地產博客
瀏覽人次:15947    回應:11
文亮言
房策六招對樓市影響(8)令樓價下跌的慾望號居車
 
湯文亮博士
紀惠集團行政總裁
2018年7月4日

  上星期五,林鄭宣布了房策六招之後,不少知名人士說不但對樓市沒有影響,甚至不能遏止樓市升勢,原因是政府將九幅優質土地用作興建資助房屋,少了這九幅大約可以興建10,000個住宅單位土地,供應更加少,樓價更加會飆升,有咁多知名人士發言,令到林鄭都唔敢反駁,只能夠話她亦知道房策六招對樓價沒有影響,不過,在職責上一定要做一些事情,意思是請各位高抬貴手,既然房策六招對樓市沒有影響,請不要反對,讓香港政府向中央交代。

  房策六招對壓抑樓市有沒有作用,其實大家都心裡有數,雖然知名人士話供應減少,樓價會繼續上升,但他們沒有說需求同樣亦減少,在房策六招下,樓價最多是保持平穩,絕無可能繼續上升,林鄭所言只不過示弱,希望既得利益者在沒有損失之下接受房策六招。

  有人不明白,置業需求是香港人重中之重,怎可能會減少,其實,減少的人是上了車,不過並不是買了樓,而是上了慾望號居車,首先,非公屋居民可以用大約市價52折買居屋單位,但政府的目標並不是他們,而是公屋富戶,他們可以用大約42折買新居屋單位,這是我們常說的綠置居,而那一班公屋富戶遷出後,他們的公屋單位可以給予輪候上樓的人,所以,綠置居的訂價才會如此吸引,有了綠置居,大部分有資格買私人樓宇的公屋富戶情願抽籤買居屋,而不會買地產商的新樓單位,所以,雖然九幅撥作資助房屋用途優質土地令供應減少超過10,000個單位,但令到更加多公屋富戶上了慾望號居車,購買力減少,樓價就會有下調壓力。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 十郎 2018-07-04 09:10:27


      佢地5係5明 , 而係5想明。

2. 十一哥 2018-07-04 09:30:23
實質供應冇減少、衹不過係面粉廠焗埋面包食咗D客仔、少咗中間嘅增值服務、成班…來手/耙仔…生計最傷。

3. 十郎 2018-07-04 09:47:35


      11哥 , 你要用d淺白些既文字來表達。d地皮5用來起私樓 , 改左起公屋居屋 , 如果但求一樓藏身 , 5買私樓就買公樓囉 , 數量上冇少到 , 何來供應短左令樓價上升呢 ?

4. 地皮更矜貴 2018-07-04 10:48:25
少了10000個單位發展私樓,發展商更加惜售,更會搶高地價,到時候一係就起哂豪宅,或是起哂立米樓,才能可以用高樓價出售,否則好難有利潤可言。

最終都會發展到樓價越來越高。
5. 解決房屋"一石三鳥"方法 2018-07-04 10:48:27
要解決現時高樓價市民買不起樓,政府又不用少收稅收是有方法解決的,又可令樓價不再狂昇,只要政府將所有要用來出售的地皮,全給市建局建屋,只收建築成本再加政府預算要的地價,再售給香港居民,這樣地產商要出貨只有減到合理的售價,沒法再取暴利了,要建屋只可用農地補地價來建,農地不用再曬太陽。這要看官員是為市民或是為地產商服務。
7. 真真薯片 2018-07-04 12:01:34
我覺得綠置居應該起靚d賣貴少少,用地點同質素去吸引富戶,房協年頭既翠領峰就係完美示範,賣萬一二蚊呎,起靚少少,地點好,大把富戶搶住要

賣貴d既好處係,一來正苦收返多d錢,另外消耗更多資金同購買力,如果綠置居賣太平,富房買完綠置居仲有大把錢剩,轉頭用仔女名去搶市樓,實行自住綠置居,私樓放租,咁點搞?
8. 鳥5 2018-07-04 12:27:36
佢都有道理,先晝靚D隻雞,方便多左人支持去揾隻蛋。D個都係一種管理預期,政府如果食盡首置人,第一食物連份額,咁係一份德政。。土地→房屋→擔保→低家債收入。。填海為最快方法(小人 遷徙)工程快。之於貨少而貨坐D既地霸就正苦都好難控制,D果就要等天收(外圍佬),不竟地霸死門重來5係正苦入,係(外圍佬),生門係正苦放(孫9招),今次地霸公然威脅 body language 正苦',張來比地霸(外圍佬攪死),就自斷生門,專業外圍佬總有一日會到。。边個地覇冇衭,係佢地專業,5係正苦
9. 鳥5 2018-07-04 12:36:37
講到尾 持貨能力,冇 槓桿冇問題,有槓桿,有風險,上帝要你亡,必先引你狂,係指美金開槓桿。。D果債主有D特别,佢未必耍貪你有還得,有時係貪你冇得還。。
10. 鳥5 2018-07-04 12:43:35
地霸 smart guide starting to dONE stupid,自斷逃生門。。如是因,如是果。悶声發大財,都已經大錢,仲公然威脅正苦。。
11. CCL 2018-07-04 19:55:43
事實是業主反價,買家追價,繼續爆上,樓上啲淡友正在自我陶醉,發夢樓價大跌,咁樣都好,他們會開心一些吧!
12. 回11樓 2018-07-08 14:38:21
有名你叫
浪子自我逃醉😂😂😂