瀏覽人次:27616
回應:27
|
啱價買樓,又何須尷尬
湯文亮博士
紀惠集團行政總裁
2017年12月15日
前政府財經事務局局長陳家強在卸任前提醒大家小心樓市有泡沫,但最近被記者發覺他以三千多萬元買了一個中半山單位,局長在解釋的時候有多少尷尬表情,其實,我認為局長毋須尷尬,正如超人所說,有需要而又負擔得起幾時都可以買樓,局長在離任前說樓市有泡沫,除了警剔市民之外,還有一個特別原因,就是知道林太在上任之後,會致力解決供應不足這條老問題,CY雖然話搵地搵到粒粒皆辛苦,但在任內從不與地產商在補地價問題上作出妥協,導致長期供應不足,樓價當然飆升,局長知道林太有辦法解決,樓價自然會向下調整,局長提醒大家其實是臨別贈錢,大家千祈唔好將好人作賊扮。
在我寫了「細價樓爆煲論」之後,小女一口氣買了四個紅山半島,不少人話我講一套做一套,我話我講細價樓爆煲,小女買紅山半島,根本沒有抵觸,更何況當時紅山半島賣萬八元一呎,沙田第一城賣萬六,買紅山半島,我當然不會反對,如果買沙田第一城,我就不主張,今日紅山賣兩萬八,第一城依然賣萬六,買唔買樓,買什麼樓,最緊要是睇價錢,啱價的話,細價樓也可以買,而小女師承陳家強,她讀科大環球商學院的時候,陳家強是院長,今日,連山旯旮的新樓盤都賣超過兩萬多元一呎,比局長買的中半山樓還要貴,作為師傅的局長當然知道怎樣做,所以,我認為局長的決定沒有錯,就算被記者追問都不用尷尬。
其實,除了陳局長臨別贈言外,張炳良亦表示,國內人在香港置業只佔總成交量1.5%,換句話說,並不是國內炒起香港樓價,這與我們日常聽到的有所出入,大家買樓時亦要考慮這一點,千祈唔好隨便相信流言,以為有很多國內人會接貨,其實,國內人買樓,首先是會考慮其他國內人,最好是用公司持有的單位,其次是地產商的新樓盤,最後才是香港人持有的住宅單位,張炳良其實是話俾香港人知道,從國內來的購買力,並没有如想像中強勁,大家千祈不要被錯誤的消息誤導,不過無論如何,官員提醒打算買樓的市民要小心,其實是他們工作的一部分,買樓要量力而為,或者在計算清楚之後,量力而不為。
|
|
|
|
|
|
1. 自我陶醉 2017-12-15 11:09:05
|
|
除咗擦鞋仔股神、同師奶樓神之外,識投資嘅人都知咩係沽高水買低水、沽弱勢買強勢,洗咩知幾時見頂,幾時見底! 幾年前沽港樓買大陸樓,個個賺到笑,只要懂得把握入市時機,年初買十球騰訊,沽十球恒指,就算淨持倉係零,一樣可以賺大錢。睇嘅係相對表現,並非絕對表現,除咗假股神同假樓神,邊個會理沽嘅港樓同期指升定跌? 什麼有錢就買,幾時都可以買,咩價都可以買,什麼上錯車,落錯車,說穿了,不是太多錢唔知點算,便是對投資一竅不通的投資大法。
|
2. 你說呢 ? 2017-12-15 11:24:53
|
|
昨天北角東海璇呎價5.9萬
新高!!!! 他們都敢買 說明了香港樓價所以我們的年輕人要加快點買入市區三十年以上的傳統屋苑;因為它們的價格只是$13000比較昨天的還低78%啊!我知道附近九龍城碼頭对面啟德發展區(有人說啟德發展區是未来的中環)有一傳統明星屋苑#偉恒昌新邨可供選擇!要快土瓜湾區是近年舊楼重建重點區#市政局和地產發展商大力收購啊!這個是我們現今年輕人可以安全入市的大好機會!市政局的收購價己是$15383每平方呎!年輕人赶快行動;不要聽一些没用的!..!!
