瀏覽人次:23221
回應:8
|
現在動用強積金等同父幹
湯文亮博士
紀惠集團行政總裁
2017年11月16日
我本來不明白在以往樓價比較合理的時候,父母不願意協助兒女置業,又說什麼親生仔不如近身錢,到了近日,那些父母不顧一切,甚至要將自住單位加按來協助兒子買樓,有些兒子表示根本供唔起,但做父母的不理會這個因素,他們認為樓價會繼續上升,唔好理會咁多,一於買左先算,如果唔買,樓價會愈來愈貴,久而久之,父幹就變成了責任,其實父幹並不是不好,但最緊要的是把握入市時間,現在買樓就值得商確,我不敢說樓價不會繼續上升,但始終幅度有限,而且所有利好消息已經出現了一段長時間,即使沒有不利消息出現,利好消息已經淡化,何況有不少人早在樓市低迷時已經買樓,就算樓價下跌一兩成仍然有可觀利潤,現在買樓的人就會受到重大損失。
我們千祈唔好譏笑那些自願苦幹的父親,香港政府又何嘗不是一樣,樓價已經去到荼蘼,如果不是有地產商的高成數按揭苦撐,樓市早已下跌,即使如此,樓市上升乏力,林太上任後樓價指數上升不足1%,嚴格來說,購買力已經消耗殆盡,樓市已是強弩之末,政府官員準備慶功之際,竟然有人提出以強積金協助上車的人,我覺得他們的提議同父幹差不多,在不適合時間做應該做的事,現在協助市民上車,即是叫他們去送死,迫他們用最後一注本錢去賭,當樓市下跌,市場上又多了一批負資產者,其實,政府現在什麼也不需要做,只需要等待樓市下跌至某一程度就開始減辣,放寬逆週期措施,釋放購買力,減慢樓市下降速度,樓市如果有機會下跌至一個不合理的階段,那時候,政府才可以考慮動用強積金來協助上車人士,現在絕對不是一個好時機,不過,大家討論一下又沒有所謂,正確答案多數是從討論中得來。
|
|
|
|
|
|
1. 長沙灣出香港新地王 2017-11-16 09:08:17
|
|
以後連長沙灣都要最少3萬一尺,父母見到這樣的局面,只好提早出手相助。越遲出手只會越貴。要怪就怪政府點解把地賣咁貴。
|
2. LS 2017-11-16 09:56:33
|
|
|
3. 真真薯片 2017-11-16 10:33:10
|
|
長沙灣個價真係打左個突, 賣3萬蚊呎太保守, 我估地霸既算盤係賣到3萬尾4萬頭, 特色單位5萬, 呢口價要去貨, 就要拖長黎賣, 少少幾十幾幾十個咁擠出黎賣, 賣3, 5年咁去貨
唔係講笑, 依家地霸賣市區靚盤, 真係會咁樣賣, 維港星岸, 維港頌已經係咁, 海旋仲串, 玩招標, 預左慢慢擠牙膏賣3, 5年, 所以市區靚地新盤普通單位賣3, 4萬, 絕對冇問題, 地霸投百幾二百億落去, 唔會死錯人, 在下預言, 幾年後周圍都係浪澄灣, 越黎越近磅
地霸玩囤地囤貨, 玩到離晒譜, 但係正苦一於少理, 到年底美國加息如果港銀唔跟加, 港樓有可能再升一浸, 唔洗多, 升5%到接近170, 睇死班正苦高官到時又淨係識出口術, 得個講字, 乜都做唔到
|
4. 真真對本港樓市認知功力大增 2017-11-16 13:18:53
|
|
|
5. Bos fan 2017-11-16 14:17:06
|
|
|
6. 真真薯片 2017-11-16 15:04:29
|
|
在下自問買樓前後對樓市觀點冇變, 簡單講, 正苦既供應量得個講字, 地霸囤地囤貨自肥局面難以破解, 樓市回調只可以寄望經濟周期轉變, 加息, 美元升, 股市跌, 之類, 造就一兩成跌幅既小浪, 跌完又升返, 依家口價的確太癲, 好易即買即輸
|
7. CD ROM 2017-11-16 17:36:31
|
|
好似LS兄咁講, 宜家係仔女靠父幹上車, 或是老靠仔女人頭投資, 我地無法分出來..........
一概如論地認為呢d全部係weak money的話, 會有好大盲點...
|
8. 真真薯片 2017-11-16 18:58:49
|
|
博士係投資者, 博士選擇呢一刻唔入市
同時亦有投資者按樓入市, 投資者之間既搏奕, 就係咁樣延續落去
|
|
|
|
|