地產博客
瀏覽人次:23544    回應:6
文亮言

匯豐過去表現其實很差

 

湯文亮博士

紀惠集團行政總裁
2018年4月24日

  有老友話我有影響力,我講完匯豐值得投資之後,大市跌,匯豐升,我話千祈唔好咁講,我講股票同講足球一樣,都是玩票性質,其實,我對股票與足球都不甚了了,有機會就發表一下意見,而事實上我連老本行亦未能夠掌握得到,我話利息升,全部人都話利息唔會升,我話供應增,四月份新樓銷售可能會創歷年新低,至於我話樓價跌,樓價指數每個星期都創新高,我都唔好意思再講,所以求其搵一些題材講下,股市又好,世界杯又好,但是很奇怪,今次可能是無心插柳,又俾我講中匯豐。

  我買匯豐並不是因為前景秀麗,而是過去表現實在太差,2014年中,匯豐75元,港交所150元,我用兩股匯豐換一股港交所,今日港交所260元,匯豐77元,港交所升了73%,而匯豐只升了2%,我早已將港交所換回匯豐,我並不認為港交所前景不好,反而是前景秀麗,以現價入市,贏的機會大,輸的機會少,但賠率不高,所以我轉買匯豐,雖然贏的機會未必及得上港交所,但賠率一定高很多,我是賭仔,除了贏的機會率之外,還要睇賠率,就算必勝又如何,賠率太差,即是浪費了注碼,老實說,不會有太多人明白我說什麼,除非他是生意人也是賭徒。

  有老友不同意我的說法,認為買股票應該買科技股,貪其買得小,賠得大,而且過去表現很好,其實,老友亦識得講買得小,就算買中又如何,浪費了時間,如果買得大的話,現在就震過貓王,中興事件之後,大家才發覺那些通訊科技股全部都有後顧之憂,過去表現早已反映在股價,未來要承受危機股價還未反映出來,有一句話不知是否應該說出來,就是君子不立危牆之下。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 匯豐 2018-04-24 08:52:42
匯豐e家股價低於3個月前
2. 十郎 2018-04-24 12:29:35


      我係一個賭仔 , 認真的 , 我不稱賭徒 , 因為冇資格。賠率一定要計算 , 但是勝算高才最重要 , 最近我重操跑馬郎 , 發覺一只泥地王-------豹子頭 , 逄出偕勝。對上星期獨贏20元 , 位置12元 , 友人話我知 , 好過去銀行收息呀 , 一個鐘頭就100厘。

      如果用這個心情投資 , 兩電最佳 , 中電跟匯豐一同50多元開車 , 中電回報5厘 , 現在85元 , 回報4厘。重要是兩電不單只唔會執笠 , 還是一定不虧本 , 利潤管制 , 賺得唔夠肥 , 可以加價而冇得反對。

3. 真真薯片 2018-04-24 16:19:09
實驗證明中興同一眾硬件科技股原來係深水埗砌機鋪,寫出砌機list就當係產品,客人要乜就跟order買料砌比佢,supplier一唔賣零件比佢就成檔生意唔洗做

不過中興只係阿爺其中一隻棋而已,係咪可以成間執左佢,換過個老闆,改個名叫“華興”,繼續同美國佬買料做砌機生意?

4. 鳥5 2018-04-24 21:40:45
中興單野係关係大陸5G(萬物互联時化)。。。中美边果囯家就係下一果領先工業囯,坐下試下咁表述,大家在爭先研發一部跑車,原來大家發現一條超跑道,就自然會出現,所有超级軟件公司,係要這裹自然出現。。。咁你就知大陸係(5可以輸),全国提速百倍以上,到時什麽fFacebook,Google,都5係对手(5係講笑。。百度地圖可以百倍Google,咁百度地圖可加大5O倍功能都快Google , 咁其他大陸軟件公司呢 咁其他大陸軟件公司呢單野唔簡單
5. 鳥5 2018-04-24 21:50:07
十年八年嗰啲又唔好講啦嚟緊美國呢一兩年會勁打台灣牌 美國囉時間唔到 大陸呢舖都過到十年八年後就贏咁但係真係唔知個過度
6. 自我陶醉 2018-04-25 10:29:38
博士講的勝算和賠率,就是計算Expected Rate of Return嘅概念, 連呢個概念都冇就話自己係投資者,仲成日話咩價都可以買嘅人先係真正賭徒,同日日在股市高追嘅賭徒一樣,只係賭嘅嘢唔同而已。