地產博客
瀏覽人次:19589    回應:20
文亮言
司長僭建可能是苦肉計
 
湯文亮博士
紀惠集團行政總裁
2018年1月11日

  不少人以及法律界人士都認為,新任律政司司長應該為僭建事件辭職,特首的解釋是警覺性不高,律政司又立刻承諾還原,我認為最終律政司無論是否要辭職,她行的是苦肉計,否則的話,的確是犯了一個無可挽救的低級錯誤。

  香港人都知道,僭建的問題根本沒有辦法解決,在以往,房屋署發覺任何僭建行為,都會發出一張俗稱釘契的僭建清拆令,很少業主會理會,而房屋署基於人手不足,很難貫徹執行所發出的清拆令,如果根據先後次序清拆,現在執行的最少是十年前發出的清拆令,不過,釘契亦有其效力,任何物業因為有僭建而被釘契之後,在買賣轉讓時必定要還原,就算買家願意接受僭建清拆令,銀行都不會承做按揭,除非買家是全數繳付樓價,這雖然沒有正式解决問題,不過,可以說沒有辦法中辦法。

  在政府推出辣招之後,不少業主,尤其是豪宅業主是會以公司轉讓形式來買賣物業,令到僭建清拆令永遠是一張通告,不會產生任何效用,最多是一些沒有恐嚇性的罰款,更加令到用有限公司持有的物業有持無恐,可以自由自在地僭建,即使他日要賣給別人,都毋須理會僭建清拆令,政府當然知道這個情況,但又束手無策,我估計今次司長兵行險著,不惜以身試法來令到大家關注這個問題,政府以後可以大刀闊斧來解決,所以,我認為今次政府行的是苦肉計,回想到清代鴉片戰爭,兩廣總督林則除在最初的時候,因為他的兒子也吸食鴉片,很難執行鴉片銷毀令,於是,林則徐反鴉片運動第一槍就是打向他的兒子,反鴉片運動才可以進行,或者,有人會質疑我們的官員有沒有這種質素,其實,有沒有都沒有所謂,一於學賈寶玉溝女時對阿玉阿釵的說話,真亦假時假亦真,以假作真,律政司司長接受判罰,以此為案例,僭建清拆令就可以嚴格執行,司長僭建算不算是苦肉計。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 香港土著 2018-01-11 09:49:37
若是苦肉計,最終目標可能不是僭建,而是僭建物背後的套丁樓契...... 
2. 十郎 2018-01-11 10:03:59


      我有點不明白 , 點解泛民議員 , 人人都能夠循規蹈矩呢 ? 有冇人或者傳媒去跟進呢 ? 我建議屋宇署為了以後不被人指摘失職 , 應該主動檢查各高官議員們的物業 , 甚至擴大到知名人仕如法律界的人 , 這樣才顯得公道。唔駛習大大來做吧 ?


3. 真真薯片 2018-01-11 10:04:19
律政司真係告自己先講啦
4. 十郎 2018-01-11 10:12:59


      人人都話告律政司 , 佢依時還原左就冇得告啦。律政司與普通市民一樣權利。屋宇署不指出何處有錯 , 何處要修改 , 何時要完成修改 , 我一律當唔知。

5. 雜大大 2018-01-11 10:13:36
如果要習大大做,就是只需用一招,叫高官說因為家庭問題需要辭職或不再參選,再加上給他們一個虛銜,便可打發他們消失。嚴重一些就會秋後算帳。
6. 望東樓 2018-01-11 10:16:24
而家真相大白啦。的確係用苦肉計嚟裝越位。泛民扮癲狗吠咗幾日之後就輪到毛姑姑俾人翻舊賬自己有僭建。
7. 自我陶醉 2018-01-11 10:31:51
香港政府嘅誠信真係爛到冇得救, 普通警察、律師、法官知法而犯法已經夠差勁,現在連法律界攞住把尺把關嘅人道德標準都咁低,真係無話可說。 連一個普通市民買樓都識得睇下問下層樓有冇僭建,作為專業人士,一句忙冇時間就想將件事推得一乾二淨, 我哋呢啲蟻民仲可以對呢個政府有咩期望?

