地產博客
瀏覽人次:25958    回應:16
文亮言

房策六招對樓市影響(4)轉嫁即是明刀明搶

 

湯文亮博士

紀惠集團行政總裁
2018年7月1日

  在林鄭宣布開徵新樓空置稅之前,不斷有學者話地產商可以將稅項轉嫁到買家,我已經寫了幾篇文章解釋地產並非一般利潤微薄生意,更何況地產商若果要付新樓空置稅,只不過是持貨不賣,希望以後可以有更高利潤,新樓空置稅可被視為是機會成本,點解可以轉嫁給買家,不如去搶。

  在林鄭發表房策六招之後,學者了解到實況,已經沒有為地產商發言,所以,有地產商自己赤膊上陣,明刀明搶話將新樓空置稅轉嫁到買家,我認為講得出就要做得到,要轉嫁就要明碼實價,好似航空公司的燃油附加費一樣,在樓價之外列明是將新樓空置稅,這樣做才夠吉士,現在話轉嫁在其他人眼中只不過是恐嚇政府,所以,轉嫁只不是講下,我就不相信有地產商夠膽明刀明搶。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 十一哥 2018-07-01 09:28:24
冇你唔得就話嚇鬼轉嫁啫、而家係正苦留米自己煑飯、大錢袋冇米點囤炒呢?谷種炒完就冇跟尾、皇家飯頂爛市囤貨就冇數為··  

囤積…玩飢餓營銷、做勢砌幾單天價…配合貨疏就成指標、正苦反客為主大折扣、大錢袋揾長可以懷緬過去good old days…吊喺車邊嘅就rock and roll…

2. 顏色筆 2018-07-01 09:30:05
地產商每次賣樓的訂價都是去到最盡,空置稅沒有沒轉嫁給買家,只是在口上說有或沒有,最終的售價也是一樣的。
3. 樓市中哥 2018-07-01 12:27:10
上月買了自住樓,就算跌3成又怎樣?唔通低價賣了它?只要利息不要急升,供得起就ok.

反而我覺得應該管制資助房屋買賣及他們買私樓的限制。有很多人住資助房屋但炒或出租私樓,這是對其它没拿資助的人很不公平
4. 明刀明槍 2018-07-01 12:41:46
香港地霸一向搶錢都是明刀明槍,絕對不會害羞。
5. 真真薯片 2018-07-01 14:05:16
新招影響琴日已經講過:

> 短中期私樓推盤量約升一成,每年應該可以保持17000-18000個
> 短中期居屋供應升,由每年3,4000,升到5,6000
> 一手私樓開價仍然視乎市況,即係“果一刻地霸想賣咁多個單位,最貴可以賣幾錢而去得到貨,呢樣野主要睇推售果刻既市況,股市,匯市,所以想地霸減價,仍然要靠侵侵果3招:美元升,人幣跌,股市跌,依家其實已經蘊釀緊,可以等多陣
> 一手樓花期會越黎越長,新規定地霸要入伙前3後1共4年內賣晒,咁當然係越早開始賣樓越好,所以老屍話地霸會唔賣樓花係廢話,唔賣樓花入伙deadline照樣殺到,將來市況冇人知,幾大都賣緊d先!
> 私樓長線供應減少,林鄭今日又講要增加公私營房屋比率起多d公屋,我個人認為,此舉最終會拉闊貧富差距,大陸搞一帶一路,無限大陸白錢黑錢湧落黎,呢d錢當然係買啟德九龍站豪宅,唔會去買金獅花園,但係大量私樓靚地轉起公屋,啟德新豪宅供應減少,錢就仍然咁多,長線新豪宅會被炒起,反而殘舊上車盤/2手居屋既客源會比新居屋扯走,進一步拉闊貧富差距

結論係,如果你錢唔多, 得4-600萬budget, 林鄭既政策可能會幫到你,因為居屋易抽左,迷你舊屋苑上車盤會受壓
而發展商手上既靚地新樓豪宅,影響唔大,長線睇升,無論邊樣都好,下半年重點仍然係睇住美元升,加息,人幣跌,股市跌呢個故仔,我個人覺得貿易戰作為炒跌既藉口將會不斷翻炒,炒炒下港股跌返到25000附近就開始去睇樓,應該岩岩好
6. 馬後車 2018-07-01 15:40:40
六招其實是希望工程。如馬會給人帶來希望。2 人家庭月入過17600 已冇份公屋。現降低居屋假, 有很大班月入三四萬基層可抽。當然有人得有人失。空置税要立法, 林鄭開200%, 地發回0%, 最後100% 收貨。那是明年三讀後了
7. 真真薯片 2018-07-01 20:23:34
6樓講得有道理,空置稅真正實施既時間係重點,如果有心做,可以即刻做,要地霸先交空置數據,稅局開定單收埋稅先,垃圾會一通過就追溯,如果林鄭玩軟實施,比垃圾會拖一拖先,咁就呵呵,拖得兩拖林鄭都落台,下任特首話佢冇講過,地霸可能一蚊空置稅都唔洗比

