一方面話「娥六招」無效,另一方面在電視面前數臭政府,又話會將新樓空置稅增加成本轉嫁給買家,你叫以林鄭為首的一班公務員顔面何存,政府推出限購令,不會令地產商增加成本,大家應該沒有異議,今次,真的是玩大了,其實又不關大多數地產商的事,只有那些只是囤貨,不建房不賣樓的地產商才會受到新樓空置稅影響,有物業代理一向標榜香港樓宇不是為香港人而設,而是為內地人而設,無形中令到林鄭有大條道理出限購令,今次真的是捉蟲,好彩離立法會復會時間還有兩個月,地產商求神拜佛樓價唔好再升,今日中原指數繼續破頂,我都唔識笑,不過,要樓下跌亦不是太困難,只要地產商願意賣樓,是否減價是不重要,如果沒有地產商要交新樓空置稅,代表地產商已經全力賣樓,樓價上升是因為政府供應不足,政府怎能萎過於人,自己沒有努力增加供應,反而推出限購令。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 地產商 2018-07-14 09:52:36
一拍兩散,起少D私樓,甚至唔起,留番哂D地起公屋最好,益下全香港輪緊公屋的市民,全民拍掌。
2. 巴 2018-07-14 09:55:09
雖然供應供唔切

但政府推限購令,(以前d人話大陸人買樓只佔少數),樓升同父干爺干有關。

實際上限購令可以令需求不再無限大。

700萬人城市,供應13億人既需求。計黎計去都唔岩數。
3. 巴 2018-07-14 10:06:04
雷賢達講過 香洪高樓價影響好多金融工作去左新加坡

傅士就話限購令又令香港輸俾新加坡

會唔會香港跟返新加坡,推八成組屋算。二成私樓等癭錢佬同大陸佬玩
4. 自我陶醉 2018-07-14 11:50:57
其實林鄭到底係咪靠害香港人?  要做限購又要晨早爆響口,即係叫人現在落嚟搶啫! 係咪要幫地產商去庫存?

5. 真真薯片 2018-07-14 11:55:47
真係要做就唔需要講,一黎就堅料,3D就係例子

林鄭岩岩出招令地霸少左2000億生意機會,叫做賺左個勢,講野多左d份量,佢趁依家出口術者

不過睇個勢,林鄭任內要加辣機會極高,關鍵係貿易戰股災幾時爆發
6. 浪子心聲 2018-07-14 12:25:05
大家終於相信特首在香港係有超然地位及權力,香港的房屋問題絕對不難解決,問題就在於特首本人的決擇。 


7. 顏色筆 2018-07-14 12:54:06
4樓說得對.
8. 香港人 2018-07-14 13:02:39
政府只是得個講字,最怕地霸發爛,那怕香港人沒居所!
9. 十一哥 2018-07-14 13:17:05
詐嬲…唔洗咁多解讀、林鄭…軟揮眉來眼去、唔會嚟hardcore、全部借位嫁嫁依、一講到起公屋就又生地又熟地~索性話冇地、隨口噏都要5·7年、試下大錢袋趕注…年零成件豪宅都出得街、以當年科技…康樂大厦10日8日起一層、跟本就怕磚頭一冧~香港就乜7都不是、等於冇賭…馬交就等吊頸。

在上早就有論點、正苦責任顧掂公屋滿足合格人仕、私樓就等於葡京之於馬交、係香港入息命脈…由得佢上天下海、自由熱鬧正苦就多入息、勝者留敗者走…流水不腐、間唔中假假地講句賭係怡情…唔好冇性 ! 法治精神declare咗就明呃都皆因你笨7。


10. 空置廢招 2018-07-14 15:33:52
大家都知道空置稅是廢招,但估不到廢得咁快。限購令只不過是另一廢招,上海有版你睇。
11. 林太的悲哀 2018-07-14 15:44:04
當你把一很渴市很收歡迎的物體禁成毒物一樣,此物體的價錢也會好似毒品一樣,越禁越升。

老老實實移山塡海,增加實質供應吧。一咪沉迷辣招,沒有用的。


12. 發火 2018-07-14 17:01:01
空置稅巳經失效,只好發火。
13. 中原指數發火大家又驚唔驚 2018-07-14 18:55:17
出埋限購,CCL直撲300大關。😰
14. Carson 2018-07-14 19:36:42
新地到今日仲玩超高溢價招標,簡直係地霸中之極品,難怪梁振英一上場就郁佢哋。今次佢哋連習總都唔俾面,睇下會點。
16. 真真薯片 2018-07-15 00:05:01
如果貿易戰股災拖多幾個月至半年先爆發

