地產博客
瀏覽人次:16489    回應:2
文亮言
點解小米升,騰訊跌
 
湯文亮博士
紀惠集團行政總裁
2018年7月11日

  小米上市,第一日潛了些少水,有年輕小姐話唔抵,想抽的時候抽唔到,唔想抽到的時候100%抽到,早知留返d錢買騰訊好過,在天南地北一番之後,小姐話佢男友近日没有找她,小道消息話他識了一個少女,但那位小姐表現非常淡定補充說,現在放她的男友出去玩下,唔需要幾耐,他就會回到身邊,老練之處,與她的年紀絕不配合,香港的女士太過早熟。

  我話男女之間的事,我不大懂得,不如講返股票,點解今日小米升,騰訊跌,小姐話唔知,如果知道就入多幾張飛抽小米,其實,那位小姐不用入飛,前日小米在開鑼後整天潛水,從市場買抵過入飛抽,買小米與騰訊的是同一類型投資者,小米上市潛水,不過,不少大行例如大摩等睇小米可見30元,既然如此,不少人便將手上騰訊賣走,轉買小米,貪其值博率高,所以做成小米升,騰訊跌,年輕小姐話不明白,我更加不明白,那位小姐是專業人士,她的工作是教人投資股票。

  我問那小姐,是不是她的男女最近識了一位少女,而減少了與她的約會,情況就好似小米上市,多了人買小米,削減了買騰訊的人,甚至有人賣走手上騰訊而轉買小米,做成小米升,騰訊跌,今次我可能勾起她的痛苦,竟然話同意我的說法,問我之後又如何,小米會不會繼續升,騰訊繼續跌,我話這與你的男友會不會回到你身邊的理由一樣,如果他新認識的那位少女比你好,有可能永遠不會回到你身邊,如果股票投資者發覺小米的前景比騰訊為佳,就會繼續賣騰訊,買小米,騰訊可能有機會繼續下跌,小姐沒有回答,她在沉思。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 十一哥 2018-07-11 10:54:12
騰訊袋咗大銀後…搏命娶好多妾侍…生咗好多仔、已經打咗鉄桶江山、唔掂佢 ? 衹因唔啱息魔價值觀。

小米丁蚊食件咁做、出咁多無乜謂嘅產品…要賣得梗要性價比高、毛利就低到分分鍾入肉、短期當廣告洗費一部份、長遠就冇景、以產品得意繁多嚟撑場、缺咗~冇佢就冇代替~嘅强項、copy平果呢招唔襟玩、賣實體產品~玩唔到天文數字、互聯概念又冇突破之處、三星喺~阿三~市場發圍、米仔好易退燒…小心 !

2. 真真薯片 2018-07-11 11:18:32
小米講到明硬件唔賺錢,佢主力要賣軟件

小米軟件淨係小米手機用,騰信軟件就所有牌子手機都用,優勝劣敗,非常明顯

香港股民久經磨練,騰信跌小米升呢個局,呃唔到太多人