地產博客
瀏覽人次:15836    回應:16
文亮言
拿著紅旗反紅旗
 
湯文亮博士
紀惠集團行政總裁
2018年6月12日

  雖然很多人都睇唔起毛主席語錄,認為太過平民化,但平民化另外一個特點就是令人容易明白,毛主席對於一些在表面上認同,但實際上是反對你的人會說他們是拿著紅旗反紅旗,在現實社會反而會出現一些人表面上是反對,但實上是贊同的人。

  現在社會上對於政府是否開徵新樓空置稅有不同意見,本來是很正常,但情況有多少奇怪,根據民意調查,大約八成被訪者都贊成,但輿論則大多數表示新樓空置稅沒有效用,甚至地產商可以轉嫁到買家,令樓價更高,而撰文反對的人大多數有身份,例如有經濟學者,建制派立法會議員,物業代理領導等,反而有切身利益的地產商就沒有發表意見,最多只是得堅叔代表地產建設商會反對,老實說,堅叔反對是極之正常,他一定要維護地產商的利益,其他人尤其是政客反對我就不明白,政府迫地產商賣樓,供應增加,樓價自然下跌,他們應該支持政府,待新樓空置稅發生效用之後,便可以對選民說為自己為民請命,現在反對,倘若在空置稅之後樓價下跌,他們反而會失民心,點解他們要反對,我有點不明白。

  有不少人對我說,物業代理中的泰山北斗亦反對,由此可見,新樓空置稅的確沒有效用,不過他們不明白,地產商持貨不賣,直接令到新樓供應減少,物業代理可以做的新樓盤貨源減少,收入亦相應地減少,他們應該贊成開徵新樓空置稅,點解他們的泰山北斗反對,實在百思不得其解。

   如果他們了解毛主席語錄,了解「打著紅旗反紅旗」,就知道他們的泰山北斗並不是反對,而是話俾政府知道,新樓空置稅的稅率不宜太低,現在坊間傳聞,稅率是以差餉為基礎,大約是樓樓價1.5%,以這個稅率,根本沒有效用,即使每年倍增,都要在三四年後才見到成效,當時稅率大約是12%,大致與其他有開徵新樓空置稅的國家相同,大家表面上睇到泰山北斗反對新樓空置稅,其實他在暗底裡是大力支持,並且暗示稅率一起步就要12%,否則沒有效用,老實說,政府迫地產商賣樓,即時的得益者就是物業代理,他怎會不支持,大家千祈不要誤會,他表面上支持地產商,反對新樓空置稅,只不過是拿著紅旗反紅旗而已。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
2. 十郎 2018-06-12 08:59:28


      " 打著紅旗反紅旗 " 即是 " 口是心非 " 。

      冇陰公 ! 咁樣踢爆老C。

3. 真真薯片 2018-06-12 09:18:35
博士終於同意在下所講,空置稅重點係稅率

不過博士話  

政府迫地產商賣樓,即時的得益者就是物業代理

在下就唔贊同

自從一手市場進入囤貨模式,擠住牙膏咁遂粒賣之後,香港地產市場由以前既貨如輪轉進入新既厚利少銷時代,而地霸同地代經過幾年既實踐後發現,原來遂粒高價賣厚利少銷,所帶黎既利潤比97年摸上摸上摸上摸更勁,各地霸同地代都相繼發報超越97既歷史盈利新高

所以今日地代同地霸係同一陣線,最緊要有價,量係其次,每年萬四個至萬六新樓成交係最好,正苦迫地霸賣樓,如果一年新樓有兩萬個成交,價格下跌,將會損害地代利益
4. 博士 2018-06-12 09:27:51
是等政府。薯片,
我不是終於同意,而是我們英雄所見略同,我很早已經講,新樓空置稅是以每月1%,否則就沒有成效,我見到你被人圍攻,但知道你可以應付,現在,只
5. 望東樓 2018-06-12 09:48:14
Flat rate係無用嘅,用十二巴仙不如一個月一個巴仙。
6. 真真薯片 2018-06-12 10:40:05
多謝博士,我地就等多陣,睇下正苦最後出咩招