|
3. 回1樓 2017-12-15 11:27:17
|
|
閣下有樓主成就嗎?樓主就獨孤一味買樓,買樓再買樓、你嘅網名冇起錯.
|
4. Joe Wong 2017-12-15 11:33:56
|
|
請自我陶醉先生指教,18年買十球乜嘢,沽十球乜嘢?沽港樓買乜嘢樓?
|
5. 自我陶醉 2017-12-15 12:28:35
|
|
唷!百變樓神都請教我? 榮幸榮幸! 買樓喇! 唔好俾佢停。 有個樓字的,咩樓都可以買,咩價都可以買。做咩問我? 你今日就叫Joe Wong, 明日就變Joe Yeung,顧問費我問邊個收?哈哈哈!
|
6. 回4樓 2017-12-15 12:30:08
|
|
|
8. 真真薯片 2017-12-15 12:41:47
|
|
冇錯, 當海旋5萬8成交, 局長2萬4買半山豪宅, 絕對係抵買, 局長真係唔洗唔好意思, 佢應該反問記者, “香港有一個投資高手做財經局長, 係好事定壞事?” , 如果記者話佢言行不一, 叫人唔好買樓原來係唱淡掃貨, 局長可以話佢只係咁一般市民大衆小心, 局長買既係3千萬豪宅, 記者中今期六合彩都買唔起, 局長買豪宅關你d屁民咩事?
不過如果記者話, 如果之前局長叫人唔好買樓果陣買民生樓, 依家d民生樓升左3升, 局長時否老點? 咁局長真係唔知點答
|
9. Joe Wong 2017-12-15 13:08:34
|
|
|
10. 十郎 2017-12-15 13:35:37
|
|
醉兄 : 我都想請教 , 乜樓都買 , 乜價都買 , 乜春都買。咁樣刀哥講的2047到期的 , 你點樣睇 ? 我認真的 ! 你答完才可以收顧問費。
|
11. 十一哥 2017-12-15 14:42:40
|
|
|
12. 自我陶醉 2017-12-15 15:20:56
|
|
十郎兄,
你不會當真吧? 那只是跟這樓神講的話,人哋大把錢輸,目標係一年買一間,唔係人人得㗎! 明年風高浪急,投資千萬要小心啊!
|
13. 自我陶醉 2017-12-15 17:52:30
|
|
10樓 十郎兄,
忘了答你2047這問題,其實2047太遙遠了,好難有確實答案,這問題我會咁睇,先問自己兩個問題: 1. 香港最多樓的是什麼人? 2. 那時在香港話事的又是什麼人?
如果兩個答案都是有錢人,問題就不大了。 問題一幾乎可以肯定,至於問題二就很難說了,但仍然是有錢的既得利益者的機會也相當大。
|
14. 儍強 2017-12-15 20:23:47
|
|
千五萬時唔買,系都要等到三千萬才出手。啱價就買?一千五百萬時就唔啱價?
|
15. 人品有問題 2017-12-15 20:54:42
|
|
陳家強身為財經高官,日日勸人不要高追,自己睇啱個單位700萬時不買,要依家升到3千3百萬天價時才出顛價高追。人品有問題,有利益衝突之嫌。
|
16. 有問題 2017-12-15 21:02:39
|
|
身為局長,出言做淡個市,本來個業主可能開5千萬。陳家強有利益衝突之嫌。
|
17. 十郎 2017-12-15 22:06:42
|
|
有道理的 , 政府不會趕絕有錢人的 , 更不想推毀經濟。不會重蹈開國初年的鬥地主。
|
18. 2015年第一城 2017-12-15 22:52:15
|
|
|
19. 真真薯片 2017-12-16 10:04:47
|
|
18樓, 呢樣我都留意到, 不過冇講, 可能博士記錯, 多謝指出
|
20. 引刀一快 2017-12-16 11:57:21
|
|
自我陶醉兄、十郎兄
你地如果試過喺大陸補地價,就知道點解我會咁在意地契年限。所以就算推薦大灣區,都建議大家一定要留意年限問題,大陸住宅70年,但係有好多新樓,比如樓盤最新一期、或者爛過尾,其實地契係廿年前起表,咁就得番50年,我有個朋友早兩年喺深圳睇到一間公寓“新樓”,原來爛尾17年,公寓地契得40年,即係廿年後就要補地價。
香港人覺得補地價大圍事,因為試過集體免費續約50年,2047地契到期,估計補地價會分批實行,提前越早補就越平,將D業主分化。
|
21. 細價樓業主 2017-12-16 14:22:18
|
|
18樓 有些人永遠睇小細價樓,業主無能力 樓價都吾識升
|
22. 自我陶醉 2017-12-16 14:48:13
|
|
引刀兄
我唔熟大陸補地價情況,不過即本估一下,說到香港同大陸最大分別,要回到我所問的第一個問題上,大陸很多土地仍然在農民和平民手裡,每次收地都費盡心思,費盡力氣。大鱷點會唔知要將窮人手上的資產搶過來,最有效而合法的手段最係用高昂的地租和地稅,當你交不起稅,又有人用接近合理價買,你又會點選擇?