8. 真真薯片 2018-01-11 11:21:35
好多年前有個法官個仔藏毒都係輕判, 講到底, 法治只係用黎比有錢有權既人用黎管理其餘99.99%既普通人, 呢樣野古今中外都冇分別
9. 傻牛 2018-01-11 11:26:40
8樓薯片兄所言甚是
10. 利好樓市 2018-01-11 11:40:36
特首及長官不斷爆出僭建問題,可想而知香港居住問題有多嚴重。傳媒落力爆料,等於替發展商做廣告,把更加多人嚇到要飛撲入市置業。

打開報紙,香港樓市利好消息不絕,想跌都難。唉!
12. 政治迫害 2018-01-11 11:47:31
大佬,香港地啲豪宅大屋一百間有99間涉僭建,人皆所知,有幾大件事?

長毛高薪厚職,長期佔用公屋,一樣是知法犯法,為何消遙法外咁多年?
13. 十一哥 2018-01-11 11:52:56
十一哥 2018-01-08 09:13:31
簡單到極、上任第一炮…告自己先…有型有欵夠哂台型、罰錢啫…點會係問題、以後要告D對手…冇哂掣肘。

僭建有幾大鑊呀?糾正最多罸多少就冇事幹、呢單嘢…有冇釘契紀錄先係最大甩身理由、專業人士有組織咁呈交圖則 、成棚專業人士參與嘅大波蓆都可以BMW甩身、人類社會…梗係階層群體有別啦  !  公平…强者講…弱者求 !


14. 十郎 2018-01-11 12:07:35


      十一哥-----------贊成僭建的確好少事 , 不過鑿大左就難攪。事實公平係強者講 , 弱者求。但係佢地鐘意講嘛 , 佢地用公平呃人嘛。咁就同佢玩公平囉。

15. 銀行出招 2018-01-11 12:11:44
除渣打銀行外,亦有其他銀行為新盤提供定息按揭。經絡按揭轉介夥拍一間銀行為上環28 Aberdeen St.推出定息按揭計劃。經絡按揭轉介市場總監劉圓圓表示,該計劃按揭成數最高五成,首年定息1.7厘,其後為H+1.3厘,息率上限鎖定P減3.1厘(P為5.25厘),最長還款期30年,另設最高1.7%現金回贈。相比市場上一般浮息計劃(H按及P按),此定息按揭計劃 首年可節省21%利息支出。

金管局搞到銀行冇生意做。銀行借錢出街有風險,但冇生意做,一亳子都唔借出去,就冇風險?


17. 自我陶醉 2018-01-11 13:30:54
管理層冇誠信,係投資股票第一大忌,隨時穿櫃桶底,賺幾多都冇用,一股我都唔會買。

一個可以將個人利益凌駕法律嘅律政司長,點樣可以令人信服,真係要拭目以待。

18. 說3道4 2018-01-11 14:01:12
泛民議員 人人都能夠循規蹈矩 ? 講笑咩,今日冇睇東方?
19. 十一哥 2018-01-11 15:23:21
唔好以為舉…民主…個招牌就係為民請命、招牌識字嘅就識寫、建制…班既得利益者早霸哂位、冇料嘅階層…搏上位揸庒…梗要用民主咁搶嘅牌頭啦!你鬼打鬼時…外敵梗嚟火上加油㗎、出多少糧等D爛頭卒全職攪局、成本效益好過自己出手。


20. 十一哥 2018-01-11 15:27:24
政治冇派別、衹係爭揸庒、始終都係平民被揾笨7。


21. 小明 2018-01-11 19:32:14
乜冇人覺得成個佈局同幾年前一樣咩?如果有人唔識趣,睇怕遲d連僭建的則都會由消息人士提供添呀,重點係『識趣』。
22. 真真薯片 2018-01-11 20:17:40
細個讀中學果陣, 阿sir最鐘意捉人gel頭, 但係阿sir自己又gel頭, 終於有一日有人問阿sir, 點解你可以gel頭, 學生就唔可以? 阿sir答得妙, 佢話校規係用黎管理學生既, 所以學生先需要守校規, 老師唔洗

律師司司長僭建其實同學校阿sir gel頭冇分別, 今次我撐司長, 佢真係冇做錯