娥六招有望成為最快失效辣招
17. 9m5w 2018-07-15 00:45:12
不回祖國? 海航董事長意外摔死 遺體葬在美國

中國海航創辦人王健日前在法國,因為想要爬上矮牆看風景,卻不慎摔死,大亨意外身亡引起外界揣測。如今有媒體報導,生前口口聲聲「我們黨、我們國家」的王健,遺體卻是要葬在美國。

http://news.ltn.com.tw/news/world/breakingnews/2487947
18. al70 2018-07-15 01:20:37
一早就要限購大6人買香港楼。
佢地都5系住香港,又冇身份証。只系買来避險,走资,投资等升,就算每年起3万,都5夠供应。
一系限制大6人買,一系加佢1倍,2倍楼价。




19. 顏色筆 2018-07-15 10:32:59
只要將現有的所有地皮交由市建局,建後以成本價(政府收回地價)售給香港市民,地產商自然會減價,樓價便不會失控上昇,政府再大規模移山填海,待有大量土地時再出售地皮給市場。
20. 顏色筆 2018-07-15 10:54:08
政府第一是消除市民買不到樓的情緒,只要推出只售給香港居民的遠期認購權,便可立即降溫。再用行政手段大規模移山填海來增加供應,這也可以增加市民支持政府大規模移山填海。
21. 冇土地有火都冇用 2018-07-15 11:43:19
填不了海,移不了山,阻不了每天150人移港,樓價只有一個方向,發幾大火都只是虛火。
22. 太上忘情 2018-07-15 12:11:50
林鄭在房屋問題上背後似有高人指點,可能是香港團結基金會。香港團結基金會表面上由董伯伯牽頭,但內裡已網羅不少叻人,黃元山為其中之一,積極為不同社會問題做研究。
23. 限外令一出 2018-07-15 13:13:12
限外後,醒目的香港炒家必會把豪宅注入公司,然後用天價把公司股份轉俾強國買家。公司轉譲只須俾0.25%印花稅。以後的轉讓連田土廰都追查唔到。

限外令的作用,哈哈哈。大家不要有太多幻想了,快些上車吧!
24. 巴 2018-07-15 13:44:06
奶粉俾大陸人搶到本地人買唔到
雙非搶晒床位搞到本地人生唔到b
樓俾內地投資者搶黎投資,搞到居民三代人供樓俾第三代。

700萬人城市 點夠供應13億人需求

25. 十一哥 2018-07-15 14:02:03
日日150人操落嚟搶樓~搶食、睇番環頭灣尾D清潔工、保安員、企堂等等工種比佢地霸輪哂嚟做、香港人就行行企企~唔知係冇得撈定唔洗做、一於學儍侵…唔輪比老表賺工錢、唔輪洗老表服待、自己做輪番哂~賺輪番哂、哼!

26. Bos fan 2018-07-15 15:56:04
廿年後,係港陸人天下!
27. 真真薯片 2018-07-15 15:59:40
我認為中部水淢填海到最後係會成事既,不過極可能係15-20年後既事

而每日150,一年已經過五萬,再加每年落黎讀書,職業,人材移民,一年加埋起碼十萬八萬,20年就新增160-200萬人口,到20年後中部水淢終於入伙之際,就算真係大過沙田可以起40萬個單位,一個單位住4個人,都係岩岩好夠找數而已,以上條數仲未計香港本地人/新移民係會生仔同組織分支家庭既住屋需求,我當本地人生育率低同死亡率打和,故意計細d條數當係讓你半臂算啦

由於大陸放人來港洗血係硬任務,特衰正苦只可以接受,前兩任特首多次有意無意提到香港人口要有一千萬,已經可見端倪,所以中部水淢填海到最後一定會成功,否則果200萬人真係唔知擺邊,當然正苦會鼓勵本地人後生既就北上發展,老既北上退休,希望可以幫輕下,但幫唔到幾多囉

留意我只係分析緊洗血計劃對樓市需求方既支持作用,洗血個名係難聽少少不過我冇講洗血係岩定錯,呢個係必然發生既事實,無對錯可言,20年後大陸區住環境好過香港絕對唔奇(留意,唔一定係大陸進步,可以係香港退步!)我只係覺得大家應該睇清呢個事實對分析港樓未來20年需求會有幫助而已,或者簡單講,就算成功填海,香港既居住問題係未來20年基本上都唔會解決
28. 樓市中哥 2018-07-15 21:47:50
二十多年後根本没有香港人居住問題,因為再没有香港人之分。


29. 樓市中哥 2018-07-15 21:54:17
特首話香港人口没有上限