不過平心而論,除左樓市交白卷,林鄭正苦係其他方面係做得唔差
7. 十郎 2018-06-12 11:02:00


      高樓價自有高人接 , 現在去到影響民生 , 貪勝不知輸 , 遲早逼出 " 租管 "  , 就大鑊鳥。


8. 向引刀‧土著‧自醉‧浪子‧阿井 說不 2018-06-12 11:08:57
5樓,Flat rate係無用嘅,用十二巴仙不如一個月一個巴仙。
發展商唔會司法覆核咩,打官司拖延時間都好呀!

6樓,不過平心而論,除左樓市交白卷,林鄭正苦係其他方面係做得唔差
搵個傻B坐6年,世界實和平,你睇吓仲有冇傻燦日後戇周周想搞事。



9. 真真薯片 2018-06-12 11:46:40
遂個月定遂年收唔係太大問題,重點係空置稅對地霸所產生既成本要高過地霸可以通過拖延賣樓浪高價錢所賺到既額外利潤要高,呢條數要計過先知,我相信有豐富地產經驗既波叔一定識計,如果叫我計,最簡單就係稅率要高過囤貨囤出黎既樓價升幅,假如每年升幅係10-12%,咁每個月1%或者每年12%,應該雖不中都不遠矣
10. 請教9樓真真 2018-06-12 12:07:11
如何能假定每年樓價升幅為10-12% ?
11. 引刀一快 2018-06-12 13:07:14
說不女,正係“打著紅旗反紅旗”嘅典範。
一睇說不女寫嘢就知道係燦底,反過來成日侮辱D燦哥,反骨呀你,哈哈哈哈
12. 引刀一快 2018-06-12 13:19:30
東樓兄

逐個月加收效果未必好,因為幅度細,同依家升勢差唔多,地產商可以繼續囤貨,總體樓市依然被掌控,樓市掌控力價值大於部分貨物小幅度上落。
13. 真真薯片 2018-06-12 13:28:45
10樓,我純粹參考2016(8%)同2017(14%)升幅,10-12%係中間大約數,實數叫波叔計啦
14. 向引刀‧土著‧自醉‧浪子‧阿井 說不 2018-06-12 13:44:52
自從條傻燦上星期五開始冇蒲頭,還以為大灣區因為特大豪雨而翻大浪,導致傻燦被濕瓜咗,或者被失修電線漏電而電瓜咗之中的一個添。咪話唔提醒你大灣廣燦,雨季來臨要屯多D食物系屋企,冇野食都可以餓瓜你GA。



15. 冷眼旁觀 2018-06-13 13:03:39
為什麼新樓空置稅一定 1% (每年) ?

加強阻嚇力, 可以採用累進罰則, 即首年1%, 次年1% X2 =2%, 第三年1% X 3= 3%........如此類推

又或者, 首年1%, 次年1% X2 =2%, 第3年 2% X2 = 4%, 第4年4% X 2= 8%......... 如此類推

這樣樓價升了, 發展商也不敢囤積......... , 他們必須盡快賣出, 否則得不償失

16. 引刀一快 2018-06-15 09:36:21
說不女

乜咁有我心呀?抵錫!

傻女,大陸幾十家送餐公司,俾幾蚊送餐費,24小時坐喺屋企就乜都有得食,你幾多年冇上大陸呀?

不過我中意去深夜食堂,坐滴滴Uber十零蚊,講食,廣州都係不夜天。
17. 向引刀‧土著‧自醉‧浪子‧阿井 說不 2018-06-15 10:22:50
不得不叫一聲傻燦大哥,傻燦已經練就成金身不敗之身這套絕世武功,百毒不侵了。

你自己睇下本身經營飲食企業是如何對待自己員工先,再考慮一下深夜食堂十幾呅包送餐服務,會提供些什麼優良品質俾食客享受?只怕付出的十幾呅日後需要以幾何級數上10000倍奉還,我都係唔好阻人享受美食發達喇。