另外由於公屋入息限額過低,起公屋係幫唔到幾多有工返既本地人,只會益晒資產同錢係晒大陸既新移民,要起居屋先有用

空置稅真正落實時間非常關鍵,因為關乎地霸係未來一年美元升,人幣跌呢個低潮既出貨壓力有幾大,如果林鄭放佢地一緊,比垃圾會拖遲一年先實施,咁空置稅基本上係虛招,無乜用可言,每個盤比4年你賣,800個單位可以賣1400幾日,你認為壓力有幾大?但係今日果9000現樓貨尾要被迫係未來一年市況差既環境出貨,就完全唔同,就算唔劈,起碼冇得下下三四萬咁加價先
8. 浪子心聲 2018-07-01 20:54:03
真真小弟弟,到今日你重睇唔到,林鄭6月極可能已收到中央的命令要做嘢,香港班地產商亦應同時收到風,中央要他們不能反對特首施政,所以林鄭自6月中已轉曬態度,話要開徵空置稅,今天她唔再講什麼官商合作農地喇,只講填海。十月施政報告就見真章,情況可能如年初我的分析,唔記就睇多次:


還有今天香港01的新聞

行政長官林鄭月娥上任一年,她與傳媒高層聚會時提到,十月公布新一份施政報告時,公布增加土地供應方案,勾勒未來土地發展藍圖,並會要求土地供應專責小組,提早實現部份土地大辯論提出的方案。她更提到,香港未來要依靠填海造地。

土地供應專責小組主席黃遠輝表示,小組每月都會分析意見,會盡量配合政府要求,9 月份提交民意「大方向」,但不認為倘民意強烈反對部份選項,政府甚至特首仍會一意孤行推展。

林鄭月娥指,土地小組提出的18個增加土地供應選項,部分「濕濕碎碎」,她表明個人支持填海,亦是政府一直推動的方案,甚至指香港要靠填海去增加土地供應。她亦指土地小組原訂年底才提交報告,在時間上有些「尷尬」,她會向小組爭取在公眾諮詢期尾聲時,收集社會上是否對一些土地選項有較大共識,令她可以預先在今年10月施政報告提出相關政策方向。



9. 真真薯片 2018-07-01 21:15:01
浪子兄,

我都支持填海,係填就快d, 唔好係度拖

不過今次林鄭搶走左地霸9塊靚地,令地霸少左9個賺大錢項目,呢下真係有guts,完全超越前幾任特首既9up走數龜縮拖時間玩法,我真心佩服,為表誠意同支持,除非林鄭表現大變,否則佢任內所有選舉我會全部投建制派,以示支持
10. 浪子心聲 2018-07-01 21:24:36
真真,林太如能繼續以公眾利益為本施政,不單只你同我會支持她及建制派,我相信香港大眾市民都會支持她,未來香港人就有好日子過,皆大歡喜!!
11. 十郎 2018-07-01 21:25:33


      不斬樓蘭誓不還 !

      林鄭👍👍👍💪💪💪

12. 十一哥 2018-07-02 09:32:30
凶至稅挾頭、配合放風公私比例3~7打鼻、冇得借貨疏挾上火星。

13. 真真薯片 2018-07-02 10:55:52
浪子,冷靜d,首先你要記住五年內總供應量完全冇增加,呢樣野就算邊個上去做特首都改變唔到,我話支持林鄭,只係覺得佢既決策合理,佢似乎想大增公營房屋,將私樓市場同用家市場分返開,我絕對贊成,但係如果方法係用大量私樓地換去做公營房屋,私樓長線都係睇升

同埋你要留意林鄭個心態仍然係置業主導,想人買樓,佢以咁既心態做出發點,樓價跌極都有譜
14. 顏色筆 2018-07-02 11:46:02
我支持大規格填海,但要填好可以建屋的時間實在太長,現地產商有很多農地在曬太陽,政府應以收了這些農地來建屋,再用將來填海的地補給地產商,這是雙利的方法。
15. 浪子計錯數 2018-07-02 14:06:42
信報】指,房策無交白卷,新招非遏樓價。去年7月1日上任特首的林鄭月娥,對於有意見批評她上任以來,房屋政策「交白卷」,林鄭不以為然,強調政府不斷覓地建屋、改劃土地,加上綠置居及白居二恒常化等措施,並準備年內推出2500個位於長沙灣的綠置居單位;至於港人首置計劃,亦正在制訂實施框架,她個人認為在房屋政策方面,已取得一定進展。她不諱言,外界指措施無助打擊樓價或增加供應,說法其實準確,事實上,她現今這套策略,並沒有目標去打擊或遏抑樓價,亦難以增加整體供應,「但不等於我冇招」。
16. 向泛民说不 2018-07-02 21:32:31
薯片,林郑已经决心填海,但是你泛民舆论反对填海哦。大辩论目的就是为填海制造舆论。不过泛民就用高球场和棕地转移视线。
填海属于远水。但是点都要去马。今日大部分土地都是港英时期填下来的。政府要从发展商手中拿回土地定价权,就是填海。
浪子和真真,你地觉得呢?