從經濟角度睇看,幾十年前的大陸地價,同送俾你用冇咩分別,以今時今日的國力,地價大幅飆升,若繼續以低地價將有價值的土地送出去做平房農地,絕對係資源錯配,點計都唔化算。
香港就完全唔同,幾十年前的地價差沒有大陸咁明顯,而且收幾多稅,都是既得利益者話事,冇人會同自己荷包作對的,你睇下有幾多有錢佬康樂用地,如高球場,高級會所,係幾乎零租金送俾佢哋用! 你覺得香港政府將來有能力抗衡呢股勢力嗎?
|
23. 引刀一快 2017-12-16 20:23:40
|
|
自我陶醉兄
假設到時有10%物業在當權者以及其裙帶手上,尚有90%在民間。地契到期,無他,都係收錢啫。
如果到時要為香港換血的話,地契到期亦會係手段之一。
|
24. 自我陶醉 2017-12-17 10:51:12
|
|
引刀兄
知道為何我一早認為梁振英無法連任嗎? 看到他和地產界的關係,我相信他上任以來,背脊已經被篤過無數次,亦有人花了不少錢去抺黑他,那些錢會是誰的?
別忘記發展商手上的農地,所有加起來,可能已超過香港可發展土地10%了,用樓面面積計會是多少錢? 還有他們手上商廈、商場、收來的舊區樓、酒店、醫院、貨櫃場... 又會佔多少? 他們會輕易讓步嗎?
|
25. 香港土著 2017-12-18 11:54:58
|
|
自醉兄,
你所指出地霸之籌碼,在貢橙眼中係頭號威脅政權東西,哩個問題從來不容半分討論空間,所以根本唔需要地霸讓步。
|
26. 自我陶醉 2017-12-18 14:51:15
|
|
土著兄
絕對同意政權係佢哋第一考慮,不過應該唔會係地霸,特首可以換,政權唔可以。阿爺最唔想見應該係呢班人用錢去支持港獨,除此之外,咩都有商量,阿爺有的是人、錢和時間,只要繼續放人落嚟溝淡香港,一人一票將唔會係問題,同理,只要不斷放錢同公司落嚟溝淡,地霸都唔會係長遠問題。何須硬碰呢?
|
27. 引刀一快 2017-12-18 15:41:36
|
|
自我陶醉兄、香港土著兄
最主要係想土地實權歸國有,並且利用呢樣嘢更牢固控制香港,所以我認為地契到期一事,一定會有明顯動作,講笑咁講,如果佢話邊個上台唱十首革命歌就免補地價,咁一定有百幾萬人排隊上台,呢D就係代價,冇咁順攤。
|
28. 香港土著 2017-12-19 03:48:19
|
|
認同兩位大方向!2047地權絕對係一件必搞之事,我估計抓大放小較大機會出現,捉住幾個大地霸慢慢磨,磨出汁再慢慢啜。哩點地霸們肯定已經心中有數,所以死揸農地到2047機會近乎零。加埋填海造地八年左右開始收成,未來十年土地供應應該有多無少。
|
|
|
|
|